 |
ສະຫາຍ ພັນໂທ ຄໍາວັນ ຫອມທອນໄຊ ຫົວໜ້າພະແນກຊາວໜຸ່ມ ໂຮງຮຽນທິດສະດີການເມືອງກອງທັບ ໄດ້ຜ່ານບົດສະຫຼຸບການເຄື່ອນໄຫວວຽກງານຂະບວນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈຳປີ 2025 ແລະ ທິດທາງປີ 2026 ວ່າ: ໃນໄລຍະ 1 ປີຜ່ານມາ, ພະແນກຊາວໜຸ່ມ ໄດ້ເປັນເຈົ້າການນໍາພາການຈັດຕັ້ງຊາວໜຸ່ມແຕ່ລະຂັ້ນ ຕະຫຼອດຮອດສະມາຊິກຊາວໜຸ່ມ ຈັດຕັ້ງຜັນຂະຫຍາຍເນື້ອໃນຂໍ້ແຂ່ງຂັນ 4 ບຸກ ເຂົ້າສູ່ວຽກງານຕົວຈິງ ປິ່ນອ້ອມໜ້າທີ່ການເມືອງຂອງກົມກອງ ຕິດພັນກັບການກໍ່ສ້າງພັກປອດໃສ ເຂັ້ມແຂງ ໜັກແໜ້ນ, ກອງປອດໃສ ປອດໄພ ປອດຄະດີ ແລະ ກອງວັດທະນະທຳ-ນັກຮົບວັດທະນະທຳຢ່າງເປັນຂະບວນຟົດຟື້ນ ແລະ ບັນລຸຕາມຈຸດປະສົງຄາດໝາຍ.
 |
ໃນນີ້, ສາມາດຕີລາຄາດ້ານແນວຄິດບັນລຸໄດ້ 90%, ດ້ານການຝຶກຝົນຫຼໍ່ຫຼອມ-ຮໍ່າຮຽນ ບັນລຸໄດ້ 95%, ດ້ານວຽກງານການຈັດຕັ້ງບັນລຸໄດ້ 95%, ດ້ານວິຊາຊີບ-ສ້າງວຽກເຮັດງານທຳບັນລຸໄດ້ 90%, ຈັດແບ່ງປະເພດສະມາຊິກຊາວໜຸ່ມນໍາໜ້າ 4 ບຸກ ມີ 255 ສະຫາຍ, ປະເພດແຂງມີ 28 ສະຫາຍ, ບໍ່ໄດ້ຄັດເລືອກ 29 ສະຫາຍ (ຍົກຍ້າຍມາໃໝ່ ແລະ ຍັງເປັນທະຫານພັນທະ), ໜ່ວຍຊາວໜຸ່ມນໍາໜ້າ 4 ບຸກ ມີ 8 ໜ່ວຍ ເທົ່າກັບ 100% ແລະ ພະແນກຊາວໜຸ່ມໂຮງຮຽນ ໄດ້ຮັບການຢັ້ງຢືນເປັນພະແນກຊາວໜຸ່ມ 4 ບຸກ. ຈາກນັ້ນໄດ້ມອບໃບຢັ້ງຢືນນາມມະຍົດ 4 ບຸກ ໃຫ້ການຈັດຕັ້ງຊາວໜຸ່ມ ແລະ ສະມາຊິກຊາວໜຸ່ມຢ່າງສົມກຽດ.
 |
ໃນພິທີໄດ້ເຜີຍແຜ່ມະຕິຕົກລົງ ຂອງຄະນະເລຂາທິການສູນກາງພັກ ວ່າດ້ວຍບົ່ງຕົວແຕ່ງຕັ້ງຄະນະບໍລິ ຫານງານສະຫະພັນຊາວໜຸ່ມລາວ ສະໄໝທີ I ຕື່ມອີກ.
 |
ໂດຍ: ນາງ ໜູແດງ
ຄໍາເຫັນ