 |
ກອງປະຊຸມຄັ້ງນີ້, ໄດ້ສຸມໃສ່ການແລກປ່ຽນຄໍາຄິດຄໍາເຫັນ ແລະ ປຶກສາຫາລືກັນ ກ່ຽວກັບ ທັດສະນະຂອງ ນັກວິຊາການລາວ ແລະ ອົສຕຣາລີ ຕໍ່ກັບກົນໄກການຮ່ວມມືແບບຫຼາຍຝ່າຍ ໃນໄລຍະທີ່ ສະພາບການສາກົນມີຄວາມຜັນແປ, ມີຄວາມບໍ່ແນ່ນອນທາງດ້ານຍຸດທະສາດ ແລະ ຄາດຄະເນໄດ້ຍາກ. ຕາງໜ້າຝ່າຍອົສຕຣາລີ ແມ່ນທ່ານ ສາດສະດາຈານ ກິຕິມະສັກ ຄາລາຍ ເທເຢີ (Carlyle Thayer) ຈາກມະຫາວິທະຍາໄລ UNSW ແຄນເບີຣາ ແລະ ທ່ານຜູ້ຊ່ວຍສາດສະດາຈານ ຊູ ທອມຊັນ (Sue Thompson) ຈາກມະຫາວິທະຍາໄລແຫ່ງຊາດ ອົສຕຣາລີ ໄດ້ນໍາສະເໜີບົດບາດ ແລະ ການເຄື່ອນໄຫວ ໃນຂອບການຮ່ວມມືແບບຫຼາຍຝ່າຍຂອງອົສຕຣາລີ ເຊັ່ນ: ຂອບສະຫະປະຊາຊາດ, ຂອບການຮ່ວມມີອິນ ໂດ-ປາຊີຟິກ, AUKUS, CPTPP, RCEP ແລະ ອື່ນໆ ເພື່ອປະກອບສ່ວນໃຫ້ແກ່ຄວາມໝັ້ນຄົງ ແລະ ສະຖຽນລະພາບຂອງພາກພື້ນ. ນອກຈາກນີ້ ກໍຍັງໄດ້ຊີ້ໃຫ້ເຫັນເຖິງຄວາມສໍາຄັນ ແລະ ບົດບາດຂອງອົສ ຕຣາລີ ຕໍ່ອາຊຽນ, ໂດຍນັບຕັ້ງແຕ່ປີ 1974 ເປັນຕົ້ນມາ, ອາຊຽນ ໄດ້ກາຍເປັນຄູ່ຮ່ວມມືທີ່ມີຄວາມສໍາ ຄັນຕໍ່ອົສຕຣາລີ, ມີການຍົກລະດັບການພົວພັນກາຍເປັນຄູ່ຮ່ວມຍຸດທະສາດຮອບດ້ານ ແລະ ຂະຫຍາຍ ການຮ່ວມມືອອກຢ່າງກວ້າງຂວາງ ແລະ ຕໍ່ເນື່ອງ ບົນພື້ນຖານການສະໜັບສະໜູນຄວາມເປັນແກນກາງ ຂອງອາຊຽນ. ກອງປະຊຸມຍັງໄດ້ຮັບຟັງການ ບັນຍາຍຈາກ ທ່ານ ວັດຖຸນິຍົມ ດວງມາລາ ຫົວໜ້າສະຖາ ບັນການຕ່າງປະເທດ ທີ່ໄດ້ເນັ້ນໃຫ້ເຫັນເຖິງຄວາມໝາຍ ຄວາມສໍາຄັນ ແລະ ການເປັນຄູ່ຮ່ວມມືຍຸດ ທະສາດ ລະຫວ່າງ ລາວ ແລະ ອົສຕຣາລີ ທີ່ມີມູນເຊື້ອຍາວນານ, ສອງຝ່າຍ ໄດ້ມີການຮ່ວມມືກັນໃນ ຫຼາຍຂົງເຂດ ແລະ ສະໜັບສະໜູນຊຶ່ງກັນ ແລະ ກັນ ໃນເວທີພາກພື້ນ ແລະ ສາກົນ ຊຶ່ງໄດ້ເຮັດໃຫ້ ຜູ້ເຂົ້າຮ່ວມທັງສອງຝ່າຍເພີ່ມທະວີຄວາມເຂົ້າໃຈໄປໃນທິດທາງດຽວກັນ ແລະ ເປັນພື້ນຖານອັນສໍາຄັນໃນ ການກໍານົດ ທິດທາງການຮ່ວມມືເພື່ອການພັດທະນາໃນຕໍ່ໜ້າ.
 |
ກອງປະຊຸມ ໄດ້ດໍາເນີນໄປເປັນເວລາເຄິ່ງມື້ດ້ວຍບັນຍາກາດອັນດີ ແລະ ມີການປະກອບຄໍາຄິດຄໍາ ເຫັນຈາກບັນດາຜູ້ເຂົ້າຮ່ວມຢ່າງຟົດຟື້ນ ເຮັດໃຫ້ກອງປະຊຸມມີເນື້ອໃນຈິດໃຈທີ່ຄົບຖ້ວນ ແລະ ມີຄວາມ ໝາຍສໍາຄັນ ພ້ອມທັງເປັນການປະກອບສ່ວນໃຫ້ແກ່ການຮ່ວມມືລະຫວ່າງລາວ ແລະ ອົສຕຣາລີ ທີ່ເປັນມູນເຊື້ອໃຫ້ມີໝາກຜົນຕົວຈິງຫຼາຍຂຶ້ນຕື່ມ.
 |
(ຂ່າວ: ສະຖາບັນການຕ່າງປະເທດ; ພາບ: ສຳນານ)
ຄໍາເຫັນ