 |
ສໍາລັບຫົວຂໍ້ທີ່ທັງສອງຝ່າຍນໍາມາປຶກຫາລື ແລະ ແລກປ່ຽນຮ່ວມກັນລວມມີ 7 ຫົວຂໍ້ຄື: ການບັນທຸກນໍ້າໜັກລົດຂົນສົ່ງລະຫວ່າງປະເທດ ແລະ ລະບຽບການປັບໄໝ; ໂຄງການກໍ່ສ້າງທາງຫຼວງແຫ່ງຊາດເລກ 12, ສະພາບການລົງທຶນຢູ່ແຂວງຄໍາມ່ວນ, ຄວາມຄືບໜ້າໃນການສ້າງທ່າບົກທ່າແຂກ (Thakhek Dry Port), ການຊຸກຍູ້ຄວາມຮ່ວມມືດ້ານການທ່ອງທ່ຽວສອງຝັ່ງຂອງ ເພື່ອເຊື່ອມໂຍງການທ່ອງທ່ຽວ 2 ແຂວງຄໍາມ່ວນ-ນະຄອນພະນົມ, ສຶກສາຄວາມເປັນໄປໄດ້ເພື່ອນໍາສະເໜີພາກລັດທັງ 2 ປະເທດເພື່ອຍົກລະດັບຈາກຈຸດຜ່ອນຜັນບ້ານດ່ານປາກເຊບັ້ງໄຟ ເມືອງໜອງບົກ ແຂວງຄໍາມ່ວນ ກັບ ເມືອງທາດພະນົມ ແຂວງນະຄອນພະນົມ ເປັນດ່ານຖາວອນ ແລະ ປະເດັ່ນອື່ນໆ ທີ່ທັງສອງຝ່າຍມີຄວາມສົນໃຈຮ່ວມກັນ. ບົນພື້ນຖານຕ່າງຝ່າຍຕ່າງມີຜົນປະໂຫຍດ ແລະ ຍົກລະດັບການພົວພັນຮ່ວມມືດ້ານການຄ້າ, ການລົງທຶນ, ການທ່ອງທ່ຽວເວົ້າສະເພາະການເຊື່ອງໂຍງ 3 ແຂວງຄໍາມ່ວນ, ນະຄອນພະນົມ, ຮາຕິ່ງ, ເວົ້າລວມ ສປປ ລາວ, ຣາຊະອານາຈັກໄທ ແລະ ສສ ຫວຽດນາມໃຫ້ມີການເຕີບໃຫຍ່ຂະຫຍາຍຕົວ ແລະ ໂດດເດັ່ນຂຶ້ນກວ່າເກົ່າ. ພ້ອມນັ້ນ ສອງຝ່າຍແມ່ນຈະໄດ້ນໍາເອົາເນື້ອໃນຈິດໃຈ ແລະ ຂໍ້ສະເໜີຂອງແຕ່ລະຝ່າຍຈາກຜົນຂອງກອງປະຊຸມໃນຄັ້ງນີ້ ນໍາສະເໜີຕໍ່ພາກສ່ວນກ່ຽວຂ້ອງກໍຄືການນໍາຂັ້ນສູງພາຍໃນແຂວງຂອງຕົນເພື່ອຄົ້ນຄວ້າ ແລະ ພິຈາລະນາ, ກ້າວໄປສູ່ຂອດການຈັດຕັ້ງປະຕິບັດຮ່ວມກັນທີ່ເປັນຮູບປະທໍາ.
(ຂ່າວ-ພາບ: ແດງສະຫວັດ ແສນພານິດ)
ຄໍາເຫັນ