ຂອງເມືອງຫີນເຫີບ ຕໍ່ກອງປະຊຸມໃຫຍ່ຜູ້ແທນອົງຄະນະພັກເມືອງຫີນເຫີບ ຄັ້ງທີ V ທີ່ຈັດຂຶ້ນໃນວັນທີ 24-25 ມີນາ, ມີບາງຕອນໄດ້ຍົກໃຫ້ເຫັນວ່າ: ເສດຖະກິດຂອງເມືອງຂະຫຍາຍຕົວຢ່າງຕໍ່ເນື່ອງ ໄປຕາມລະບົບກົນໄກເສດຖະກິດຕະຫຼາດ, ອັດຕາການຂະຫຍາຍຕົວຂອງເສດຖະກິດ ຢູ່ໃນລະດັບ 6.78%ຕໍ່ປີ ລວມຍອດລາຍຮັບພາຍໃນບັນລຸ 799.23 ຕື້ກີບ ຫຼື ເທົ່າກັບ 127% ຂອງແຜນການ, ລາຍຮັບສະເລ່ຍຕໍ່ຫົວຄົນ 22.53 ລ້ານກີບ. ໃນນີ້, ກະສິກໍາ ຂະຫຍາຍຕົວ 4.50% ກວມເອົາ 32.96% ຂອງລວມຍອດຜະລິດພາຍໃນເມືອງ, ເນື້ອທີ່ປູກເຂົ້າລວມ 3,285 ເຮັກຕາ, ຜົນຜະລິດໄດ້ 12,750 ໂຕນ, ສະເລ່ຍເຂົ້າກິນ 380 ກິໂລກຣາມຕໍ່ຄົນຕໍ່ປີ; ການຜະລິດຊີ້ນ, ປາ ແລະ ໄຂ່ ໄດ້ 2,770 ໂຕນ, ສະເລ່ຍ 78,5 ຫາ 80 ກິໂລກາມຕໍ່ຄົນຕໍ່ປີ, ການລ້ຽງສັດ ຄວາຍມີ 1,416 ໂຕ, ງົວ 11,136 ໂຕ, ໝູ 11,802 ໂຕ, ແບ້ 1,325 ໂຕ, ສັດປີກປະມານ 401,363 ໂຕ, ການຜະລິດ ເປັນສິນຄ້າ ເຊັ່ນ: ມັນຕົ້ນຜະລິດໄດ້ 32,500 ໂຕນ ມູນຄ່າ 48.75 ຕື້ກີບ, ໝາກເງາະ ຜະລິດໄດ້ 960 ໂຕນ ມູນຄ່າ 28.80 ຕື້ກີບ. ຈໍາໜ່າຍ ແລະ ເຄື່ອນຍ້າຍຊີ້ນສັດ ອອກຕ່າງເມືອງ ເຊັ່ນ: ຄວາຍ, ງົວ, ໝູ ແລະ ປາ ມີມູນຄ່າທັງໝົດ 75 ຕື້ກີບ. ຂະແໜງອຸດສາຫະກຳຂະຫຍາຍຕົວ 8.4% ກວມເອົາ 41.02%, ອັນພົ້ນເດັ່ນແມ່ນ ການຂາຍນໍ້າຢາງພາລາມູນຄ່າເຖິງ 655.52 ຕື້ກີບ. ສິນຄ້າອຸດສາຫະກໍາ ແລະ ຫັດຖະກໍາ ມູນຄ່າ 3,843.18 ຕື້ກີບ. ການຜະລິດແຮ່ທາດ 1,819 ພັນໂຕນ, ມູນຄ່າ 182.49 ຕື້ກີບ, ທຽບໃສ່ແຜນການປະຕິບັດໄດ້ 293.8% ໂດຍສະເພາະຖ່ານຫີນ, ແຮ່ບຼາລິດ, ຫີນປູນ, ດິນຊາຍພູ, ດິນໜຽວແດງ, ປຸງແຕ່ງແຮ່ສັງກະສີ, ກາກຫີນ, ຂີງແຄງແຮ່ ແລະ ອື່ນໆ. ມີ 2 ຫົວໜ່ວຍພະລັງງານ ແລະ ການຊົມໃຊ້ໄຟຟ້າກວມ 100% ໃນທົ່ວເມືອງ. ຂະແໜງບໍລິການ ຂະຫຍາຍຕົວ 6.6% ກວມເອົາ 26.02%, ຈໍລະຈອນສິນຄ້າຂາຍຍົກ-ຂາຍຍ່ອຍ ປະຕິບັດໄດ້ 304.39 ຕື້ກີບ, ທຽບໃສ່ 5 ປີຜ່ານມາເພີ່ມຂຶ້ນ 4.60%, ຕິດຕາມບັນຊີຄຸ້ມຄອງລາຄາສິນຄ້າ ໝວດເຄື່ອງກໍ່ສ້າງ, ສະບຽງອາຫານ, ນ້ຳມັນເຊື້ອໄຟ, ອາຍແກດ, ສິນຄ້າຮັບໃຊ້ກະສິກຳ ແລະ ຢາປົວພະຍາດ. ການນໍາເຂົ້າ-ສົ່ງອອກສິນຄ້າ ປະຕິບັດໄດ້ 739.37 ຕື້ກີບ. ໃນນັ້ນ, ແປ້ງມັນຕົ້ນ ມູນຄ່າ 5.35 ລ້ານໂດລາສະຫະລັດ, ເພີ່ມຂຶ້ນ 1.5%, ຢາງພາລາດິບ ມູນຄ່າ 560.20 ຕື້ກີບ ເພີ່ມຂຶ້ນ 2%, ຢາງພາລາອົບແຫ້ງ ມູນຄ່າ 7.99 ລ້ານໂດລາ, ເພີ່ມຂຶ້ນ 2%. ການທ່ອງທ່ຽວມີ 35 ຫົວໜ່ວຍ ທຽບໃສ່ແຜນການ 5 ປີ ປະຕິບັດໄດ້ 117%, ນັກທ່ອງທ່ຽວມາພັກເຊົາ 26,277 ເທື່ອຄົນ, ສ້າງລາຍຮັບ 6 ຕື້ກີບ. ການສ້າງລາຍຮັບເຂົ້າງົບປະມານ ປະຕິບັດໄດ້ 18.32 ຕື້ກີບ ເທົ່າກັບ 156% ຂອງແຜນການ. ລະດົມເງິນຝາກໄດ້ 230.23 ຕື້ກີບ.
ທ່ານຍັງກ່າວອີກວ່າ: ການລົງທຶນຕ່າງໆ ຢູ່ພາຍໃນເມືອງ ມີທັງໝົດ 161 ໂຄງການ, ມູນຄ່າ 725.11 ຕື້ກີບ. ໃນນີ້, ທຶນຂອງລັດ ມູນຄ່າ 67.75 ຕື້ກີບ, ທຶນຂອງຕ່າງປະເທດ (ODA) ຍາດແຍ່ງທຶນຊ່ວຍເຫຼືອຈາກອົງການຕ່າງໆ 54 ໂຄງການ ມູນຄ່າ 23.19 ຕື້ກີບ, ທຶນຂອງປະຊາຊົນ (FDI) ມີ 28 ໂຄງການ ມູນຄ່າ 489.72 ຕື້ກີບ, ທຶນກູ້ຢືມທະນາຄານ, ທຶນປະຊາຊົນ ແລະ ກອງທຶນຕ່າງໆ 38.62 ຕື້ກີບ.
(ພາບ-ຂ່າວ: ແກ້ວອຸດົມ)
ຄໍາເຫັນ