ສິງກະໂປ ປະເຊີນກັບສັງຄົມຜູ້ອາຍຸສູງ ເພີ່ມຂຶ້ນ ແລະ ອັດຕາການເກີດໃໝ່ຫຼຸດລົງ

11:46 18/07/2024

ຂ່າວຕ່າງປະເທດລາຍງານ ໃນວັນທີ 15 ກໍລະກົດ ຜ່ານມາ, ກະຊວງການພັດທະນາສັງຄົມ ແລະ ຄອບຄົວ ຂອງສິງກະໂປ ລາຍງານວ່າ: ຈຳນວນຜູ້ອາຍຸສູງຊາວສິງກະໂປ ທີ່ອາໄສຢູ່ຄົນດຽວໃນຄົວເຮືອນ ເພີ່ມຂຶ້ນຫຼາຍກວ່າສອງເທົ່າ ຈາກ 35.160 ຄົນ ໃນປີ 2013 ເປັນ 78.135 ຄົນ ໃນປີ 2023.

ບົດລາຍງານທ່າອ່ຽງຄອບຄົວ (Family Trends Report) ຈາກກະຊວງດັ່ງກ່າວລະບຸວ່າ: ຈຳນວນຜູ້ມີອາຍຸ 65 ປີຂຶ້ນໄປ ທີ່ອາໄສຢູ່ໃນຄົວເຮືອນທີ່ຢູ່ອາໄສ ເພີ່ມຂຶ້ນຈາກ 413.117 ຄົນ ໃນປີ 2013 ເປັນ 708.656 ຄົນ ໃນປີ 2023 ໂດຍຫຼາຍກວ່າ 80% ຂອງຜູ້ອາຍຸສູງທີ່ອາໄສຢູ່ຮ່ວມກັບຄອບຄົວ.

ອີກຢ່າງໜຶ່ງ, ຜູ້ທີ່ມີອາຍຸ 65 ປີຂຶ້ນໄປ ຄິດໄລ່ເປັນ 19,1% ຂອງປະຊາກອນທັງໝົດໃນສິງກະໂປ ເມື່ອນັບມາຮອດເດືອນມິຖຸນາທີ່ຜ່ານມາ.

ຂະນະດຽວກັນ, ອັດຕາການຈະເລີນພັນທັງໝົດໃນສິງກະໂປ ຫຼຸດລົງ 1,19 ໃນປີ 2013 ຢູ່ທີ່ 0,97 ໃນປີ 2023 ຊຶ່ງຕໍ່າເປັນສະຖິຕິ, ໂດຍຈໍານວນຜູ້ຍິງແຕ່ງງານແລ້ວທີ່ອາຍຸ 40 ປີຂຶ້ນໄປ ແລະ ບໍ່ມີລູກເພີ່ມຂຶ້ນຈາກ 10,0 ໃນປີ 2013 ເປັນ 13,9 ໃນປີ 2023.

ນອກຈາກນັ້ນ, ຄູ່ສາມີພັນລະຍາຊາວສິງກະໂປ ວາງແຜນການມີລູກຊ້າລົງ ໂດຍອາຍຸສະເລ່ຍຂອງພໍ່ແມ່ໃໝ່ໃນປີ 2023 ຢູ່ທີ່ 33,3 ປີ ແລະ 31,6 ປີ ຊຶ່ງສູງກວ່າອາຍຸສະເລ່ຍຂອງພໍ່ແມ່ໃໝ່ໃນປີ 2023 ຢູ່ທີ່ 32,7 ປີ ແລະ 30,3 ປີ.

ທັງນີ້, ລັດຖະບານສິງກະໂປ ໄດ້ດຳເນີນມາດຕະການຕ່າງໆ ເພື່ອຊ່ວຍເຫຼືອຄອບຄົວທີ່ລູກເຊັ່ນ: ຜູ້ເປັນພໍ່ສາມາດລາວຽກເພື່ອລ້ຽງລູກໄດ້ ໂດຍໄດ້ຮັບຄ່າຕອບແທນຈາກລັດຖະບານ, ສ້າງສະຖານທີ່ຮັບລ້ຽງເດັກນ້ອຍແບບເຕັມມື້ເພີ່ມຂຶ້ນ ແລະ ຈັດສັນເງິນອຸດໜູນດ້ານການສຶກສາກ່ອນໄວຮຽນ.

ຄໍາເຫັນ

ຂ່າວຕ່າງປະເທດ

ທຶນຕ່າງປະເທດ “ເປີດໂສມໜ້າໃໝ່” ດ້ານການລົງທຶນຢູ່ຈີນໄດ້ແນວໃດ?

25/06/2026 13:05

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນຖານະເປັນກິດຈະກຳໃຫຍ່ທີ່ສຳຄັນສຳລັບບໍລິສັດຂ້າມຊາດຄັ້ງທຳອິດຂອງຈີນ, ກອງປະຊຸມສຸດຍອດຜູ້ນຳບໍລິສັດຂ້າມຊາດຊີງຕາວ ຄັ້ງທີ 7 ທີ່ສຳເລັດລົງໃນວັນທີ 17 ມິຖຸນາ ຜ່ານມາ ໄດ້ດຶງດູດຜູ້ບໍລິຫານຂັ້ນສູງ 322 ທ່ານຈາກບໍລິສັດຂ້າມຊາດໃນ 44 ປະເທດ ແລະ ເຂດແຄວ້ນເຂົ້າຮ່ວມໂດຍໄດ້ເຊັນສັນຍາ 57 ໂຄງການ.

ເອີຣົບ ປະເຊີນກັບວິກິດການຄື້ນຄວາມຮ້ອນຮ້າຍແຮງ

23/06/2026 21:12

ຂ່າວຕ່າງປະເທດລາຍງານ ໃນວັນທີ 22 ມິຖຸນາ ຜ່ານມາວ່າ: ເອີຣົບກຳລັງປະເຊີນກັບວິກິດການຄື້ນຄວາມຮ້ອນທີ່ຮ້າຍແຮງ, ໂດຍອຸນຫະພູມສູງຂຶ້ນເກືອບ 40 ອົງສາ ຊຶ່ງສົ່ງຜົນໃຫ້ມີການເຕືອນໄພທົ່ວປະເທດ. ລະບົບການຂົນສົ່ງສາທາລະນະຖືກຢຸດສະງັກ ແລະ ສັດປ່າໃນຫຼາຍພື້ນທີ່ກຳລັງເຈັບປ່ວຍຍ້ອນຄວາມກົດດັນຈາກຄວາມຮ້ອນ ຊຶ່ງຜູ້ຊ່ຽວຊານລະບຸວ່າແມ່ນສັນຍານອັນຕະລາຍຂອງການປ່ຽນແປງສະພາບອາກາດໂລກ.

ການເຈລະຈາລະຫວ່າງ ອີຣານ - ອາເມຣິກາ ໄດ້ຮັບຄວາມຄືບໜ້າ

23/06/2026 21:10

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນທີ 22 ມິຖຸນາ ຜ່ານມາ, ໃນຖານະເປັນຝ່າຍໄກ່ເກ່ຍການເຈລະຈາລະຫວ່າງອີຣານ-ອາເມຣິກາ, ກາຕາ ແລະ ປາກິສຖານ ໄດ້ອອກຖະແຫຼງການຮ່ວມວ່າ: ການເຈລະຈາລະຫວ່າງອີຣານ-ອາເມຣິກາ ໄດ້ຈັດຂຶ້ນພາຍໃຕ້ບັນຍາກາດທີ່ມີລັກສະນະຕັ້ງໜ້າ, ສ້າງສັນ ແລະ ໄດ້ຮັບຄວາມຄືບໜ້າທີ່ໜ້າຊື່ນຊົມ ຊຶ່ງລວມທັງໄດ້ສ້າງຕັ້ງກົນໄກສຳລັບການເຈລະຈາດ້ານວິຊາການຕື່ມອີກ.

ຫວຽດນາມ ຈັດກອງປະຊຸມຄັ້ງທີ 1 ຄະນະຊີ້ນຳສູນກາງ ການສ້າງລະບອບລະບຽບການໃຫ້ສົມບູນແບບ

23/06/2026 21:09

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 22 ມິຖຸນາ ຜ່ານມາ ຢູ່ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ ປະທານປະເທດ ໄດ້ເປັນປະທານກອງປະຊຸມຄັ້ງທີ 1 ຄະນະຊີ້ນຳສູນກາງກ່ຽວກັບການສ້າງລະບອບລະບຽບການໃຫ້ສົມບູນແບບ ແລະ ການປະຕິບັດກົດໝາຍ. ເຂົ້າຮ່ວມມີທ່ານ ເລມິງຮຶງ ນາຍົກລັດຖະມົນຕີ, ທ່ານ ເຈິ່ນແທັງເໝິນ ປະທານສະພາແຫ່ງຊາດ ແລະ ທ່ານ ເຈິ່ນເກິມຕູ້ ຜູ້ປະຈຳການຄະນະເລຂາທິການສູນກາງພັກ.

ຈີນ ມີສ່ວນຮ່ວມໃນງານແຂ່ງຂັນບານເຕະຊີງແຊັມໂລກ ທີ່ອາເມຣິກາ-ແມັກຊິກ - ການາດາ ເປັນເຈົ້າພາບ

23/06/2026 12:23

ງານແຂ່ງຂັນບານເຕະຊີງແຊັມໂລກປີ 2026 ທີ່ອາເມຣິກາ-ແມັກຊິກ-ການາດາຮ່ວມກັນເປັນເຈົ້າພາບໄດ້ເລີ່ມຂຶ້ນຢ່າງເປັນທາງການໃນວັນທີ 11 ມິຖຸນາ ຜ່ານມານີ້. ເຖິງວ່າທີມຊາດຈີນບໍ່ໄດ້ເຂົ້າຮ່ວມການແຂ່ງຂັນ, ແຕ່ຈີນໄດ້ມີສ່ວນຮ່ວມໃນຫຼາຍຂົງເຂດຂອງການແຂ່ງຂັນຄັ້ງນີ້ຢ່າງຮອບດ້ານ, ຈາກການສະໜັບສະໜູນ ຫຼື ເປັນສະປອນເຊີຍີ່ຫໍ້ຕ່າງໆ, ເຕັກໂນໂລຊີສຳຄັນຮອດວັດທະນະທຳທີ່ທັນສະໄໝ, ຈີນໄດ້ມີສ່ວນຮ່ວມຢ່າງກວ້າງຂວາງ ແລະ ເລິກເຊິ່ງ ຊຶ່ງມີຫຼາຍກວ່າຄວາມຮັບຮູ້ຂອງຄົນທົ່ວໄປ.

ສິງກະໂປ ຊ່ວຍເຫຼືອບໍລິສັດສື່ ພັດທະນາເນື້ອໃນດີຈີຕອນ

22/06/2026 21:42

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ອົງການພັດທະນາສື່ຂໍ້ມູນຂ່າວສານ (IMDA) ຂອງລັດຖະບານສິງກະໂປ ໄດ້ປະກາດແຜນການດຳເນີນໂຄງການພັດທະນາເນື້ອໃນດີຈີຕອນ ແລະ ຂີດຄວາມສາມາດທາງດີຈີຕອນ ໄລຍະ 4 ປີ ມູນຄ່າ 48 ລ້ານໂດລາສິງກະໂປ ເພື່ອຊ່ວຍເຫຼືອບໍລິສັດສື່ພັດທະນາເນື້ອໃນດີຈີຕອນ ແລະ ປັບໃຊ້ເຄື່ອງມືປັນຍາປະດິດ (AI).

ອົສຕຣາລີ ຢືນຢັນກໍລະນີທຳອິດຂອງໄຂ້ຫວັດສັດປີກ H5N1 ໃນອົສຕຣາລີ

22/06/2026 21:02

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ທ່ານນາງ ຈູລີ ຄໍລລິນສ ລັດຖະມົນຕີກະຊວງກະສິກຳ, ການປະມົງ ແລະ ປ່າໄມ້ຂອງອົສຕຣາລີ ໄດ້ຢືນຢັນການກວດພົບເຊື້ອໄວຣັດໄຂ້ຫວັດສັດປີກ H5N1 ຄັ້ງທຳອິດໃນແຜ່ນດິນຂອງອົສຕຣາລີ. ໂດຍຜົນການທົດສອບຢືນຢັນວ່ານົກ skua ສີນ້ຳຕານທີ່ພົບໃນອຸທະຍານແຫ່ງຊາດທາງພາກໃຕ້ຂອງລັດ Western Australia ໃນວັນທີ 14 ມິຖຸນາ ຜ່ານມາ ໄດ້ຕິດເຊື້ອ ແລະ ຕາຍຍ້ອນໄຂ້ຫວັດສັດປີກຊະນິດຮຸ່ນແຮງນີ້.

ອາຊຽນ - ຣັດເຊຍ ສ້າງວິໄສທັດການຮ່ວມມືຍຸດທະສາດໃໝ່

22/06/2026 20:57

ວິທະຍຸກະຈາຍສຽງຫວຽດນາມລາຍງານ ໃນວັນທີ 20 ມິຖຸນາ ຜ່ານມາວ່າ: ກອງປະຊຸມສຸດຍອດສະເຫຼີມສະຫຼອງວັນສ້າງຕັ້ງສາຍພົວພັນ ອາຊຽນ - ຣັດເຊຍ ຄົບຮອບ 35 ປີ ໄດ້ດຳເນີນໃນລະຫວ່າງວັນທີ 17 – 18 ມິຖຸນາ ຜ່ານມາ ຢູ່ນະຄອນ Kazan ສະຫະພັນ ຣັດເຊຍ, ໄດ້ຮັບຮອງເອົາເອກະສານຍຸດທະສາດ 4 ສະບັບ, ໃນນັ້ນ ມີຖະແຫຼງການ Kazan 2026 ແລະ ແຜນການເຄື່ອນໄຫວໄລຍະ 2026 – 2030, ແນໃສ່ກຳນົດ ແລະ ຍົກລະດັບຄູ່ຮ່ວມມືຍຸດທະສາດໃນບັນດາຂົງເຂດຄວາມໝັ້ນຄົງ, ພະລັງງານ ແລະ ເສດຖະກິດ.

ຈີນ ກຽມຈັດຕັ້ງອົງການຮ່ວມມືດ້ານປັນຍາປະດິດໂລກ

22/06/2026 20:55

ວິທະຍຸໂທລະພາບສູນກາງຈີນ (CMG) ລາຍງານວ່າ: ຫ້ອງການຖະແຫຼງຂ່າວຂອງລັດຖະບານຈີນໄດ້ຈັດກອງປະຊຸມຂ່າວຫວ່າງມໍ່ໆມານີ້ ໂດຍໄດ້ແຈ້ງໃຫ້ຮູ້ວ່າ: ຈີນກຳລັງເລັ່ງລັດກຽມຈັດຕັ້ງອົງການຮ່ວມມືດ້ານປັນຍາປະດິດໂລກ ແລະ ຍິນດີຕ້ອນຮັບທຸກຝ່າຍເຂົ້າຮ່ວມ.

ຫວຽດນາມ ຍ້ອງຍໍ 95 ຄອບຄົວກຳມະກອນ ລັດຖະກອນ ແລະ ແຮງງານດີເດັ່ນ

22/06/2026 20:54

ວິທະຍຸກະຈາຍສຽງຫວຽດນາມລາຍງານວ່າ: ກອງປະຊຸມຍ້ອງຍໍຊົມເຊີຍ 95 ຄອບຄົວກຳມະກອນ, ລັດຖະກອນ ແລະ ແຮງງານດີເດັ່ນທົ່ວປະເທດ ໄລຍະ 2021 – 2026 ໄດ້ດຳເນີນໃນວັນທີ 20 ມິຖຸນາ ຜ່ານມາ ຢູ່ນະຄອນໂຮ່ຈິມິນ. ກອງປະຊຸມຈັດໂດຍສະຫະພັນໃຫຍ່ແຮງງານ ຫວຽດນາມ ເນື່ອງໃນໂອກາດສະເຫຼີມສະຫຼອງວັນຄອບຄົວ ຫວຽດນາມ ຄົບຮອບ 25 ປີ (28/6/2001-28/6/2026).

ເພີ່ມເຕີມ