ສມປຊ ຈະປັບປຸງກົນໄກການບຳລຸງກໍ່ສ້າງພະນັກງານການນຳພາ ແລະ ຄຸ້ມຄອງ

ສມປຊ ຈະປັບປຸງກົນໄກການບຳລຸງກໍ່ສ້າງພະນັກງານການນຳພາ ແລະ ຄຸ້ມຄອງ
ໂດຍ:ສຳນານ
ໃນຕໍ່ໜ້າສະຖາບັນການເມືອງ ແລະ ການປົກຄອງແຫ່ງຊາດ(ສມປຊ)ຈະສືບຕໍ່ສ້າງສະຖາບັນໃຫ້ໜັກແໜ້ນເຂັ້ມແຂງທັງການສິດສອນ,ຮ່ຳຮຽນແລະຄົ້ນຄວ້າວິທະຍາສາດເພື່ອຕອບສະໜອງໜ້າທີ່ການເມືອງຂອງພັກໃນເງື່ອນໄຂໃໝ່.ໃນຂະນະດຽວກັນໃນເງື່ອນໄຂທີ່ປະເທດຊາດພວກເຮົາກຳລັງຫັນເປັນອຸດສາຫະກຳ ແລະ ທັນສະໄໝ,ເຊື່ອມໂຍງກັບພາກພື້ນ ແລະ ສາກົນ ສມປຊ,ຈະປັບປຸງຕົນເອງໃນຫຼາຍດ້ານມີທັງຕ້ອງປ່ຽນແປງດ້ານຈິນຕະນາການ ແລະ ກົນໄກຂອງການບຳລຸງ ແລະ ກໍ່ສ້າງພະນັກງານການນຳພາ ແລະ ຄຸ້ມຄອງໃຫ້ສອດຄ່ອງ ແລະ ທັນກັບຍຸກສະໄໝ.
ໂດຍສະເພາະຈະສຸມໃສ່ບາງທິດທາງໃຫຍ່ເປັນຕົ້ນສືບຕໍ່ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ ກ່ຽວກັບການກໍ່ສ້າງ ແລະ ບຳລຸງພະນັກງານນຳພາ ແລະ ຄຸ້ມຄອງ, ດຳລັດວ່າດ້ວຍການສຶກສາຊັ້ນສູງ, ມະຕິກອງປະຊຸມໃຫຍ່ ຄັ້ງທີ V ຂອງອົງຄະນະພັກສະຖາບັນການເມືອງ ແລະ ການປົກຄອງແຫ່ງຊາດ ໃຫ້ເປັນຮູບປະທຳ. ເອົາໃຈໃສ່ປັບປຸງໂຄງການຫຼັກສູດໃຫ້ສອດຄ່ອງກັບຄວາມຮຽກຮ້ອງຂອງສັງຄົນໃນແຕ່ລະໄລຍະ, ຍົກສູງຄຸນນະພາບຂອງການບຳລຸງ ແລະ ກໍ່ສ້າງພະນັກງານນຳພາ ແລະ ຄຸ້ມຄອງ ໃຫ້ໄປຕາມຂັ້ນຂອງການນຳພາ ແລະ ຄຸ້ມຄອງ. ສຸມໃສ່ວຽກງານບຳລຸງ-ກໍ່ສ້າງບັນດາເປົ້າໝາຍພະນັກງານຫຼັກແຫຼ່ງ; ບັນດາພະນັກງານນຳພາແຕ່ລະຂັ້ນ; ບຳລຸງສະໜອງຄວາມຮູ້ໃໝ່ໃຫ້ແກ່ພະນັກງານນຳພາ, ພະນັກງານຄຸ້ມຄອງລະດັບກາງ ແລະ ລະດັບສູງ; ສຸມໃສ່ສ້າງຫຼັກສູດບຳລຸງທີ່ຍັງບໍ່ທັນສຳເລັດເຊັ່ນ: ຫຼັກສູດຝຶກອົບຮົມຕາມຫົວຂໍ້ໃຫ້ແກ່ຄະນະປະຈຳ ແລະ ກຳມະການພັກແຂວງ, ຫຼັກສູດຝຶກອົບຮົມຕາມຫົວຂໍ້ໃຫ້ແກ່ຄະນະພັກກະຊວງ ແລະ ອົງການຂັ້ນສູນກາງ, ຫຼັກສູດຝຶກອົບຮົມຕາມຫົວຂໍ້ໃຫ້ແກ່ພະນັກງານຂັ້ນກົມ ແລະ ພະແນກຂອງກະຊວງ ແລະ ອົງການຂັ້ນສູນກາງ.ກະກຽມຄວາມພ້ອມເພື່ອສະ
ເໜີຂໍເປີດຫຼັກສູດປະລິນຍາເອກເພື່ອຕອບສະໜອງຄວາມຕ້ອງການຂອງການພັດທະນາປະເທດຊາດ. ປັບປຸງວຽກງານຄຸ້ມຄອງການຮຽນການສອນໃຫ້ມີຄຸນນະພາບ, ຕອບສະໜອງຄວາມຮຽກຮ້ອງຕ້ອງການຂອງການບຳລຸງ ແລະ ກໍ່ສ້າງພະນັກງານທີ່ມີຄວາມສາມາດໃນການນຳພາ ແລະ ຄຸ້ມຄອງ, ຄວາມສາມາດດ້ານວິຊາສະເພາະ, ຄຸນທາດການເມືອງ, ແບບແຜນການດຳລົງຊີວິດ, ມີຄວາມສາມາດທາງດ້ານຈິນຕະນາການປະດິດສ້າງ ແລະ ມີສະຕິຄວາມຮັບຜິດຊອບການເມືອງຕໍ່ປະຊາຊົນ, ປະເທດຊາດ, ປະຊາຊົນບັນດາເຜົ່າ ແລະ ລະບອບໃໝ່ຂອງພວກເຮົາສູງຂຶ້ນ.
ໃນນີ້, ເພີ່ມທະວີການຄົ້ນຄວ້າວິທະຍາສາດ.ກ່ອນອື່ນແມ່ນຮັບໃຊ້ການຍົກສູງການບຳລຸງ ແລະ ກໍ່ສ້າງພະນັກງານ, ທັງຮັບໃຊ້ວຽກງານທິດສະດີຂອງພັກ, ປະກອບສ່ວນເຂົ້າໃນການບູລະນະແນວທາງ, ທິດນຳ, ນະໂຍບາຍຂອງພັກ-ລັດ, ຕໍ່ສູ້ຕ້ານທັດສະນະທີ່ຜິດພາດ, ເປັນປໍລະປັກ, ປົກປ້ອງລັດທິມາກ-ເລນິນ ແລະ ແນວທາງຂອງພັກເຮົາ, ປົກປ້ອງພັກ ແລະ ລະບອບໃໝ່ຂອງພວກເຮົາ. ບັນດາຈຸດສຸມຂອງການຄົ້ນຄວ້າວິທະຍາສາດແມ່ນຄົ້ນຄວ້າຄຸນຄ່າທີ່ໝັ້ນຄົງຂອງລັດທິມາກ-ເລນິນ,ແນວຄິດປະທານໄກສອນພົມວິຫານອັນທີ່ເປັນມູນເຊື້ອຂອງພັກພວກເຮົາ, ຄົ້ນຄວ້າກ່ຽວກັບສັງຄົມນິຍົມ ແລະ ເສັ້ນທາງກ້າວຂຶ້ນສັງຄົມນິຍົມຂອງປະເທດເຮົາ, ສ້າງພື້ນຖານປະຊາທິປະໄຕສັງຄົມນິຍົມ, ສ້າງລັດປົກຄອງດ້ວຍກົດໝາຍຕາມທິດສັງຄົມນິຍົມ ແລະ ມູນເຊື້ອຄວາມສາມັກຄີທົ່ວປວງຊົນ, ສາຍພົວພັນ ລະຫວ່າງ ການປ່ຽນແປງໃໝ່ດ້ານເສດຖະກິດ ແລະ ການເມືອງ, ການສ້າງຄວາມເຂັ້ມແຂງຂອງພັກປະຊາຊົນປະຕິວັດລາວກຳອຳນາດ... ຊຶ່ງເປັນວິທະຍາສາດແຫ່ງການນຳພາການເມືອງຂອງພັກ ແລະ ຄຸ້ມຄອງຂອງລັດ. ນອກນັ້ນສະຖາບັນກໍຕ້ອງຜັນຂະຫຍາຍການຄົ້ນຄວ້າທີ່ຕິດພັນກັບຊີວິດຕົວຈິງ, ເຂົ້າຮ່ວມການສະຫຼຸບພຶດຕິກຳ, ເຂົ້າຮ່ວມການກຳນົດແນວທາງຂອງພັກ, ບັນດານະໂຍບາຍພັດທະນາເສດຖະກິດ-ສັງຄົມຂອງປະເທດຊາດໃນແຕ່ລະໄລຍະ.
ໃນຂະນະດຽວກັນເພື່ອສຳເລັດສອງທິດທາງຕົ້ນຕໍດັ່ງກ່າວນັ້ນສິ່ງສໍາຄັນແມ່ນປັດໄຈຄົນ, ຄຸນນະພາບຂອງພະນັກງານນຳພາ, ລັດຖະກອນພາຍໃນສະຖາບັນ. ບົດບາດ, ທີ່ຕັ້ງ ແລະ ຄວາມຮັບຜິດຊອບທາງການເມືອງຂອງສະຖາບັນຮຽກຮ້ອງໃຫ້ຖັນແຖວພະນັກງານ ຕ້ອງແມ່ນຜູ້ທີ່ມີອຸດົມການໜັກແໜ້ນ, ມີຄວາມສາມາດຄົ້ນຄວ້າວິທະຍາສາດ ແລະ ສິດສອນທິດສະດີທີ່ເກັ່ງ, ມີແບບແຜນ ແລະ ປະສົບປະການນຳພາ-ຄຸ້ມຄອງທີ່ດີ, ມີຄຸນສົມບັດ, ທັດສະນະແຮງງານ ແລະ ແບບແຜນດຳລົງຊີວິດທີ່ສົດໃສ, ເປັນຄູ-ອາຈານ ທີ່ມີຈັນຍາບັນທີ່ດີ ແລະ ເປັນສະມາຊິກພັກປະຊາຊົນປະຕິວັດລາວ ທີ່ແທ້ຈິງ. ຖັນແຖວພະນັກງານຕ້ອງສະຫງົບທາງຈຳນວນ, ໂຄງປະກອບ, ຮັບປະກັນການສືບທອດໃນອະນາຄົດ. ສະຖາບັນຕ້ອງສູ້ຊົນໃຫ້ກາຍເປັນບ່ອນປະຕິບັດທັດສະນະຊີ້ນຳ, ແຜນນະໂຍບາຍ ແລະ ວິທີການກ່ຽວກັບວຽກງານກໍ່ສ້າງ ແລະ ພັດທະນາຖັນແຖວພະນັກງານທີ່ດີຂອງພັກ.
ພ້ອມນີ້, ສືບຕໍ່ຂຶ້ນແຜນກໍ່ສ້າງພື້ນຖານໂຄງລ່າງຂອງສະຖາບັນໃຫ້ສາມາດຕອບສະໜອງຄວາມຕ້ອງການຂອງການບຳລຸງ-ກໍ່ສ້າງພະນັກງານນຳພາ ແລະ ຄຸ້ມຄອງໃຫ້ມີຄວາມສະດວກ ແລະ ມີດ້ານທັນສະໄໝ. ດຳເນີນການຕິດຕາມ ແລະ ຊຸກຍູ້ບັນດາໂຄງການກໍ່ສ້າງພື້ນຖານໂຄງລ່າງທີ່ລັດຖະບານອະນຸມັດໃຫ້ໄປຕາມລະບຽບຫຼັກການ ແລະ ສຳເລັດຢ່າງມີຄຸນນະພາບ. ເພີ່ມຄວາມເອົາໃຈໃສ່ຄຸ້ມຄອງ-ບໍລິຫານອາຄານ, ສະຖານທີ່ຫ້ອງສະໝຸດ-ສູນຂໍ້ມູນຂ່າວສານ ທີ່ລັດຖະບານໄດ້ລົງທຶນປຸກສ້າງໃຫ້ສອດຄ່ອງ, ຍືນນານ ແລະ ສວຍງາມ, ໃຫ້ເປັນສັນຍາລັກແຫ່ງສະຖາປະນິກລາວທີ່ທັນສະໄໝ. ຍົກສູງສະຕິເປັນເຈົ້າຕໍ່ຊັບສິນຂອງລັດ, ຂອງລວມໝູ່, ຂອງການຈັດຕັ້ງ ແລະ ຂອງບຸກຄົນໃຫ້ສູງຂຶ້ນ, ມີວັດທະນາທຳສີວິໄລເທື່ອລະກ້າວ.
ໃນນັ້ນເອົາໃຈໃສ່ພົວພັນ ແລະ ຮ່ວມມືກັບບັນດາອົງການຈັດຕັ້ງພັກ-ລັດ ເພື່ອຍາດແຍ່ງການສະໜັບສະໜູນຊ່ວຍເຫຼືອດ້ານວັດຖຸ ແລະ ຈິດໃຈ,ເພີ່ມທະວີແລກປ່ຽນບົດຮຽນໃນການປັບປຸງວຽກງານບຳລຸງ ແລະ ກໍ່ສ້າງພະນັກງານນຳພາ ແລະ ຄຸ້ມຄອງ ໃຫ້ສອດຄ່ອງກັບຄວາມຕ້ອງການຂອງແຕ່ລະວຽກງານ ແລະ ມີຄຸນນະພາບ, ຕອບສະໜອງກັບໜ້າທີ່ການເມືອງຂອງສະຖາບັນການເມືອງ ແລະ ການປົກຄອງແຫ່ງຊາດ.ເອົາໃຈໃສ່ບຳລຸງຍົກລະດັບພາສາຕ່າງປະເທດ ໂດຍສະເພາະແມ່ນພາສາອັງກິດ, ຈີນ ແລະ ຫວຽດນາມ ເພື່ອເປັນເຈົ້າການເຊື່ອມໂຍງກັບອາຊຽນ ແລະ ພາກພື້ນ, ເຂົ້າຮ່ວມການຄົ້ນຄວ້າແລກປ່ຽນບົດຮຽນປະສົບປະການທາງດ້ານການເມືອງ ແລະ ການປົກຄອງກັບປະເທດເພື່ອນມິດຕາມການມອບໝາຍຂອງຂັ້ນເທິງ. ດຳເນີນໂຄງການຄົ້ນຄວ້າແລກປ່ຽນຂໍ້ມູນຂ່າວສານກັບສະຖາບັນການເມືອງແຫ່ງຊາດໂຮ່ຈິມິນ, ໂຮງຮຽນພັກກອມມູນິດຈີນ ເພື່ອສ້າງຄວາມເຂັ້ມແຂງທັງດ້ານສິດສອນຄົ້ນຄວ້າທິດສະດີ ແລະ ສະຫຼຸບພຶດຕິກຳຂອງສະຖາບັນ ໃຫ້ດີຂຶ້ນ.

ຄໍາເຫັນ

ຂ່າວວັດທະນະທຳ-ສັງຄົມ

ຈະສະໜອງລູກປາ 65 ລ້ານໂຕ ໃນວັນປ່ອຍປາ ແລະ ສັດນໍ້າແຫ່ງຊາດ

ຈະສະໜອງລູກປາ 65 ລ້ານໂຕ ໃນວັນປ່ອຍປາ ແລະ ສັດນໍ້າແຫ່ງຊາດ

ກົມລ້ຽງສັດ ແລະ ການປະມົງ ໄດ້ເປັນເຈົ້າການປະສານສົມທົບກັບຂະແໜງລ້ຽງສັດ-ການປະມົງ ນະຄອນຫຼວງວຽງຈັນ, ບັນດາແຂວງໃນຂອບເຂດທົ່ວປະເທດ ແລະ ອົງການຈັດຕັ້ງສາກົນຕ່າງໆທີ່ກ່ຽວຂ້ອງ ກະກຽມປ່ອຍປາພ້ອມກັນຢ່າງເປັນຂະບວນການຟົດຟື້ນ, ໃນຂະນະດຽວກັນຈະຜະລິດ, ສະໜອງ ລູກປາ ໃຫ້ແກ່ວັນປ່ອຍປາ ແລະ ສັດນໍ້າແຫ່ງຊາດ ໃຫ້ໄດ້ 65 ລ້ານໂຕ.
ອອປສ ປາຖະກະຖາ ມູນເຊື້ອວັນສຳຄັນຕ່າງໆຂອງຊາດ-ຂອງພັກ

ອອປສ ປາຖະກະຖາ ມູນເຊື້ອວັນສຳຄັນຕ່າງໆຂອງຊາດ-ຂອງພັກ

ວັນທີ 11 ກໍລະກົດ​ນີ້ ຢູ່ທີ່ຫ້ອງປະຊຸມ ອົງການໄອຍະການປະຊາຊົນສູງສຸດ (ອອປສ) ໄດ້ຈັດກອງປະຊຸມປາຖະກະຖາວັນສໍາຄັນຕ່າງໆຂອງຊາດ-ຂອງພັກຄື: ເຊື່ອມຊຶມມະຕິກອງປະຊຸມຄົບຄະນະ ຄັ້ງທີ 10 ສະໄໝ XI ຂອງຄະນະບໍລິຫານງານສູນກາງພັກ, ມູນເຊື້ອ ວັນສ້າງຕັ້ງແນວລາວສ້າງຊາດ ຄົບຮອບ 75 ປີ, ວັນເກີດປະທານ ສຸພານຸວົງ ຄົບຮອບ 116 ປີ (13 ກໍລະກົດ 1909 – 13 ກໍລະກົດ 2025) ແລະ ວັນເຊັນສົນທິສັນຍາມິດຕະພາບ-ການຮ່ວມມື ລາວ-ຫວຽດນາມ ຄົບຮອບ 48 ປີ (18 ກໍລະກົດ 1977 - 18 ກໍລະກົດ 2025) ແລະ ວັນສ້າງຕັ້ງສາຍພົວພັນການທູດລາວ - ຫວຽດນາມ ຄົບຮອບ 63 ປີ, ໃຫ້ກຽດປາຖະກະຖາໂດຍສະຫາຍ ໄຊຊະນະ ໂຄດພູທອນ ກຳມະການສູນກາງພັກ ເລຂາຄະນະບໍລິຫານງານພັກ ຫົວໜ້າອົງການໄອຍະການປະຊາຊົນສູງສຸດ, ມີບັນດາຄະນະພັກ, ຄະນະໜ່ວຍພັກ, ຄະນະກົມ, ຫ້ອງການ, ສະຖາບັນຄົ້ນຄວ້າ ແລະ ຝຶກອົບຮົມໄອຍະການ ພ້ອມດ້ວຍພະນັກງານຫຼັກແຫຼ່ງ ເຂົ້າຮ່ວມ.
ເຈົ້າຄອງນະຄອນຫຼວງວຽງຈັນຕ້ອນຮັບຄະນະຝຶກອົບຮົບສຳລັບພະນັກງານໜຸ່ມ

ເຈົ້າຄອງນະຄອນຫຼວງວຽງຈັນຕ້ອນຮັບຄະນະຝຶກອົບຮົບສຳລັບພະນັກງານໜຸ່ມ

ໃນຕອນບ່າຍ ວັນທີ 10 ກໍລະກົດ ນີ້ ທີ່ສໍານັກງານປົກຄອງນະຄອນຫຼວງວຽງຈັນ, ສະຫາຍ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ຄະນະຊຸດຝຶກອົບຮົມຫົວຂໍ້ສະເພາະສຳລັບພະນັກງານການນໍາໜຸ່ມ ບັນດາແຂວງທີ່ມີຊາຍແດນຕິດຈອດ ລາວ-ຫວຽດນາມ-ກໍາປູເຈຍ ຄັ້ງທີ 3 ທີ່ ສປປ ລາວ ເປັນເຈົ້າພາບຈັດ ລະຫວ່າງ ວັນທີ 7-15 ກໍລະກົດ 2025.
ສະພາຮັບຮອງການປັບລາຄາຊົມໃຊ້ນ້ຳປະປາ

ສະພາຮັບຮອງການປັບລາຄາຊົມໃຊ້ນ້ຳປະປາ

ກອງປະຊຸມ ສະໄໝສາມັນ ເທື່ອທີ 9 ຂອງສະພາປະຊາຊົນນະຄອນຫຼວງວຽງຈັນຊຸດທີ II ໃນວັນທີ 9 ກໍລະກົດຜ່ານມານີ້ ທີ່ສໍານັກງານປົກຄອງ ນວ, ພາຍໃຕ້ການເປັນປະທານຂອງທ່ານ ອານຸພາບ ຕຸນາລົມ ປະທານສະພາປະຊາຊົນນະຄອນຫຼວງວຽງຈັນ.
ປະທານ ສຸພານຸວົງ ກັບວຽກງານແນວໂຮມ

ປະທານ ສຸພານຸວົງ ກັບວຽກງານແນວໂຮມ

ປະທານ ສຸພານຸວົງ ແມ່ນໜຶ່ງໃນບັນດາຜູ້ນໍາຮຸ່ນທໍາອິດຂອງພັກ ແລະ ລັດເຮົາ ທີ່ໄດ້ລິເລີ່ມນໍາພາຂະບວນການຕໍ່ສູ້ກູ້ຊາດ ໂດຍເລີ່ມຈາກການເຕົ້າໂຮມ ກໍ່ສ້າງ ແລະ ຂະຫຍາຍກໍາລັງປະຕິວັດໃຫ້ນັບມື້ເຕີບໃຫຍ່ເຂັ້ມແຂງຂຶ້ນເລື້ອຍໆ.ເພິ່ນໄດ້ຮ່ວມເຄື່ອນໄຫວກັບບັນດາທ່ານຜູ້ນໍາ ເຄື່ອນໄຫວນໍາພາການຕໍ່ສູ້ຂອງປະຊາຊົນລາວ ດ້ວຍຄວາມທໍລະຫົດອົດທົນ,ບໍ່ທໍ້ຖອຍຕໍ່ຄວາມລໍາບາກ ແລະ ຕໍ່ການທົດສອບທີ່ສ່ຽງໄພແຕ່ປະການໃດ.ອັນໄດ້ເຮັດໃຫ້ເພິ່ນສາມາດສ້າງໄດ້ຜົນງານອັນຍິ່ງໃຫຍ່ ແລະ ມີຄຸນງາມຄວາມດີຢ່າງຫຼວງ ຫຼາຍ.ເວົ້າລວມແມ່ນການປະກອບສ່ວນເຂົ້າໃນການນໍາພາຂອງພັກ,ແນວລາວສ້າງຊາດ, ໃນໄຊຊະນະຂອງພາລະກິດຕໍ່ສູ້ປ່ອຍຊາດໃນເມື່ອກ່ອນກໍຄືການນໍາພາຂອງພັກ,ລັດໃນຊຸມຕົ້ນປີຂອງພາລະກິດປ່ຽນແປງໃໝ່ຂອງປະເທດເຮົາ.
ທາບທາມຄໍາເຫັນໃສ່ປື້ມຄູ່ມືການຂຽນຄໍາຖະແຫຼງຄະດີອາຍາ

ທາບທາມຄໍາເຫັນໃສ່ປື້ມຄູ່ມືການຂຽນຄໍາຖະແຫຼງຄະດີອາຍາ

ເມື່ອບໍ່ດົນມານີ້, ທີ່ແຂວງ ອຸດົມໄຊ ໄດ້ເປີດກອງປະຊຸມທາບທາມປະກອບຄໍາເຫັນໃສ່ປື້ມຄູ່ມືການຂຽນຄໍາຖະແຫຼງຄະດີອາຍາ, ການນຳໃຊ້ ແລະ ການຕິດຕາມກວດກາການນຳໃຊ້ 7 ມາດຕະການສະກັດກັ້ນ ແລະ ທິດທາງຂອງການປັບປຸງ ກົດໝາຍວ່າດ້ວຍການດໍາເນີນຄະດີອາຍາ ຂອງອົງການໄອຍະການປະຊາຊົນສູງສຸດຂຶ້ນ ໂດຍພາຍໃຕ້ການເປັນປະທານຂອງ ທ່ານ ບົວລີ ເພັດມີໄຊ ຄະນະບໍລິຫານງານພັກ, ຫົວໜ້າກົມຕິດຕາມກວດກາຄ້າຍຄຸມຂັງ-ດັດສ້າງ ອົງການໄອຍະການປະຊາຊົນສູງສຸດ, ມີຫົວໜ້າຫ້ອງການ, ບັນດາຫົວໜ້າກົມ, ຮອງຫົວໜ້າກົມ, ຫົວໜ້າສະຖາບັນຄົ້ນຄວ້າ ແລະ ຝຶກອົບຮົມໄອຍະການ, ຜູ້ຕາງໜ້າຈາກອົງການໄອຍະການປະຊາຊົນ ພາກເໜືອ, ສານປະຊາຊົນພາກເໜືອ, ອົງການໄອຍະການປະຊາຊົນແຂວງ, ສະພາທະນາຍຄວາມ 7 ແຂວງພາກເໜືອ ພ້ອມດ້ວຍພະນັກງານພາກສ່ວນທີ່ກ່ຽວຂ້ອງເຂົ້າຮ່ວມ.
ບໍລິສັດ ເຂື່ອນໄຟຟ້ານໍ້າງຽບ 2 ຈັດກິດຈະກໍາ “ຫ້ອງຮຽນສີຂຽວ ແມ່ນໍ້າຂອງແມ່ນໍ້າລ້ານຊ້າງ”

ບໍລິສັດ ເຂື່ອນໄຟຟ້ານໍ້າງຽບ 2 ຈັດກິດຈະກໍາ “ຫ້ອງຮຽນສີຂຽວ ແມ່ນໍ້າຂອງແມ່ນໍ້າລ້ານຊ້າງ”

ເມື່ອບໍ່ດົນຜ່ານມາ, ເຂື່ອນໄຟຟ້ານໍ້າງຽບ 2 ໄດ້ຈັດກິດຈະກໍາ “ຫ້ອງຮຽນສີຂຽວ ແມ່ນໍ້າຂອງ ແມ່ນໍ້າລ້ານຊ້າງ” ເພື່ອສະເຫຼີມສະຫຼອງການດຳເນີນງານຄົບຮອບ 10 ປີ, ຊຶ່ງມີອາຈານ, ນັກສຶກສາ ຈາກມະຫາວິທະຍາໄລແຫ່ງຊາດ, ອໍານາດການປົກຄອງທ້ອງຖິ່ນ, ຕະຫຼອດຮອດປະຊາຊົນເຂົ້າຮ່ວມ ບໍລິສັດ ເຂື່ອນໄຟຟ້ານໍ້າງຽບ 2 ເປັນໂຄງການໄຟຟ້າ BOOT ແຫ່ງທີ 2 ຂອງກຸ່ມບໍລິສັດ CCCG ບໍລິສັດ CWE, ກໍາລັງຕິດຕັ້ງ 180 MW, ເລີ່ມດໍາເນີນງານໃນປີ 2015, ມາຮອດປັດຈຸບັນ ຄົບຮອບ 10 ປີ, ຜະລິດໄຟຟ້າໄດ້ຫຼາຍກວ່າ 42 ລ້ານkwh, ສາມາດສະໜອງໄຟຟ້າໃຫ້ທ້ອງຖິ່ນໄດ້ 780,000 ກວ່າຄົນ, ປະກອບສ່ວນສໍາຄັນເຂົ້າໃນການພັດທະນາໄຟຟ້າສາຍສົ່ງພາກເໜືອຂອງລາວ. ປີ 2022 ໄດ້ຮັບຫຼຽນໄຊແຮງງານຊັ້ນ 2 ຂອງລັດຖະບານ.
ອຸທຸມພອນ ຈັດກິດຈະກໍາປ່ອຍປາ ແລະ ຍ່າງເພື່ອສຸຂະພາບສະຫຼອງວັນສ້າງຕັ້ງກິລາລາວ

ອຸທຸມພອນ ຈັດກິດຈະກໍາປ່ອຍປາ ແລະ ຍ່າງເພື່ອສຸຂະພາບສະຫຼອງວັນສ້າງຕັ້ງກິລາລາວ

ໃນຕອນເຊົ້າວັນທີ 10 ກໍລະກົດນີ້, ເມືອງອຸທຸມພອນ ແຂວງສະຫວັນນະເຂດ ໄດ້ຈັດກິດຈະກໍາປ່ອຍປາ ແລະ ຍ່າງເພື່ອສຸຂະພາບ ຂຶ້ນເພື່ອສະເຫຼີມສະຫຼອງວັນສ້າງຕັ້ງກິລາລາວ, ວັນປ່ອຍປາ ແລະ ອານຸລັກສັດນໍ້າ,ໂດຍການເຂົ້າຮ່ວມຂອງທ່ານ ທອງໃສ ໄຊຍະວົງຄໍາດີ ເລຂາຄະນະບໍລິຫານງານພັກເມືອງ.
ກອງພັນໃຫຍ່ 202 ປາຖະກະຖາສອງວັນປະຫວັດສາດ

ກອງພັນໃຫຍ່ 202 ປາຖະກະຖາສອງວັນປະຫວັດສາດ

ວັນທີ 10 ກໍລະກົດນີ້ ຢູ່ທີ່ສະໂມສອນ ກອງພັນໃຫຍ່ 202 ກອງພົນທີ 2 ໄດ້ຈັດພິທີປາຖະກະຖາວັນຄ້າຍວັນເກີດຂອງທ່ານ ປະທານ ສຸພານຸວົງ ຄົບຮອບ 116 ປີ (13 ກໍລະກົດ 1909 - 13 ກໍລະກົດ 2025) ແລະ ວັນເຊັນສົນທິສັນຍາມິດຕະພາບ-ການຮ່ວມມື ຄົບຮອບ 48 ປີ (18/7/1977-18/7/2025) ແລະ ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 63 ປີ (5/9/1962-5/9/2025) ໂດຍການເປັນປະທານຂອງ ສະຫາຍ ພັນໂທ ສົມໝາຍ ດອນພະຈັນ ຫົວໜ້າການເມືອງກອງພັນໃຫຍ່ 202.
ຈຳປາສັກ ປ່ອຍປາຄືນສູ່ທຳມະຊາດ ແມ່ນໍ້າເຊໂດນ.

ຈຳປາສັກ ປ່ອຍປາຄືນສູ່ທຳມະຊາດ ແມ່ນໍ້າເຊໂດນ.

ເນື່ອງໃນວັນປ່ອຍປາແຫ່ງຊາດທີ 13 ກໍລະກົດທີ່ຈະໝູນວຽນມາຮອດອີກວາລະໜື່ງ ໃນວັນທີ 10 ກໍລະກົດນີ້, ພະແນກກະສີກຳ ແລະ ປ່າໄມ້ແຂວງຈຳປາສັກ ຮ່ວມກັບ ນະຄອນປາກເຊ ຈັດພີທີປ່ອຍປາຂຶ້ນ ທີ່ທ່າວັດຫຼວງນະຄອນປາກເຊ ໂດຍການເຂົ້າຮ່ວມຂອງ ທ່ານ ອາລຸນໄຊ ສູນນະລາດ ເຈົ້າແຂວງຈຳປາສັກ, ພະຈານໃຫຍ່ ມະຫາ ສຸວັນ ຈັນທະຣາດ ປະທານ ອພສ ແຂວງ, ມີພາກສ່ວນກ່ຽວຂ້ອງ ພ້ອມດ້ວຍພໍ່ແມ່ປະຊາຊົນເຂົ້າຮ່ວມເປັນຈຳນວນຫຼວງຫຼາຍ
ເພີ່ມເຕີມ