 |
ສະຫາຍ ພັນໂທ ແກ້ວມະນີ ເພັງບຸນເຮືອງ ຮອງຫົວໜ້າພະແນກເສນາ ສູນ 523 ໄດ້ເຜີຍແຜ່ກົດລະ ບຽບຂອງກອງທັບປະຊາຊົນລາວ (ສະບັບປັບປຸງໃໝ່) ຊຶ່ງປະກອບມີ XVI ພາກ, 56 ໝວດ 299 ມາດຕາ ທັງນີ້, ເພື່ອແນໃສ່ເຮັດໃຫ້ນາຍ ແລະ ພົນທະຫານເຊື່ອມຊຶມ ແລະ ກຳແໜ້ນຢ່າງເລິກເຊິ່ງ ຕໍ່ບັນດາຂໍ້ກຳນົດ, ກົດລະບຽບຂອງກອງທັບ ເພື່ອພ້ອມກັນຕັ້ງໜ້າປັບປຸງ, ແກ້ໄຂ ແລະ ຈັດຕັ້ງປະຕິບັດໃຫ້ຖືກຕ້ອງ, ເຂັ້ມງວດ ແລະ ເປັນເອກະພາບກັນໃນທົ່ວກໍາລັງຫຼວງ-ກໍາລັງທ້ອງຖິ່ນ ເພື່ອສ້າງກຳລັງແຮງສັງລວມໃຫ້ກອງທັບ ສາມາດເຮັດສຳ ເລັດທຸກໜ້າທີ່ການເມືອງທີ່ໄດ້ຮັບການມອບໝາຍ, ສາມາດເປັນເຂັມຊີ້ທິດເຍືອງທາງໃນການປັບປຸງກໍ່ສ້າງກອງທັບປະຊາຊົນລາວໃຫ້ມີຄວາມໜັກແໜ້ນ, ເຂັ້ມແຂງ, ກາຍເປັນກອງທັບປະຕິວັດທີ່ມີແບບແຜນທັນສະໄໝ, ເປັນເຄື່ອງມືອັນແຫຼມຄົມຂອງພັກ, ຮັບປະກັນໃຫ້ປະເທດຊາດມີຄວາມສະຫງົບ-ປອດໄພ ແລະ ມີບາດກ້າວເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ.
ໂອກາດນີ້, ສະຫາຍ ພັນເອກ ປາດຖະໜາ ບຸດຕິຈັກ ໄດ້ຍົກໃຫ້ເຫັນຄວາມສຳຄັນຂອງກົດລະບຽບຂອງກອງທັບປະຊາຊົນລາວ ສະບັບນີ້ ເປັນກົດລະບຽບທີ່ປັບປຸງຂຶ້ນໃໝ່, ໂດຍຜ່ານການຄົ້ນຄວ້າ, ເຫັນດີເປັນເອກະພາບຂອງຄະນະພັກກະຊວງປ້ອງກັນປະເທດ ແລະ ຄະນະຮັບຜິດຊອບແຕ່ລະຂັ້ນ ເພື່ອໃຫ້ແທດເໝາະກັບຕົວຈິງ, ມີຄວາມຮັດກຸມ ແລະ ເຂັ້ມງວດ ໃນການຈັດຕັ້ງປະຕິບັດຢູ່ໃນຖັນແຖວກອງທັບ, ພ້ອມທັງຮຽກຮ້ອງໃຫ້ພະນັກ ງານ-ນັກຮົບແຕ່ລະສະຫາຍ ກໍາໃຫ້ໄດ້ບັນດາຂໍ້ກໍານົດກົດລະບຽບທີ່ຂັ້ນເທິງວາງອອກຢ່າງເຂັ້ມງວດ ແລະ ນໍາໄປຈັດຕັ້ງປະຕິບັດໃຫ້ແທດເໝາະກັບສະພາບຕົວຈິງຂອງກົມກອງ.
ຂ່າວ: ແສງອາລຸນ ປະທຸມທອງ
ຄໍາເຫັນ