ສູນວັດທະນະທໍາຈີນ ສະຫຼອງວັນແຫ່ງການສົນທະນາອາລິຍະທໍາສາກົນ

ໃນພິທີຜູ້ເຂົ້າຮ່ວມໄດ້ຮັບຊົມວີດີໂອ ຄໍາປາໄສຂອງທ່ານ ຫວັງ ອີ້ ລັດຖະ ມົນຕີກະຊວງການຕ່າງປະເທດ ຈີນໃນ ໂອກາດສະເຫຼີມສະຫຼອງວັນແຫ່ງ ການສົນທະນາອາລິຍະທໍາສາກົນ ຢູ່ອົງການສະຫະປະຊາຊາດ ພ້ອມ ທັງຊົມການສະແດງຊຸດພິເສດມົນ ສະເໜ່ບົດຟ້ອນພາກຕາເວັນອອກ ຂອງນັກສິລະປະຈາກວິທະຍາໄລວິຊາຊີບ ສິລະປະເຈີ້ຈຽງ ແລະ ຮັບຟັງການ ບັນຍາຍຈາກຜູ້ທີ່ມີບົດບາດໃນການ ສົ່ງເສີມການແລກປ່ຽນລາວ-ຈີນມາ ແບ່ງປັນເລື່ອງລາວປະສົບການອັນ ມີຄຸນຄ່າຈາກ 4 ທ່ານຄື: ທ່ານ ນາງ ຫວງ ອີ້ເຈຍ ຊຶ່ງລາວໄດ້ ເດີນທາງໄປ ທົ່ວ 12 ແຂວງຂອງປະເທດລາວ, ເກັບຮວບຮວມມໍຣະດົກພື້ນບ້ານຕາມຊົນນະບົດ, ນໍາເອົາເພງ ກ່ອມເດັກ ແລະ ນິທານທ້ອງຖິ່ນມາຮ້ອຍ ຮຽງເປັນປຶ້ມຊຸດວັນນະກໍາເດັກຄລາສສິກຂອງປະເທດຕາມໜຶ່ງແລວ ໜຶ່ງເສັ້ນທາງ; ທ່ານ ກາບແກ້ວ ທໍາມະວົງ ໄດ້ນໍາເອົາຜົນງານໃໝ່ ບັນທຶກການເດີນທາງຈິ່ງຊູ ມິດຕະ ພາບລາວ-ຈີນ ແລະ ການເດີນ ທາງສໍາຜັດວັດທະນະທໍາຫູເປີຍ ຊຶ່ງພາໃຫ້ຜູ້ອ່ານຍ້ອນກັບໄປສໍາຜັດ ສາຍນໍ້າ, ເສັ້ນທາງເກົ່າແກ່ ແລະ ຮ່ອງຮອຍທາງປະຫວັດສາດ. ດັ່ງທີ່ລາວເຄີຍກ່າວວ່າ: ຫາກຢາກ ຮູ້ວ່າອະນາຄົດ ຈະຍາວໄກພຽງໃດ ຕ້ອງກັບໄປຖາມຮາກເຫງົ້າໃນອະດີດ; ທ່ານ ເຊ່ຍ ໜິງຊິນ ກ່າວໃນຫົວຂໍ້: ແມ່ຕູ້ຂາຍ ເຂົ້າໜຽວຢູ່ຂ້າງທາງລົດໄຟ, ນັກຮຽນທີ່ໄດ້ເດີນທາງໄປຮຽນຕ່າງ ປະເທດ ເປັນຄັ້ງທໍາອິດ ແລະ ຊາວ ສວນຢາງທີ່ກໍາລັງເຮັດວຽກຢູ່ປາກ ອຸໂມງ. ຊຶ່ງຜົນງານພາບຖ່າຍ ຫົວໄປ ຮ້ອງເພງໄປຂອງລາວ ໄດ້ຮັບລາງ ວັນ ການສະແດງອອກຮ່ວມສະໄໝ ຈາກກິດຈະກໍາສາຍຕາລາວ-ຈີນ: ແບ່ງປັນຄວາມສວຍງາມຮ່ວມກັນ. ບາງຄັ້ງ ຮອຍຍິ້ມບໍ່ຈໍາເປັນຕ້ອງມີ ຄໍາແປ ເພາະມັນເປັນພາສາທີ່ຜູ້ຄົນ ທຸກຊາດສາມາດເຂົ້າໃຈໄດ້ ແລະ ທ່ານ ເມກ ສາຍລົມ ໄດ້ນໍາເອົາຜົນ ງານທີ່ໄດ້ໃຊ້ສີນໍ້າມັນເປັນສື່ກາງໃນ ການສື່ສານອາລິຍະທໍາ. ຜົນງານ ຄຽງຄູ່ຂອງລາວ ຊຶ່ງໄດ້ຮັບລາງວັນ ການສະແດງອອກຮ່ວມສະໄໝ ໃນໝວດຈິດຕະກໍາ ຈາກກິດຈະກໍາ ສາຍຕາລາວ-ຈີນ.

ໃນໂອກາດນີ້, ທ່ານ ສາຄອນ ພົມມະລາດ ໄດ້ກ່າວວ່າ: ປີນີ້ ແມ່ນ ປີທີ່ມີຄວາມໝາຍຄວາມສຳຄັນຍິ່ງ ເພາະເປັນປີຄົບຮອບ 65 ປີ ແຫ່ງການ ສ້າງຕັ້ງສາຍພົວພັນທາງການທູດ ລະ ຫວ່າງ ລາວ-ຈີນ ແລະ ເປັນປີມິດຕະ ພາບລາວ-ຈີນ, ຊຶ່ງຖືເປັນຂີດໝາຍສຳ ຄັນໃນໜ້າປະຫວັດສາດຂອງສາຍພົວ ພັນລະຫວ່າງສອງ ພັກ ແລະ ສອງປະ ເທດ ທີ່ສືບຕໍ່ໝາກຜົນແຫ່ງຄວາມສຳ ເລັດຈາກອະດີດ ສູ່ອະນາຄົດອັນສະ ຫວ່າງສະໄຫວ. ໂດຍໃນລະຫວ່າງ ວັນທີ 2 ຫາວັນທີ 6 ມິຖຸນາຜ່ານມາ, ສະຫາຍ ທອງລຸນ ສີສຸລິດ ເລຂາທິ ການໃຫຍ່ ຄະນະບໍລິຫານງານສູນ ກາງພັກປະຊາຊົນ ປະຕິວັດລາວ ປະທານປະເທດແຫ່ງ ສປປ ລາວ ກໍໄດ້ສຳເລັດການຢ້ຽມຢາມທາງລັດ ຖະກິດຢູ່ ສປ ຈີນຢ່າງຈົບງາມ. ຊຶ່ງເພິ່ນໄດ້ພົບປະຢ່າງສະໜິດສະໜົມ ກັບສະຫາຍ ສີຈິ້ນຜິງ ເລຂາທິການ ໃຫຍ່ ຄະນະບໍລິຫານງານສູນກາງ ພັກກອມມູນິດຈີນ ປະທານປະເທດ ແຫ່ງ ສປ ຈີນ ເພື່ອຮ່ວມກັນວາງແຜນ ຜັງໃໝ່ ສຳລັບການສ້າງຄູ່ຮ່ວມຊະຕາ ກຳ ລາວ-ຈີນ, ຈີນ-ລາວໃຫ້ມີຄຸນນະພາບສູງ. ການຢ້ຽມຢາມຄັ້ງປະຫວັດສາດນີ້ ໄດ້ກ້າວຂ້າມພູຜາ ແລະ ແມ່ນ້ຳ, ເຊື່ອມໂຍງ ຫົວໃຈຂອງປະຊາຊົນ ສອງຊາດໃຫ້ຫຍັບເຂົ້າໃກ້ຊິດກັນ ຫຼາຍຍິ່ງຂຶ້ນ. ດັ່ງສຸພາສິດລາວ ທີ່ເຄີຍກ່າວໄວ້ວ່າ: ສາຍນ້ຳບໍ່ ມີວັນຕັດຂາດ, ມິດຕະພາບບໍ່ ມີວັນຈືດຈາງ. ລາວ ແລະ ຈີນ ບໍ່ພຽງແຕ່ເປັນປະເທດບ້ານ ໃກ້ເຮືອນຄຽງທີ່ມີພູຜາປ່າໄມ້ ແລະ ສາຍນ້ຳ ເຊື່ອມຕໍ່ກັນເທົ່ານັ້ນ, ແຕ່ພວກເຮົາຍັງ ເປັນສະຫາຍສັງຄົມນິຍົມ ທີ່ມີອຸດົມ ການ ແລະ ຄວາມເຊື່ອໝັ້ນເຊິ່ງ ກັນ ແລະ ກັນຢ່າງໜັກແໜ້ນ. ໃນປີມິດຕະພາບ ລາວ-ຈີນ, ເລື່ອງ ລາວອັນງົດງາມກ່ຽວກັບ ການແລກປ່ຽນວັດທະນະທຳ ລະຫວ່າງສອງປະເທດໄດ້ປະກົດຂຶ້ນ ຢ່າງເປັນຮູບປະທຳ ແລະ ຕໍ່ເນື່ອງ. ພົ້ນເດັ່ນທີ່ສຸດໃນເດືອນນີ້ ຄະນະ ໂຄສະນາອົບຮົມສູນກາງພັກປະຊາຊົນປະຕິວັດລາວ ໄດ້ຮ່ວມກັບສະຖານີວິ ທະຍຸ-ໂທລະພາບສູນກາງຈີນ (CMG) ຈັດພິທີເປີດຕົວຮູບເງົາສາລະຄະດີຈີນ 3 ເລື່ອງ ທີ່ນະຄອນຫຼວງວຽງຈັນ. ທັງໝົດນີ້ ລ້ວນແລ້ວແຕ່ແມ່ນ ຄວາມພະຍາຍາມຢ່າງເປັນຮູບປະທຳ ຂອງຄະນະໂຄ ສະນາອົບຮົມສູນກາງພັກ ເພື່ອສົ່ງເສີມການສົນທະນາ ລະຫວ່າງ ອະລິຍະທຳ ແລະ ການ ເຊື່ອມໂຍງຈິດໃຈ ຂອງປະຊາຊົນເຂົ້າຫາກັນ. ໂດຍໄດ້ນຳໃຊ້ສາຍພົວ ພັນທາງວັດທະນະທຳເພື່ອເຊື່ອມ ໂຍງຈິດໃຈ ແລະ ໃຊ້ແສງສະຫວ່າງ ແຫ່ງປັນຍາ ເພື່ອສ່ອງແສງເສັ້ນທາງ ສູ່ອະນາຄົດ.

ໂອກາດນີ້, ສູນວັດທະນະທໍາຈີນ ປະຈໍາ ສປປ ລາວ ຈຶ່ງມີການແຕ່ງຕັ້ງ ຜູ້ສົ່ງຕໍ່ອາລິຍະທໍາຂຶ້ນ ຢ່າງເປັນທາງ ການໃຫ້ທັງ 4 ທ່ານ ດັ່ງນີ້: ທ່ານ ນາງ ຫວງ ອີ້ເຈຍ ເປັນຜູ້ສືບທອດແສງໄຟ ແຫ່ງການສົນ ທະນາອາລິຍະທໍາລາວ-ຈີນ; ທ່ານ ກາບແກ້ວ ທໍາມະວົງ ເປັນ ຜູ້ພິທັກຄວາມຊົງຈໍາແຫ່ງການສົນທະ ນາອາລິຍະທໍາລາວ-ຈີນ; ທ່ານ ເຊ່ຍ ໜິງຊິນ ເປັນນັກຈັບແສງ ແລະ ເງົາ ແຫ່ງການສົນທະນາອາລິຍະທໍາ ລາວ-ຈີນ ແລະ ທ່ານ ເມກ ສາຍລົມ ເປັນ ທູດສື່ສານສີສັນແຫ່ງການສົນທະນາ ອາລິຍະທໍາລາວ-ຈີນ. ຈາກນັ້ນ, ທ່ານ ນາງ ຟາງ ຫົງ ແລະ ທ່ານ ສາຄອນ ພົມມະລາດ ກໍໄດ້ຮ່ວມກັນມອບ ໃບແຕ່ງຕັ້ງໃຫ້ທັງ 4 ທ່ານ. ການ ແຕ່ງຕັ້ງຄັ້ງນີ້, ເພື່ອເປັນການເຊີດຊູ ຜົນງານໃນອະດີດ ແລະ ເປັນຄໍາສັນ ຍາຕໍ່ອະນາຄົດ ໂດຍທັງ 4 ທ່ານຈະ ຮ່ວມກັນສືບຕໍ່ເປັນຜູ້ຮັກສາ ແລະ ເປັນຜູ້ຈຸດແສງໄຟແຫ່ງມິດຕະພາບ ລາວ-ຈີນຕໍ່ໄປ.