ໃນໂອກາດມີຄໍາເຫັນໃສ່ບົດລາຍງານຂອງອົງການປົກຄອງແຂວງເຊກອງກ່ຽວກັບການປະຕິບັດວາລະແຫ່ງຊາດ ວ່າດ້ວຍແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ ໃນວັນທີ 4 ມັງກອນ 2024; ທ່ານ ພົງສະຫວັດ ສິງຫາລາດ ປະທານຄະນະກໍາມະການເສດຖະກິດ, ແຜນການ ແລະ ການເງິນ, ສະພາປະຊາຊົນແຂວງ (ສພຂ) ເຊກອງ ໄດ້ສະເໜີໃຫ້ອົງການປົກຄອງແຂວງ ກຳນົດແຜນວຽກຈຸດສຸມວາລະແຫ່ງຊາດເຂົ້າໃນແຜນວຽກບູລິມະສິດແຜນພັດທະນາເສດຖະກິດ-ສັງຄົມ ແລະ ແຜນງົບປະມານຂອງແຂວງໃຫ້ລະອຽດ ພ້ອມທັງເຜີຍແຜ່ເຊື່ອມຊຶມ ແລະ ຊຸກຍູ້ການຈັດຕັ້ງປະຕິບັດໃຫ້ຮູບປະທຳຫຼາຍຂຶ້ນ.
ທ່ານ ພົງສະຫວັດ ສິງຫາລາດ ຍັງສະເໜີໃຫ້ສືບຕໍ່ປະຕິບັດແຜນລາຍຮັບ-ລາຍຈ່າຍງົບ, ປັບປຸງການເກັບລາຍຮັບພາສີ-ອາກອນ, ຄ່າທໍານຽມ ແລະ ຄ່າບໍລິການຕ່າງໆ ຕາມທິດຫັນເປັນທັນສະໄໝ, ປະຕິບັດມາດຕະການປະຢັດ, ຕ້ານການຟຸມເຟືອຍ, ແກ້ໄຂໜີ້ສິນພາຍໃນ; ຊຸກຍູ້ ແລະ ສົ່ງເສີມການຜະລິດກະສິກຳ ເພື່ອຊົມໃຊ້ພາຍໃນ ແລະ ເປັນສິນຄ້າສົ່ງອອກ ຕິດພັນກັບການປຸງແຕ່ງ ແລະ ການບໍລິການຕາມທ່າແຮງຂອງແຕ່ລະທ້ອງຖິ່ນ; ຄົ້ນຄວ້າກົດໝາຍ, ນິຕິກຳໃຕ້ກົດໝາຍ, ມະຕິຄໍາສັ່ງ, ຄໍາແນະນໍາກ່ຽວກັບການຊື້-ຂາຍເງິນຕາ ເພື່ອຮັບປະກັນການຄຸ້ມຄອງເງິນຕາຕ່າງປະເທດໃຫ້ຖືກຕ້ອງ; ຄົ້ນຄວ້າອອກມາດຕະການແກ້ໄຂບັນຫາເຄັ່ງຮ້ອນ ແລະ ບັນຫາທີ່ມີຜົນກະທົບຕໍ່ການດໍາລົງຊີວິດຂອງປະຊາຊົນໃຫ້ທັນກັບສະພາບການ ເພື່ອຮັບປະກັນສະຖຽງລະພາບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍໃນສັງຄົມ; ຍົກສູງການຄຸ້ມຄອງລັດ, ການຄຸ້ມຄອງເສດຖະກິດ ແລະ ຄຸ້ມຄອງສັງຄົມ ດ້ວຍກົດໝາຍໃຫ້ມີຜົນສັກສິດ.
ປະທານຄະນະກໍາມະການເສດຖະກິດ, ແຜນການ ແລະ ການເງິນ ສພຂ ເຊກອງກ່າວຕື່ມວ່າ: ໃນໄລຍະຜ່ານມາອົງການປົກຄອງແຂວງ ໄດ້ມີຄວາມພະຍາຍາມໃນນໍາພາ-ຊີ້ນໍາປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ຕິດພັນກັບການປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານ 5 ປີ (2021-2025) ຂອງແຂວງຢ່າງເປັນເຈົ້າການ ແລະ ສາມາດຍາດໄດ້ຜົນສໍາເລັດຫຼາຍດ້ານ ໂດຍສະເພາະແມ່ນການເກັບລາຍຮັບເຂົ້າງົບປະມານ ຊຶ່ງນັບແຕ່ປີ 2021 ເປັນຕົ້ນມາ ແມ່ນມີທ່າອ່ຽງເພີ້ມຂຶ້ນໃນແຕ່ລະປີ.
ຂ່າວ: ສັນຍາ-ພາບ: ບູ້ສຸວັນ
ທ່ານ ພົງສະຫວັດ ສິງຫາລາດ ຍັງສະເໜີໃຫ້ສືບຕໍ່ປະຕິບັດແຜນລາຍຮັບ-ລາຍຈ່າຍງົບ, ປັບປຸງການເກັບລາຍຮັບພາສີ-ອາກອນ, ຄ່າທໍານຽມ ແລະ ຄ່າບໍລິການຕ່າງໆ ຕາມທິດຫັນເປັນທັນສະໄໝ, ປະຕິບັດມາດຕະການປະຢັດ, ຕ້ານການຟຸມເຟືອຍ, ແກ້ໄຂໜີ້ສິນພາຍໃນ; ຊຸກຍູ້ ແລະ ສົ່ງເສີມການຜະລິດກະສິກຳ ເພື່ອຊົມໃຊ້ພາຍໃນ ແລະ ເປັນສິນຄ້າສົ່ງອອກ ຕິດພັນກັບການປຸງແຕ່ງ ແລະ ການບໍລິການຕາມທ່າແຮງຂອງແຕ່ລະທ້ອງຖິ່ນ; ຄົ້ນຄວ້າກົດໝາຍ, ນິຕິກຳໃຕ້ກົດໝາຍ, ມະຕິຄໍາສັ່ງ, ຄໍາແນະນໍາກ່ຽວກັບການຊື້-ຂາຍເງິນຕາ ເພື່ອຮັບປະກັນການຄຸ້ມຄອງເງິນຕາຕ່າງປະເທດໃຫ້ຖືກຕ້ອງ; ຄົ້ນຄວ້າອອກມາດຕະການແກ້ໄຂບັນຫາເຄັ່ງຮ້ອນ ແລະ ບັນຫາທີ່ມີຜົນກະທົບຕໍ່ການດໍາລົງຊີວິດຂອງປະຊາຊົນໃຫ້ທັນກັບສະພາບການ ເພື່ອຮັບປະກັນສະຖຽງລະພາບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍໃນສັງຄົມ; ຍົກສູງການຄຸ້ມຄອງລັດ, ການຄຸ້ມຄອງເສດຖະກິດ ແລະ ຄຸ້ມຄອງສັງຄົມ ດ້ວຍກົດໝາຍໃຫ້ມີຜົນສັກສິດ.
ປະທານຄະນະກໍາມະການເສດຖະກິດ, ແຜນການ ແລະ ການເງິນ ສພຂ ເຊກອງກ່າວຕື່ມວ່າ: ໃນໄລຍະຜ່ານມາອົງການປົກຄອງແຂວງ ໄດ້ມີຄວາມພະຍາຍາມໃນນໍາພາ-ຊີ້ນໍາປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ຕິດພັນກັບການປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານ 5 ປີ (2021-2025) ຂອງແຂວງຢ່າງເປັນເຈົ້າການ ແລະ ສາມາດຍາດໄດ້ຜົນສໍາເລັດຫຼາຍດ້ານ ໂດຍສະເພາະແມ່ນການເກັບລາຍຮັບເຂົ້າງົບປະມານ ຊຶ່ງນັບແຕ່ປີ 2021 ເປັນຕົ້ນມາ ແມ່ນມີທ່າອ່ຽງເພີ້ມຂຶ້ນໃນແຕ່ລະປີ.
ຂ່າວ: ສັນຍາ-ພາບ: ບູ້ສຸວັນ
ຄໍາເຫັນ