ໂດຍ: ບຸນຕອມ
ຄະນະສື່ມວນຊົນຈາກສູນກາງ ລົງເຄື່ອນໄຫວຕິດຕາມ ແລະ ລາຍງານຜົນການຈັດຕັັ້ງປະຕິບັດວຽກງານໂພຊະນາການຂອງແມ່-ເດັກ ການລ້ຽງດູເດັກອ່ອນ ແລະ ເດັກ
ນ້ອຍ ຢູ່ແຂວງຫຼວງພະບາງ ເພື່ອສົ່ງເສີມວຽກງານດັ່ງກ່າວການໂຄສະນາຜ່ານສື່ ໃຫ້ສອດຄ່ອງຕາມບັ້ນການໂຄສະນາເຜີຍແຜ່ບັ້ນສົ່ງເສີມໂພຊະນາການຂອງແມ່, ເດັກອ່ອນ ແລະ ເດັກ.
ການລົງເຄື່ອນໄຫວຄັ້ງນີ້ມີຂຶ້ນລະຫວ່າງວັນທີ 25-29 ກັນຍາ 2023 ນໍາພາໂດຍ ທ່ານ ວັນນະສິນ ສິມມະວົງ ຮອງຫົວໜ້າກົມສື່ມວນຊົນ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ແລະ ໄດ້ຮັບການສະໜັບສະໜູນຈາກອົງການອຸຍນີເຊັບ (UNICEF).
ທ່ານ ວັນນະສິນ ສິມມະວົງ ກ່າວວ່າ: ຈຸດປະສົງຂອງການເຄື່ອນໄຫວໃນຄັ້ງນີ້ ເປັນການຕິດຕາມຕີລາຄາການຈັດຕັ້ງປະຕິບັດວຽກງານໂພຊະນາການແມ່-ເດັກ ຢູ່ແຂວງຫຼວງພະບາງ ໃນໄລຍະຜ່ານມາໃຫ້ເຫັນໄດ້ຂໍ້ສະດວກ ແລະ ຂໍ້ຫຍຸ້ງຍາກ ແລະ ທິດທາງແຜນການ ເພື່ອນໍາໄປເຜີຍແຜ່ຜ່ານຊ່ອງທາງສື່ຕ່າງໆ ທັງນີ້ ກໍເພື່ອເປັນການໂຄສະນາເຜີຍແຜ່ວຽກງານສົ່ງເສີມໂພຊະນາການຂອງແມ່, ເດັກອ່ອນ ແລະ ເດັກນ້ອຍ ທີ່ລັດຖະບານ ຮ່ວມກັບ ອົງການ UNICEF ຈັດຕັ້ງປະຕິບັດໃຫ້ບັນລຸຜົນສໍາເລັດຕາມລະດັບຄາດໝາຍ.
ໃນການສົ່ງເສີມວຽກງານດັ່ງກ່າວແມ່ນໄດ້ສຸມໃສ່ການເຜີຍແຜ່ຂໍ້ມູນຂ່າວສານ ກ່ຽວກັບພຶດຕິກໍາການໃຫ້ອາຫານຕໍ່ເດັກ ຜ່ານສື່ຫຼາກຫຼາຍຮູບແບບເຊັ່ນ: ວິທະຍຸ, ໂທລະພາບ ແລະ ຮູບພາບ, ຄຽງຄູ່ກັບສື່ດີຈີຕອນ ແລະ ສື່ສັງຄົມອອນລາຍ ເພື່ອເຂົ້າເຖິງກຸ່ມເປົ້າໝາຍຕ່າງໆ ໃຫ້ມີປະສິດທິຜົນ ແລະ ບັນລຸຕາມຄາດໝາຍທີ່ວາງໄວ້.
ຄໍາເຫັນ