ເທິງຫາດຊາຍຈາກອາວະກາດ, ໂດຍດັດຊະນີຂີ້ເຫຍື້ອພລາສຕິກເທິງຫາດຊາຍ (BPDI) ຈະລະບຸຂີ້ເຫຍື້ອພລາສຕິກຕາມແຄມຝັ່ງ ດ້ວຍແສງສະທ້ອນທີ່ກວດຈັບໂດຍດາວທຽມໃນຂະນະທີ່ຜ່ານພື້ນທີ່.
ນັກຄົ້ນຄວ້າລະບຸວ່າ: ມີການໃຊ້ເຕັກໂນໂລຊີດາວທຽມໃນການຕິດຕາມຂີ້ເຫຍື້ອພລາສຕິກໃນມະຫາສະໝຸດ ແຕ່ບໍ່ສາມາດໃຊ້ເຕັກໂນໂລຊີດັ່ງກ່າວໄດ້ຢ່າງມີປະສິດທິພາບໃນການລະບຸຕໍາແໜ່ງຂີ້ເຫຍື້ອພລາສຕິກເທິງຫາດຊາຍ ເພາະຂີ້ເຫຍື້ອປົນຢູ່ໃນຂີ້ຊາຍ ຊຶ່ງວິທີການໃໝ່ນີ້ມີປະສິດທິພາບຊ່ວຍສົ່ງເສີມຄວາມພະ ຍາຍາມເຮັດຄວາມສະອາດຕາມແຄມຝັ່ງ.
ທ່ານ ເຈນນາ ກັຟຟັອກ ຫົວໜ້າການຄົ້ນຄວ້າ ກ່າວວ່າ: ຂີ້ເຫຍື້ອເທິງຫາດຊາຍອາດສົ່ງຜົນກະທົບຮ້າຍແຮງຕໍ່ສັດປ່າທີ່ອາດເຂົ້າໃຈຜິດວ່າພລາສຕິກເປັນອາຫານ, ສັດຂະໜາດໃຫຍ່ອາດຖືກຂີ້ເຫຍື້ອ ພລາສຕິກກ້ຽວພັນໂຕ, ສັດຂະໜາດນ້ອຍເຊັນປູເສສວນອາດຕິດຢູ່ໃນຂີ້ເຫຍື້ອພລາສຕິກ, ຂະນະດຽວກັນຂີ້ເຫຍື້ອພລາສຕິກອາດຍ່ອຍສະຫຼາຍເປັນໄມໂຄຣພລາສຕິກ ຫຼື ນາໂນພລາສຕິກ ຫາກບໍ່ຖືກກຳຈັດ.
ທ່ານ ກັຟຟັອກ ກ່າວຕື່ມວ່າ: ຫາດຊາຍເທິງເກາະຫ່າງໄກຫຼາຍແຫ່ງມີຂີ້ເຫຍື້ອພລາສຕິກຢູ່ໜາ ແໜ້ນທີ່ສຸດໃນໂລກ ແລະ ປະລິມານຂີ້ເຫຍື້ອພລາສຕິກ ແລະ ອຸປະກອນຕຶກປາທີ່ຖືກຖິ້ມຕາມຫາດຊາຍທີ່ຫ່າງໄກທາງເໜືອຂອງອົສຕຣາລີເພີ່ມຂຶ້ນຢ່າງຕໍ່ເນື່ອງ.
ທັງນີ້, ດັດຊະນີຂີ້ເຫຍື້ອພລາສຕິກເທິງຫາດຊາຍລະບຸຕຳແໜ່ງຂີ້ເຫຍື້ອພລາສຕິກດ້ວຍການແຍກຄວາມແຕກຕ່າງຂອງແສງສະທ້ອນລະຫວ່າງຂີ້ຊາຍ, ນ້ຳ ແລະ ພລາສຕິກ, ໂດຍໃຊ້ຂໍ້ມູນທີ່ເກັບຮວບຮວມດ້ວຍດາວທຽມWorldView-3 ຊຶ່ງໂຄຈອນແນວດຽວກັບດວງຕາເວັນທີ່ມີຄວາມສູງເໜືອພື້ນໂລກ ປະມານ 617 ກິໂລແມັດ.
ຄະນະນັກຄົ້ນຄວ້າທົດສອບວິທີການດັ່ງກ່າວ ດ້ວຍການວາງຂີ້ເຫຍື້ອພລາສຕິກເປົ້າໝາຍເທິງພື້ນທີ່ປະມານ 2 ຕາແມັດໃນບໍລິເວນຫາດຊາຍໃນລັດວິກຕໍເຣຍຂອງອົສຕຣາລີ ຈຳນວນ 14 ຊິ້ນສ່ວນ ຊຶ່ງແຕ່ລະຊິ້ນສ່ວນເຮັດມາກຈາກພລາສຕິກປະເພດຕ່າງໆ ແລະ ພົບວ່າດັດຊະນີນີ້ມີປະສິດທິພາບສູງກວ່າດັດຊະນີທີ່ມີຢູ່ 3 ໂຕ ຊຶ່ງຖືກໃຊ້ກວດຈັບຂີ້ເຫຍື້ອພລາສຕິກເທິງດິນ ແລະໃນແຫຼ່ງນ້ຳ.
ຄໍາເຫັນ