ມີກໍາມະການປະຈໍາພັກແຂວງ, ກໍາມະການພັກແຂວງ, ມີບັນດາພະນັກງານຫຼັກແຫຼ່ງຂອງເມືອງ, ພະນັກງານອາວຸໂສບໍານານ ເຂົ້າຮ່ວມ.
ໃນພິທີ, ສະຫາຍ ເສີດ ແສນສຸລິນ ຮອງຫົວໜ້າຄະນະຈັດຕັ້ງແຂວງ ໄດ້ຂຶ້ນຜ່ານຂໍ້ຕົກລົງຂອງເຈົ້າແຂວງ ໄຊຍະບູລີ ວ່າດ້ວຍການອານຸມັດໃຫ້ພະນັກງານການນໍາ ອອກພັກການຮັບອູດໜູນບໍານານ. ເຈົ້າແຂວງ ໄຊຍະບູລີ ຕົກລົງອານຸມັດໃຫ້ສະຫາຍ ສີສະໝອນ ນາມວົງ ເລຂາພັກເມືອງ ເຈົ້າເມືອງ ໄຊສະຖານ ອອກພັກການ-ຮັບອູດໜູນບໍານານ, ທ່ານ ນາງ ປະໄພ ແກ້ວມະນີ ກໍາມະການພັກເມືອງ ປະທານສະຫະພັນແມ່ຍິງເມືອງ ອອກພັກການ ລໍຖ້າຮັບອູດໜູນບໍານານ, ຂໍ້ຕົກລົງວ່າດ້ວຍການຍົກຍ້າຍພະນັກງານໄປຮັບໜ້າທີ່ໃໝ່, ຕົກລົງຍົກຍ້າຍສະຫາຍ ພັທ ພອນສະຫວັນ ວໍລະສັກ ຫົວໜ້າກອງບັນຊາການ ປກສ ເມືອງໄຊຍະບູລີ ໄປຮັບໜ້າທີ່ໃໝ່ຢູ່ຫ້ອງວ່າການເມືອງ ໄຊສະຖານ ພ້ອມທັງແຕ່ງຕັ້ງເປັນວ່າການເຈົ້າເມືອງ ໄຊສະຖານ, ຜ່ານມະຕິຕົກລົງຂອງຄະນະປະຈໍາພັກແຂວງ ວ່າດ້ວຍການບົ່ງຕົວແຕ່ງຕັ້ງ ກໍາມະການປະຈໍາພັກເມືອງ ແລະ ວ່າການເລຂາພັກເມືອງ ໄຊສະຖານ, ໂດຍຕົກລົງບົ່ງຕົວແຕ່ງຕັ້ງສະຫາຍ ພັທ ພອນສະຫວັນ ວໍລະສັກ ເປັນກໍາມະການປະຈໍາພັກເມືອງ ແລະ ເປັນວ່າການເລຂາພັກເມືອງ ໄຊສະຖານ. ຈາກນັ້ນ, ຕ່າງໜ້າຄະນະຈັດຕັ້ງເມືອງ ໄຊສະຖານ ກໍໄດ້ຂຶ້ນຜ່ານຂໍ້ຕົກລົງຂອງເຈົ້າເມືອງ ໄຊສະຖານ ວ່າດ້ວຍການຍົກຍ້າຍ, ແຕ່ງຕັ້ງຫົວໜ້າ, ຮອງຫົວໜ້າຫ້ອງການ, ຫົວໜ້າ, ຮອງຫົວໜ້າໜ່ວຍງານຕ່າງໆຂອງເມືອງ.
ໂອກາດດັ່ງກ່າວ, ສະຫາຍ ດວງຕາ ໄຊວຸດ ໄດ້ເນັ້ນໜັກໃຫ້ຜູ້ທີ່ຖືກແຕ່ງຕັ້ງຄັ້ງນີ້ ຕ້ອງຕັ້ງໜ້າເຝິກຝົນຫຼໍ່ຫຼອມຕົນເອງໃນທຸກດ້ານ, ຕ້ອງເຊີດຊູ ຍົກສູງຄວາມຮັບຜິດຊອບໜ້າທີ່ການເມືອງ ທີ່ໄດ້ຮັບການມອບໝາຍໃຫ້ສູງຂຶ້ນກວ່າເກົ່າ, ເສີມຂະຫຍາຍ ແລະ ມີຫົວຄິດປະດິດສ້າງ, ກ້າເວົ້າ-ກ້າວ່າ, ກ້າເຮັດ, ກ້າຮັບຜິດຊອບ ຕໍ່ຜົນສຳເລັດ ແລະ ຂໍ້ຂາດຕົກບົກຜ່ອງຂອງວຽກງານ, ພ້ອມກັນແກ້ໄຂຈຸດອ່ອນຂໍ້ຄົງຄ້າງໃຫ້ມີການຫັນປ່ຽນຢ່າງຕັ້ງໜ້າ.
(ຂ່າວ-ພາບ: ອຸ່ນເຮືອນ ໂພທິລັກ)
ຄໍາເຫັນ