ທ່ານ ດາວວົງ ພອນແກ້ວ ຕ້ອນຮັບ ຮອງປະທານກໍາມາທິການວັດທະນະທໍາ-ສັງຄົມ ແລະ ຊົນເຜົ່າ ສພຊ

ໃນໂອກາດດັ່ງກ່າວ, ທ່ານ ດາວວົງ ພອນແກ້ວ ໄດ້ສະແດງຄວາມຍິນດີຕ້ອນຮັບ ພ້ອມທັງໄດ້ມີທິດຊີ້ນໍາ ໃຫ້ຄະນະທີ່ລົງມາເຄື່ອນໄຫວຕິດຕາມກວດກາ ລົງເລິກຂົງເຂດວຽກງານສຶກສາ, ສາທາລະນະສຸກ, ແຮງງານ ແລະ ສະຫວັດດີການສັງຄົມ ໂດຍສະເພາະການພັດທະນາສີມືແຮງງານ ແລະ ການຈັດຫາວຽກເຮັດງານທໍາ, ການກະກຽມຈັດຕັ້ງປະຕິບັດຫຼັກສູດການຮຽນ-ການສອນ 6-3-3, ການຈັດຕັ້ງປະຕິ ບັດວາລະແຫ່ງຊາດ ວ່າດ້ວຍການພັດທະນາຊົນນະບົດ ແລະ ແກ້ໄຂຄວາມທຸກຍາກ.

ໃນຕອນເຊົ້າ ຂອງວັນດຽວກັນ ຢູ່ຫ້ອງຮັບແຂກຂອງຫ້ອງວ່າການສະພາປະຊາຊົນແຂວງສາລະວັນ ທ່ານ ນາງ ວິລະວອນ ພັນທະວົງ ພ້ອມດ້ວຍຄະນະ ໄດ້ເຂົ້າພົບປະກັບ ທ່ານ ຈັນສະໝອນ ພົມມະແສງ ຮອງປະທານສະພາປະຊາຊົນແຂວງ ແລະ ທ່ານ ນາງ ວາດສະໜາ ໂພໄຊຍະວົງ ຮອງປະທານສະພາປະຊາຊົນແຂວງ ໂດຍທ່ານໄດ້ເນັ້ນໜັກໃຫ້ທາງຄະນະຈາກສູນກາງ ເວລາເຮັດວຽກຮ່ວມກັບບັນດາພະ ແນກການ ທີ່ກ່ຽວຂ້ອງກັບຂົງເຂດວັດທະນະທໍາ-ສັງຄົມ ແລະ ຊົນເຜົ່າ ໂດຍສະເພາະວຽກງານການສຶກສາ, ວຽກແຮງງານ ແລະ ສະຫວັດດີການສັງຄົມ, ພື້ນຖານໂຄງລ່າງຕໍ່ກັບວຽກງານການທ່ອງທ່ຽວ, ວຽກງານຊົນເຜົ່າ ແລະ ສາສະໜາ ແລະ ຍັງໄດ້ແລກປ່ຽນຄໍາຄິດ, ຄໍາເຫັນ ກັບຄະນະກຳມະການວັດທະນະທໍາ-ສັງຄົມ ແລະ ຊົນເຜົ່າ ສະພາປະຊາຊົນແຂວງສາລະວັນ ຊຶ່ງທ່ານ ນາງ ຄໍາພໍ ສີລິພະຈັນ ປະທານຄະນະກໍາມະການວັດທະນະທໍາ-ສັງຄົມ ແລະ ຊົນເຜົ່າສະພາປະຊາຊົນແຂວງ ກໍໄດ້ ລາຍງານການຈັດຕັ້ງປະຕິບັດວຽກງານຂອງຄະນະກໍາມະການວັດທະນະທໍາ-ສັງຄົມ ແລະ ຊົນເຜົ່າ ໃນໄລຍະຜ່ານມາ ຈາກນັ້ນ ທ່ານ ນາງ ວິລະວອນ ພັນທະວົງ ກໍໄດ້ມີຄໍາເຫັນຊີ້ນຳ ແລະ ສະແດງຄວາມຂອບໃຈ.

(ຂ່າວ-ພາບ: ສພຂ)