flag

ຂ່າວສືກສາ-ກິລາ

ທ່ານ ຄໍາແສນ ໄວຍາກອນ ຊ່ວຍເຫຼືອໂຮງຮຽນ ຢູ່ເມືອງທຸລະຄົມ

ທ່ານ ຄໍາແສນ ໄວຍາກອນ ຊ່ວຍເຫຼືອໂຮງຮຽນ ຢູ່ເມືອງທຸລະຄົມ
ໃນອາທິດຜ່ານມານີ້ ຢູ່ທີໂຮງຮຽນ ມັດທະຍົມສຶກສາຖິ່ນຄໍາ ເມືອງທຸລະຄົມ ແຂວງວຽງຈັນ ໄດ້ມີພິທີມອບ-ຮັບເຄື່ອງກິລາ, ເງິນປະກອບສ່ວນສ້ອມແປງໂຮງຮຽນ ມສ ຖິ່ນຄໍາ, ມໍຕົ້ນຕານປ່ຽວ ແລະ ອຸປະຖໍາຂະບວນການແຂ່ງຂັນກິລາ-ສິລະປະຂອງເມືອງທຸລະຄົມ,  ຕາງໜ້າໃຫ້ ທ່ານ ຄໍາແສນ ໄວຍາກອນ ທີ່ຢູ່ປະເທດສະຫະລັດອາເມຣິກາ ຜູ້ໃຫ້ການຊ່ວຍເຫຼືອແມ່ນ ທ່ານ ບຸດສະດີ ໄຊຍະວົງ, ມີພາກສ່ວນກ່ຽວຂ້ອງເຂົ້່າຮ່ວມຢ່າງພ້ອມພຽງ.
    ເຄື່ອງທີ່ນໍາມາມອບໃນຄັ້ງນີ້, ປະກອບມີເຄື່ອງກິລາ ຈໍານວນ 36 ຊຸດ, ບານເຕາະ 5 ໜ່ວຍ ໃຫ້ແກ່ໂຮງຮຽນມັດທະຍົມສຶກສາ ກຸ່ມ 3 ມສ ຖິ່ນຄໍາ ມູນຄ່າ 14.860.000 ກີບ, ມອບເງິນຊຸກຍູ້ສ້ອມແປງອາຄານຮຽນ ມັດທະຍົມສຶກສາຖິ່ນຄໍາ 4 ລ້ານກີບ, ມໍຕົ້ນຕານປ່ຽວ 4 ລ້ານກີບ, ມອບເງິນໃຫ້ຫ້ອງການສຶກສາທິການ ແລະ ກິລາເມືອງ ຈໍານວນ 8 ລ້ານກີບ ເພື່ອນໍາໃຊ້ເຂົ້າໃນບັ້ນເປີດຂະບວນການແຂ່ງຂັນກິລາ-ສິລະປະນັກຮຽນ ປະຈໍາປີ 2024 ຂອງເມືອງ ລວມມູນຄ່າການຊ່ວຍເຫຼືອທັງໝົດ 30.860.000 ກີບ. 
    ໂອກາດນີ້, ທ່ານ ສົມເພັດ ລ້ວນສີພະຈັນ ຫົວໜ້າຫ້ອງການສຶກສາທິການ ແລະ ກິລາເມືອງໄດ້ສະແດງຄວາມຂອບອົກຂອບໃຈຕໍ່ທ່ານທີ່ໃຫ້ການຊ່ວຍເຫຼືອ ແລະ ອວຍພອນໄຊ, ຝາກຄໍາຢື້ຢາມຖາມຂ່າວໄປຍັງຄອບຄົວ ທ່ານ ຄໍາແສນ ໄວຍາກອນ ທີ່ຢູ່ຕ່າງປະເທດ, ຜູ້ຕາງໜ້າມາມອບ ແລະ ຜູ້ເຂົ້າຮ່ວມ ຈົ່ງຢູ່ດີມີແຮງ, ມີຄວາມສຸກໃນຊີວິດສ່ວນຕົວ, ຄອບຄົວ, ສໍາເລັດທຸກໜ້າທີ່ວຽກງານ.
(ຂ່າວ: ເມືອງທຸລະຄົມ).

ຄໍາເຫັນ

ຂ່າວສືກສາ-ກິລາ

ສ້າງຂີດຄວາມສາມາດການຮຽນ-ການສອນອອນໄລ

ສ້າງຂີດຄວາມສາມາດການຮຽນ-ການສອນອອນໄລ

ສູນພັດທະນາການສຶກສານອກໂຮງຮຽນ ກົມການສຶກສານອກໂຮງຮຽນ ກະຊວງສຶກສາທິການ ແລະ ກິລາ (ສສກ) ຮ່ວມກັບຫ້ອງການ DVV International ຈັດກອງປະຊຸມເຜີຍແຜ່ ແລະ ປະກາດທົດລອງນໍາໃຊ້ “Ed App” ເພື່ອເປັນເຄື່ອງມືເສີມສ້າງຂີດຄວາມສາມາດການຮຽນ-ການສອນອອນໄລ ໃນຂະແໜງການສຶກສານອກໂຮງຮຽນທົ່ວປະເທດ.
ສຊປລ ມອບຫຼຽນຊາວໜຸ່ມຕະລຸມບອນ ແລະ ໃບຍ້ອງຍໍໃຫ້ ຄະນະຄູຝຶກ-ນັກກິລາເຍົາວະຊົນ ສະໂມສອນ W.I.G NAGA

ສຊປລ ມອບຫຼຽນຊາວໜຸ່ມຕະລຸມບອນ ແລະ ໃບຍ້ອງຍໍໃຫ້ ຄະນະຄູຝຶກ-ນັກກິລາເຍົາວະຊົນ ສະໂມສອນ W.I.G NAGA

ສູນກາງຊາວໜຸ່ມ ປະຊາຊົນ ປະຕິວັດລາວ (ສຊປລ) ໄດ້ຈັດພິທີມອບ-ຮັບຫຼຽນຊາວໜຸ່ມຕະ ລຸມບອນ ແລະ ມອບໃບຍ້ອງຍໍໃຫ້ແກ່ຄະນະບໍລິຫານງານທີມໂຄສ, ຄະນະຄູຝຶກ, ນັກກິລາເຍົາວະຊົນ ສະໂມສອນ W.I.G NAGA ຂຶ້ນໃນວັນທີ 27 ມັງກອນນີ້ ທີ່ ສຊປລ ໃຫ້ກຽດມອບຫຼຽນ ແລະ ໃບຍ້ອງຍໍ ໂດຍທ່ານ ທອງລີ ສີສຸລິດ ເລຂາຄະນະບໍລິຫານງານ ສຊປລ, ມີຮອງເລຂາ, ຄູຝຶກ, ນັກກິລາ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ສຳເລັດການແຂ່ງຂັນກອັຟ ມິດຕະພາບ ສະຫຼອງການເປີດນຳໃຊ້ແອັບພລິເຄຊັນ ລາວກອັຟ

ສຳເລັດການແຂ່ງຂັນກອັຟ ມິດຕະພາບ ສະຫຼອງການເປີດນຳໃຊ້ແອັບພລິເຄຊັນ ລາວກອັຟ

ສະຫະພັນກິລາກອັຟແຫ່ງຊາດລາວ ຈັດການແຂ່ງຂັນກິລາກອັຟ ມິດຕະພາບ ເນື່ອງໃນໂອກາດສະເຫຼີມສະຫຼອງການເປີດນຳໃຊ້ແອັບພລິເຄຊັນ ລາວກອັຟ ຫຼື “Laos Golf Application” ຢ່າງເປັນທາງການ ເມື່ອບໍ່ດົນມານີ້ ທີ່ສະໜາມກອັຟ ລາວຄັນທຣີຄຣັບ (ຫຼັກ 14) ເມືອງຫາດຊາຍຟອງ ນະຄອນຫຼວງວຽງຈັນ, ໃຫ້ກຽດເຂົ້າຮ່ວມ ແລະ ມອບລາງວັນຂອງ ທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີ ກະຊວງສຶກສາທິການ ແລະ ກິ ລາ, ທ່ານ ວິໄລພອນ ພົມມະຫາໄຊ ຫົວໜ້າກົມອາຊີວະສຶກສາ ກະຊວງສຶກສາທິການ ແລະ ກິລາ, ທ່ານ ວົງເພັດ ອຸດົມລິດ ຮອງຜູ້ອຳນວຍການສະຖາບັນຄົ້ນຄວ້າວິທະຍາສາດການສຶກສາ ກະຊວງສຶກສາທິການ ແລະ ກິລາ ແລະ ທ່ານ ກອງສີ ແສງມະນີ ປະທານສະຫະພັນກິລາກອັຟແຫ່ງຊາດລາວ ແລະ ນັກກິລາກອັຟທັງພາຍໃນ ແລະ ຕ່າງປະເທດ ເຂົ້າຮ່ວມ 100 ກວ່າຄົນ.
ອາຊຽນ ພາຣາເກມ 2025 ສປປ ລາວ ສ້າງປະຫວັດສາດໜ້າໃໝ່ ຍາດໄດ້ 18 ຫຼຽນ

ອາຊຽນ ພາຣາເກມ 2025 ສປປ ລາວ ສ້າງປະຫວັດສາດໜ້າໃໝ່ ຍາດໄດ້ 18 ຫຼຽນ

ການແຂ່ງຂັນງານມະຫະກຳກິລາຄົນພິການອາຊຽນ ຄັ້ງທີ 13 ຫຼື ອາຊຽນພາຣາ ເກມ (ASEAN ParaGames 2025) ໂດຍເຈົ້າພາບປະເທດໄທ ສາມາດຍາດໄດ້ 175 ຫຼຽນຄຳ ເປັນເຈົ້າຫຼຽນຄຳ ສະໄໝທີ 7 ແລະ ອາຊຽນພາຣາ ເກມ 2027 ທີ່ປະເທດມາເລເຊຍ ຮັບກຽດເປັນເຈົ້າພາບ, ພິທີປິດການແຂ່ງຂັນໄດ້ຈັດຂຶ້ນໃນວັນທີ 26 ມັງກອນ ນີ້ ທີ່ສະໜາມກິລາ 80 ພັນສາ ນະຄອນຣາຊະສີມາ ປະເທດໄທ ພາຍຫຼັງດຳເນີນມາແຕ່ວັນທີ 20 ມັງກອນ ຜ່ານມາ.
ໂຮງຮຽນສາມັນກິນນອນຊົນເຜົ່າແຂວງຄໍາມ່ວນ ໄດ້ຮັບເຄື່ອງນຸ່ງຫົ່ມ ແລະ ອຸປະກອນການຮຽນ

ໂຮງຮຽນສາມັນກິນນອນຊົນເຜົ່າແຂວງຄໍາມ່ວນ ໄດ້ຮັບເຄື່ອງນຸ່ງຫົ່ມ ແລະ ອຸປະກອນການຮຽນ

ໃນວັນທີ 25 ມັງກອນຜ່ານມາ, ອະດີດນັກສຶກສາກຽມໄປຮຽນຕ່າງປະເທດ ປີ 1991-1992 ໄດ້ມອບເຄື່ອງຊ່ວຍເຫຼືອ ໂຮງຮຽນສາມັນກິນນອນ ຊົນເຜົ່າ ແຂວງຄໍາມ່ວນ ປະກອບມີເຄື່ອງນຸ່ງຫົ່ມຕ້ານໄພໜາວ ເສື້ອກັນໜາວ, ຜ້າຫົ່ມ, ອຸປະກອນການຮຽນ, ເຄື່ອງຫຼິ້ນກິລາ ແລະ ເຄື່ອງບໍລິໂພກ ມູນຄ່າ 26 ລ້ານກີບ ພ້ອມດ້ວຍເງິນສົດ ມອບໃຫ້ແກ່ນັກຮຽນແຕ່ລະຄົນ ແລະ ມອບເຂົ້າໃນການຮັບໃຊ້ບໍລິຫານພາຍໃນໂຮງຮຽນ ມູນຄ່າ 127 ລ້ານກີບ, ລວມມູນຄ່າທັງໝົດ 153 ລ້ານກີບ, ຕາງໜ້າອະດີດນັກສຶກສາ ມອບໂດຍທ່ານ ໝັ້ນຍືນ ຄີນສະໝອນ ຮອງປະທານຄະນະກຳມະການປົກຄອງແຂວງຄໍາມ່ວນ, ທ່ານ ແກ້ວວິສຸກ ໂສລະພົມ ຮອງລັດຖະມົນຕີກະຊວງເຕັກໂນໂລຊີ ພ້ອມດ້ວຍຄະນະ, ມີຄູ-ອາຈານ ແລະ ນ້ອງນັກຮຽນເຂົ້າຮ່ວມ.
ແຂ່ງຂັນກິລາເປຕັງ ຊີງຂັນຄະນະບໍລິຫານງານ ສກລ

ແຂ່ງຂັນກິລາເປຕັງ ຊີງຂັນຄະນະບໍລິຫານງານ ສກລ

ສູນກາງສະຫະພັນກໍາມະບານລາວ (ສກລ) ໄດ້ຈັດງານແຂ່ງຂັນກິລາເປຕັງ ຊີງຂັນຄະນະບໍລິຫານງານ ສກລ ເພື່ອຕ້ອນຮັບວັນສ້າງຕັ້ງສະຫະພັນກໍາມະບານລາວ ຄົບຮອບ 70 ປີ (1 ກຸມພາ 1956-1 ກຸມພາ 2026) ຂຶ້ນໃນວັນທີ 23 ມັງກອນນີ້ ທີ່ ສກລ ໂດຍມີທ່ານ ວິໄລ ວົງຂະເສີມ ຮອງປະທານຄະນະບໍລິຫານງານ ສກລ, ມີຫົວໜ້າກົມ, ຫົວໜ້າຫ້ອງການ, ສະຖາບັນພັດທະນາກຳມະບານ, ມີຕາງໜ້າສະຫະພັນກໍາມະບານກະຊວງ-ອົງ ການ, ນະຄອນຫຼວງວຽງຈັນ (ນວ), ມີບັນດານັກກິລາ ພ້ອມດ້ວຍຜູ້ຊົມ-ເຊຍເຂົ້າຮ່ວມຢ່າງເປັນຂະບວນຟົດຟື້ນ.
ລົງນາມ ການສຶກສານອກໂຮງຮຽນ ແລະ ການຮຽນຕະຫຼອດຊີວິດສຳລັບລາວ

ລົງນາມ ການສຶກສານອກໂຮງຮຽນ ແລະ ການຮຽນຕະຫຼອດຊີວິດສຳລັບລາວ

ພິທີເຊັນສັນຍາການຮ່ວມມື ດ້ານວຽກງານການສຶກສານອກໂຮງຮຽນ ແລະ ການຮຽນຕະຫຼອດຊີວິດ ສຳລັບລາວ ຈັດຂຶ້ນໃນວັນທີ 21 ມັງກອນນີ້ ທີ່ຫ້ອງການດີວີ ວີອິນເຕີເນເຊີນອນ ບ້ານທ່າພະລານໄຊ ເມືອງສີສັດຕະນາກ ນະຄອນຫຼວງວຽງຈັນ, ຮ່ວມລົງນາມລະຫວ່າງທ່ານ ສຸພາບ ຄູນວິໄຊ ຮອງຫົວໜ້າກົມການສຶກສານອກໂຮງຮຽນ ແລະ ທ່ານ ສາຍ ພອນແກ້ວ ຮອງຄະນະບໍດີຄະນະສຶກສາສາດ, ທ່ານ ສີໄທ ໂຄດສີເມືອງ ຮອງຜູ້ອຳນວຍການສູນພັດທະນາການສຶກສານອກໂຮງຮຽນ ແລະ ທ່ານ Uwe Gartenschlaeger ຜູ້ອຳນວຍການປະຈຳພາກພື້ນອາຊີຕາເວັນອອກສ່ຽງໃຕ້ຂອງຫ້ອງການ DV International, ມີທ່ານ Hans-Ulrich Sudbeck ເອກອັກຄະລັດຖະທູດເຢຍລະມັນປະຈຳລາວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ເປີດສາກແລ້ວ ງານກິລາອາຊຽນພາຣາເກມ ຄັ້ງທີ 13

ເປີດສາກແລ້ວ ງານກິລາອາຊຽນພາຣາເກມ ຄັ້ງທີ 13

ງານມະຫະກຳກິລາຄົນພິການອາຊຽນພາຣາເກມ ຄັ້ງທີ 13 (ASEAN Para Games 2025) ທີ່ປະ ເທດໄທຮັບກຽດເປັນເຈົ້າພາບ ໄດ້ເປີດຂຶ້ນຢ່າງເປັນທາງການໃນຕອນຄ່ຳວັນທີ 20 ມັງກອນຜ່ານມາ ທີ່ສະໜາມກິລາ 80 ພັນສາ ນະຄອນຣາຊະສີມາ ໂດຍມີພະບາດສົມເດັດ ພະວະຊິຣະເກົ້າເຈົ້າຢູ່ຫົວ ແຫ່ງຣາຊະອານາຈັກໄທ ໄດ້ມອບໝາຍໃຫ້ທ່ານ ພົນເອກ ພະວໍລະວົງເທີ ພະອົງເຈົ້າສະເຫຼີມສຶກຢຸຄົນ ເປັນຕົວແທນເຂົ້າຮ່ວມເປັນປະທານໃນພິທີເປີດ. ສ່ວນ ສປປ ລາວ ເຮົານຳໂດຍທ່ານ ນາງ ຂັນທະລີ ສິຣິພົງພັນ ອະດີດຮອງລັດຖະມົນຕີ ກະຊວງສຶກສາທິການ ແລະ ກິລາ (ສສກ) ທັງເປັນປະທານຄະນະກຳມະການພາຣາແລັມປິກແຫ່ງຊາດລາວ (ຄພລ). ນອກນີ້, ຍັງມີຄະນະນຳ, ຄູຝຶກ ແລະ ນັກກິລາຈາກປະເທດສະມາຊິກອາຊຽນເຂົ້າຮ່ວມ ບໍ່ມີພຽງແຕ່ຣາຊະອານາຈັກກຳປູເຈຍທີ່ຂໍຖອນຕົວຈາກການແຂ່ງຂັນ.
ໂຮງຮຽນພອນນະພາ ໄດ້ຮັບນາມມະຍົດເປັນໂຮງຮຽນຕົວແບບຄຸນນະພາບຂອງ ນວ

ໂຮງຮຽນພອນນະພາ ໄດ້ຮັບນາມມະຍົດເປັນໂຮງຮຽນຕົວແບບຄຸນນະພາບຂອງ ນວ

ພິທີເປີດປ້າຍໂຮງຮຽນຕົວແບບຄຸນນະພາບຂອງນະຄອນຫຼວງວຽງຈັນ (ນວ) ໂຮງຮຽນປະຖົມສົມບູນພອນນະພາ ຈັດຂຶ້ນເມື່ອບໍ່ດົນມານີ້, ມີທ່ານ ຂັນໄຊ ແສງສຸນີ ຮອງຫົວໜ້າພະແນກສຶກສາທິການ ແລະ ກິລາ ນວ, ທ່ານ ທອງດີ ແກ້ວມີໄຊ ຫົວໜ້າຫ້ອງການສຶກສາທິການ ແລະ ກິລາເມືອງຈັນທະບູລີ, ບັນດາຜູ້ອຳນວຍການໂຮງຮຽນ, ຄູ-ອາຈານ ແລະ ນັກຮຽນເຂົ້າຮ່ວມ.
ມຊ ຈັດງານສະຫຼອງບຸນກຸດຈີນ 2026 ຢ່າງຄຶກຄື້ນ

ມຊ ຈັດງານສະຫຼອງບຸນກຸດຈີນ 2026 ຢ່າງຄຶກຄື້ນ

ຄະນະນັກສຶກສາຈີນ ທີ່ສຶກສາຢູ່ມະຫາວິທະຍາໄລແຫ່ງຊາດ (ມຊ) ໄດ້ຈັດງານພົບປະສັງສັນສະຫຼອງບຸນກຸດຈີນ 2026 ຂຶ້ນຢ່າງເປັນທາງການໃນວັນທີ 19 ມັງກອນຜ່ານມາ ທີ່ສະໂມສອນໃຫຍ່ ມຊ ທັງເປັນການສະ ເຫຼີມສະຫຼອງວັນສ້າງຕັ້ງສາຍພົວພັນທາງການທູດ ລາວ-ຈີນ ຄົບຮອບ 65 ປີ ໃຫ້ກຽດເຂົ້າຮ່ວມຂອງທ່ານ ເດຊານຸລາດ ແສນດວງເດດ ຜູ້ອຳນວຍການໃຫຍ່ ມຊ; ທ່ານ ວັນໄຊ ຕະວິນຍານ ອະດີດຮອງຫົວໜ້າຄະນະໂຄສະນາອົບຮົມສູນກາງພັກ ອະດີດຫົວໜ້າບັນນາທິການໃຫຍ່ໜັງສືພິມປະຊາຊົນ; ທ່ານ ວົງສິນ ໃຊຍະວົງ ຮອງຫົວໜ້າກົມຮ່ວມມືກັບຕ່າງປະເທດ; ທ່ານ ຄຳແກ້ວ ຮັນຊະນະ ຮອງຫົວໜ້າກົມການສຶກສາຊັ້ນສູງ ກະຊວງສຶກສາທິການ ແລະ ກິລາ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ເພີ່ມເຕີມ

ຂ່າວ​ລ່າ​ສຸດ

EPaper