ທ່ານ ສີຈິ້ນຜິງ ຊີ້ໃຫ້ເຫັນວ່າ: ການຮ່ວມມືອາຊີ-ປາຊີຟິກ ຕ້ອງປັບຕົວໃຫ້ເຂົ້າກັບສະຖານະການໃໝ່, ຊຸກຍູ້ການສ້າງປະຊາຄົມອາຊີ-ປາຊີຟິກທີ່ຮ່ວມທຸກຮ່ວມສຸກ, ເປີດກວ້າງ ແລະ ເຊື່ອມໂຍງ, ບຸກເບີກການປະດິດສ້າງໃໝ່ ແລະ ພັດທະນາແບບກວມລວມ.
ທ່ານ ສີຈິ້ນຜິງ ກ່າວຕື່ມວ່າ: ຈີນແມ່ນຜູ້ສົ່ງເສີມ, ຜູ້ຊຸກຍູ້ ແລະ ຜູ້ນຳໜ້າໃນການຮ່ວມມືເສດຖະກິດອາຊີ-ປາຊີຟິກ. ຈີນຍິນດີຮ່ວມກັບທຸກຝ່າຍ, ສຸມສະຕິປັນຍາ ແລະ ເຕົ້າໂຮມກຳລັງເພື່ອຮ່ວມກັນສ້າງເສົາຄ້ຳຂອງປະຊາຄົມອາຊີ-ປາຊີຟິກ. ໜຶ່ງ, ເພີ່ມທະວີເສົາຄ້ຳດ້ານເສດຖະກິດການຄ້າ; ສອງ, ຍົກລະດັບເສົາຄ້ຳດ້ານການເຊື່ອມໂຍງເຊື່ອມຈອດ; ສາມ, ສ້າງເສົາຄ້ຳດ້ານການປະດິດສ້າງໃໝ່; ສີ່, ປັບປຸງເສົາຄ້ຳດ້ານການພັດທະນາໃຫ້ໝັ້ນທ່ຽງ.
ທ່ານ ສີຈິ້ນຜິງ ປະກາດວ່າ: ຈີນຈະສະໜອງທຶນຈຳນວນ 20 ລ້ານໂດລາ ເພື່ອສະໜັບສະໜູນການຮ່ວມມືຕົວຈິງຂອງອົງການຮ່ວມມືເສດຖະກິດອາຊີ-ປາຊີຟິກ ແລະ ຈະສ້າງຕັ້ງສູນຄົ້ນຄວ້າປະຊາຄົມອາຊີ-ປາຊີຟິກຢູ່ນະຄອນເຊີ່ນເຈີ້ນ.
ຄໍາເຫັນ