ອັນທີໜຶ່ງ, ຮ່ວມກັນເສີມຂະຫຍາຍວັດທະນະທຳສີແດງ, ຮ່ວມກັນສ້າງຂົວຕໍ່ດ້ານຈິດໃຈ. ວັນທີ 2ເດືອນມິຖຸນາ ຜ່ານມາ, 3 ສາລະຄະດີຈີນ ຄື: ຄວາມເຂົ້າໃຈທາງວັດທະນະທຳຈີນຂອງທ່ານ ສີ ຈິ້ນຜິງການນໍາພາທິດທາງ (ສະບັບສາກົນ) ແລະ ແນວຄິດໃໝ່ໃນຕຳລາບູຮານໄດ້ເລີ່ມອອກອາກາດໂດຍຜ່ານສື່ມວນຊົນຫຼັກຂອງລາວ. ທ່ານ ທອງລຸນ ສີສຸລິດ ໄດ້ສົ່ງສານຊົມເຊີຍ ແລະ ຕີລາຄາສູງຕໍ່ສະຕິປັນຍາ ແລະ ແນວຄິດອັນເລິກເຊິ່ງທີ່ມີຢູ່ໃນສາລະຄະດີເຫຼົ່ານີ້ ແລະ ຄຸນຄ່າທີ່ເປັນບົດຮຽນໃຫ້ແກ່ພາລະກິດສັງຄົມນິຍົມຂອງລາວ. ສອງປະເທດໄດ້ຮ່ວມກັນຈັດງານວາງສະແດງຫົວຂໍ້ຕ່າງໆ ເພື່ອໃຫ້ຊາວໜຸ່ມສຶກສາຮຽນຮູ້ ຊຶ່ງໄດ້ເຮັດໃຫ້ວັດທະນະທຳສີແດງກາຍເປັນຂົວຕໍ່ດ້ານຈິດໃຈທີ່ເຕົ້າໂຮມຄວາມສາມັກຄີກັນລະຫວ່າງພັກ ແລະ ປະຊາຊົນ ແລະ ສ້າງອຸດົມການໃຫ້ໝັ້ນຄົງ ໂດຍອີງໃສ່ຊັບພະຍາກອນສີແດງ ເຊັ່ນ: ໂຮງຮຽນ 67 ທີ່ນະຄອນນານນິງ ແລະ ສຸສານຈີນໃນລາວເປັນຕົ້ນ.
ອັນທີສອງ, ການຮ່ວມມືດ້ານຊີວິດການເປັນຢູ່ຂອງປະຊາຊົນໄດ້ຮັບການພັດທະນາຢ່າງຕໍ່ເນື່ອງ, ການໄປມາຫາສູ່ກັນລະຫວ່າງປະຊາຊົນແໜ້ນແຟ້ນຂຶ້ນກວ່າເກົ່າ. ໃນໂອກາດທີ່ປີມິດຕະພາບ ລາວ-ຈີນ ສອງປະເທດສືບຕໍ່ຂະຫຍາຍການຮ່ວມມືໃນຂົງເຂດການສຶກສາ,ການແພດ,ວັດທະນະທຳ,ການທ່ອງທ່ຽວ ແລະ ຂົງເຂດອື່ນໆ, ໂດຍເນັ້ນໃສ່ການປັບປຸງການຮ່ວມມືດ້ານການແພດຂັ້ນຮາກຖານ,ນໍ້າດື່ມທີ່ປອດໄພໃນຊົນນະບົດ ແລະ ອື່ນໆ, ໂຄງການທີ່ສ້າງຜົນປະໂຫຍດໃຫ້ແກ່ປະຊາຊົນ ໄດ້ຮັບການຈັດຕັ້ງປະຕິບັດຫຼາຍຂຶ້ນ. ນະຄອນ ແລະ ແຂວງຂອງ ລາວ-ຈີນ ໄດ້ສ້າງສາຍພົວພັນທີ່ເປັນເມືອງມິດຕະພາບ ນັບມື້ນັບຫຼາຍຂຶ້ນ, ການທ່ອງທ່ຽວຂ້າມແດນກາຍເປັນຮູບແບບໃໝ່ໃນດ້ານການທ່ອງທ່ຽວ, ຊານົມຈີນ ໄດ້ຮັບຄວາມນິຍົມຊົມຊອບຈາກລາວ, ກາເຟລາວ ກໍໄດ້ຮັບຄວາມນິຍົມຊົມຊອບຈາກຈີນຫຼາຍຂຶ້ນ, ຜະລິດຕະພັນທີ່ມີລັກສະນະພິເສດຂອງສອງປະເທດໄດ້ເຂົ້າສູ່ຕະຫຼາດຂອງກັນ ແລະ ກັນ.
ອັນທີສາມ, ຂະຫຍາຍການແລກປ່ຽນ ແລະ ການຮ່ວມມືດ້ານການສຶກສາ, ສ້າງບຸກຄະລາກອນທີ່ມີຄວາມສາມາດເພື່ອປະກອບສ່ວນເຂົ້າໃນການພັດທະນາຂອງອະນາຄົດ. ສອງປະເທດຈະສຸມໃສ່ການສ້າງໂຄງການພັນ ແລະ ໝື່ນ ສໍາລັບການຮ່ວມມືດ້ານຊັບພະຍາກອນມະນຸດ,ເລີ່ມແຕ່ປີ 2028 ເປັນຕົ້ນໄປ ໃຫ້ບັນລຸໄດ້ນັກສຶກສາລາວມາຮຽນຢູ່ຈີນ ເປັນຈໍານວນ 10,000 ຄົນຕໍ່ປີ. ລົງເລິກການເຊື່ອມໂຍງດ້ານອຸດສາຫະກໍາ ແລະ ການສຶກສາ, ຊຸກຍູ້ການດໍາເນີນການສ້າງບຸກຄະລາກອນແບບສັ່ງຕາມຄວາມຕ້ອງການຂອງຕະຫຼາດ ລະຫວ່າງວິທະຍາໄລວິຊາຊີບຂອງຈີນກັບວິສາຫະກິດລາວ, ສ້າງຖານຝຶກອົບຮົມທັກສະວິຊາຊີບຢູ່ທ້ອງຖິ່ນ, ສຸມໃສ່ການສ້າງບຸກຄະລາກອນທີ່ຂາດແຄນໃນຂົງເຂດການຜະລິດແບບອັດສະລິຍະ ແລະ ພະລັງງານສີຂຽວ ແລະ ຂົງເຂດອື່ນໆ ເພື່ອປະກອບສ່ວນເຂົ້າໃນການພັດທະນາເສດຖະກິດດີຈີຕອນຢູ່ລາວ.
ກາບກອນຈີນກ່າວວ່າ: ພະຍາຍາມຢູ່ໃນເສັ້ນທາງຂອງຕົນ, ເຖິງແມ່ນວ່າຢູ່ໄລຍະທີ່ຫ່າງໄກ, ແຕ່ໃນທີ່ສຸດກໍຈະມາພົບກັນຍ້ອນມີອຸດົມຄະຕິດຽວກັນ. ພາຍໃຕ້ການນຳພາດ້ານຍຸດທະສາດຂອງຜູ້ນຳສູງສຸດຂອງສອງພັກສອງປະເທດ, ການສ້າງຄູ່ຮ່ວມຊາຕາກຳ ລາວ-ຈີນ ທີ່ເຂັ້ມແຂງໜຽວແໜ້ນໃນທຸກສະພາບການຂອງຍຸກໃໝ່ຈະຜ່ານຜ່າຄວາມຫຍຸ້ງຍາກນານາປະການ ແລະ ກ້າວເດີນໄປໄກຢ່າງໜັກແໜ້ນເພື່ອປະກອບ ສ່ວນເຂົ້າໃນການຊຸກຍູ້ການສ້າງແບບຢ່າງອັນສະຫງ່າງາມ ແລະ ກໍາລັງຂັບເຄື່ອນທີ່ຍືນຍົງໃຫ້ການສ້າງປະຊາຄົມຮ່ວມຊາຕາກຳຂອງມວນມະນຸດ.
ຄໍາເຫັນ