ທ່ານ ທອງສະຫວັນ ພົມວິຫານ ຕ້ອນຮັບຄະນະບໍລິຫານ ສະມາຄົມສຽງແຄນລາວ

ໃນໂອກາດນີ້, ທ່ານ ຈະເລີນ ເຍຍປາວເຮີ ກໍໄດ້ສະແດງຄວາມຂອບໃຈຕໍ່ທ່ານ ທອງສະຫວັນ ພົມວິຫານ ທີ່ໄດ້ໃຫ້ການຕ້ອນຮັບຢ່າງອົບອຸ່ນ. ພ້ອມນີ້, ຍັງໄດ້ລາຍງານຈຸດປະສົງໃນການມາຢ້ຽມຢາມ ໃຫ້ທ່ານຮອງນາຍົກລັດຖະມົນຕີໄດ້ຮັບຊາບ ພາຍຫຼັງທີ່ສຽງແຄນເຊື້ອຊາດລາວ ໄດ້ຮັບການຈົດທະບຽນເປັນມໍຣະດົກທາງດ້ານວັດທະນະທຳນາມມະທຳຂອງຄົນເຊື້ອຊາດລາວ ແລະ ເປັນມໍຣະດົກທາງດ້ານວັດທະນະທຳຂອງມວນມະນຸດໂລກ ສະມາຄົມສຽງແຄນລາວ ໄດ້ສະເໜີຕໍ່ຂັ້ນເທິງ ເພື່ອຂໍອະນຸມັດນຳໃຊ້ທີ່ດິນລັດທີ່ເໜາະສົມ ເພື່ອເປັນບ່ອນກໍ່ສ້າງຫໍພິພິທະພັນມູນເຊື້ອແຄນລາວ, ເພື່ອເປັນການອະນຸລັກຮັກສາ,ແຄນ ແລະ ສຽງແຄນລາວ ແມ່ນມໍຣະດົກວັດທະນະທຳອັນລໍ້າຄ່າຕິດພັນກັບວິຖີຊີວິດ ແລະ ວັດທະນະທຳອັນດີງາມຂອງຄົນລາວ ຊາດລາວ ເປັນຈຸດເຕົ້າໂຮມນາຍຊ່າງແຄນ ແລະ ໝໍແຄນ, ໃຫ້ເຕີບໃຫຍ່ຂະຫຍາຍຕົວຍິ່ງໆຂຶ້ນ.

ໃນໂອກາດດັ່ງກ່າວ, ທ່ານ ທອງສະຫວັນ ພົມວິຫານ ກໍໄດ້ສະແດງຄວາມຕ້ອນຮັບຊົມເຊີຍ ແລະ ຕີລາຄາສູງຕໍ່ທ່ານ ຈະເລີນ ເຍຍປາວເຮີ ພ້ອມດ້ວຍຄະນະ ທີ່ເຂົ້າມາຢ້ຽມຂໍ່ານັບອວຍພອນ ແລະ ຂໍການຊີ້ນຳໃນຄັ້ງນີ້ ຊຶ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ການເຄື່ອນໄຫວຂອງສະມາຄົມສຽງແຄນລາວ ຊຶ່ງຈະເປັນການປະກອບສ່ວນໃນການປົກປັກຮັກສາ ແຄນ ແລະ ສຽງແຄນລາວ ແມ່ນມໍຣະດົກວັດທະນະທຳອັນລໍ້າຄ່າ ຕິດພັນກັບວິຖີຊີວິດ ແລະ ວັດທະນະທຳອັນດີງາມຂອງຄົນລາວ ຊາດລາວ ຊຶ່ງໄດ້ສືບທອດກັນມາແຕ່ດຶກດຳບັນ ຊຶ່ງການສະເໜີຂອງທາງສະມາຄົມສຽງແຄນລາວ ເພື່ອຂໍອະນຸມັດນຳໃຊ້ທີ່ດິນລັດທີ່ເໜາະສົມ ເພື່ອເປັນບ່ອນກໍ່ສ້າງຫໍພິພິທະພັນມູນເຊື້ອແຄນລາວທາງກະຊວງຈະໄດ້ຮັບເອົາ ເພື່ອນຳໄປສະເໜີຕໍ່ຂັ້ນເທິງ ແລະ ປະສານສົມທົບກັບພາກສ່ວນທີ່ກ່ຽວຂ້ອງ ເພື່ອຄົ້ນຄວ້າຕາມຄວາມເໝາະສົມ.

ຂ່າວ-ພາບ: ບຸນຕອມ.