ທ່ານ ໄຊສົມພອນ ພົມວິຫານ ໄດ້ຮັບການເລືອກຕັ້ງເປັນປະທານສະພາແຫ່ງຊາດອີກສະໄໝ

   ທ່ານ ໄຊສົມພອນ ພົມວິຫານ ໄດ້ຂຶ້ນລາຍງານການປະຕິບັດໜ້າທີ່ໃນໄລຍະ 5 ປີຜ່ານມາ ແລະ ກ່າວລາໜ້າທີ່. ຈາກນັ້ນ, ທ່ານນາງ ສູນທອນ ໄຊຍະຈັກ ຮອງປະທານສະພາແຫ່ງຊາດຊຸດທີ IX ຂຶ້ນອ່ານໜັງສືສະເໜີຂອງຄະນະປະຈຳສະພາແຫ່ງຊາດຊຸດທີ IX ກ່ຽວກັບມາດຕະຖານເງື່ອນໄຂຂອງປະທານສະພາແຫ່ງຊາດ ແລະ ເປົ້າໝາຍເລືອກຕັ້ງເປັນປະທານສະພາແຫ່ງຊາດຊຸດທີ X ໂດຍອີງໃສ່ມາດຕະຖານດັ່ງກ່າວ ສະເໜີເລືອກຕັ້ງເອົາທ່ານ ໄຊສົມພອນ ພົມວິຫານ ເປັນປະທານສະພາແຫ່ງຊາດຊຸດທີ X.

ຈາກນັ້ນ ບັນດາສະມາຊິກສະພາແຫ່ງຊາດ (ສສຊ) ຊູດທີ X ລົງຄະແນນສຽງຮັບຮອງເອົາດ້ວຍຄະແນນສຽງເຫັນດີ 100%.

ຈາກນັ້ນ, ໄດ້ເລືອກຕັ້ງເອົາຮອງປະທານສະພາແຫ່ງຊາດຈຳນວນ 4 ທ່ານດັ່ງນີ້:

1. ທ່ານນາງ ສູນທອນ ໄຊຍະຈັກ;

2. ທ່ານ ກອງແກ້ວ ໄຊສົງຄາມ;

3. ທ່ານ ວິໄລວົງ ບຸດດາຄຳ;

4. ທ່ານ ມອນໄຊ ລາວມົວຊົ່ງ;

ແຕ່ງຕັ້ງກຳມະການຄະນະປະຈຳສະພາແຫ່ງຊາດຈຳນວນ 6 ທ່ານດັ່ງນີ້:

1. ທ່ານ ບຸນຈັນ ສີວົງພັນ;

2. ທ່ານນາງ ອຳໄພວອນ ລ້ອມບຸນແພງ;

3. ທ່ານນາງ ທຸມມາລີ ວົງພະຈັນ;

4. ທ່ານ ໂພໄຊ ໄຂຄຳພິທູນ;

5. ທ່ານ ພົນຈັດຕະວາ ສຸລິໄຊ ພິຈິດ;

6. ທ່ານ ຈັນທະບູນ ສຸກອາລຸນ.

ໃນພິທີທ່ານນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ ໄດ້ອ່ານໜັງສືສະເໜີຂອງຄະນະປະຈຳສະພາແຫ່ງຊາດ ກ່ຽວກັບກົງຈັກການຈັດຕັ້ງຂອງສະພາແຫ່ງຊາດຊຸດທີ X ແລະ ແຕ່ງຕັ້ງຫົວໜ້າຫ້ອງວ່າ ການສະພາແຫ່ງຊາດ ແລະ ປະທານກຳມາທິການສະພາແຫ່ງຊາດຊຸດທີ X ດັ່ງນີ້:

1. ທ່ານ ບຸນຈັນ ສີວົງພັນ ເປັນຫົວໜ້າຫ້ອງວ່າການສະພາແຫ່ງຊາດ;

2. ທ່ານນາງ ອຳໄພວອນ ລ້ອມບຸນແພງ ເປັນປະທານກຳມາທິການວັດທະນະທຳ-ສັງຄົມ ແລະ ຊົນເຜົ່າ;

3. ທ່ານນາງ ທຸມມາລີ ວົງພະຈັນ ເປັນປະທານກຳມາທິການກົດໝາຍ ແລະ ຍຸຕິທຳ;

4. ທ່ານ ໂພໄຊ ໄຂຄຳພິທູນ ເປັນປະທານກຳມາທິການ ການຕ່າງປະເທດ;

5. ທ່ານ ພົນຈັດຕະວາ ສຸລິໄຊ ພິຈິດ ເປັນປະທານກຳມາທິການປ້ອງກັນຊາດ-ປ້ອງກັນຄວາມສະຫງົບ;

6. ທ່ານ ຈັນທະບູນ ສຸກອາລຸນ ເປັນປະທານກຳມາທິການເສດຖະກິດ ແລະ ການເງິນ.

ຂ່າວ: ພູວັນ; ພາບ: ຕຸໄລເພັດ