ກະຊວງຖະໜົນຫົນທາງ ແລະ ການຂົນສົ່ງ ແຫ່ງປະເທດມົງໂກລີ ເນື່ອງໃນໂອກາດທີ່ເດີນທາງມາຢ້ຽມຢາມ ສປປ ລາວ ແລະ ເຂົ້າຮ່ວມກອງປະຊຸມ JC ລາວ - ມົງໂກລິີ ຄັ້ງທີ 12.
ທ່ານລັດຖະມົນຕີ ໄດ້ສະແດງຄວາມຍິນດີຕ້ອນຮັບ ແລະ ສະແດງຄວາມຊົມເຊີຍຕໍ່ ທ່ານ ເດລເກຣໄຊຄານ ບໍຣຄູ ທີ່ໃຫ້ຄວາມສໍາຄັນໃນການຮ່ວມມືດ້ານການເຊື່ອມຈອດ ແລະ ການຄົມມະນາຄົມຂົນສົ່ງ ແລະ ມາຢ້ຽມຢາມກະຊວງໂຍທາທິການ ແລະ ຂົນສົ່ງໃນຕົ້ນປີ 2025. ພ້ອມທັງສະແດງຄວາມຂອບໃຈ ແລະ ຕີລາຄາສູງຕໍ່ການພົວພັນຮ່ວມມືທາງການທູດຂອງສອງປະເທດໃນໄລຍະຫຼາຍທົດສະຕະວັດທີ່ຜ່ານມາ ແລະ ໄດ້ໃຫ້ຄວາມສໍາຄັນໃນການຮ່ວມມືເພື່ອຊຸກຍູ້ການເຊື່ອມຈອດ ແລະ ເຊື່ອມໂຍງລະຫວ່າງສອງປະເທດ ທີ່ມີດ້ານພູມສັນຖານຄ້າຍຄືກັນ, ເປັນປະເທດທີ່ມີປະຊາກອນບໍ່ຫຼາຍ, ບໍ່ມີຊາຍແດນຕິດກັບທະເລ ແຕ່ມີຊາຍແດນຕິດກັບປະເທດທີ່ມີພົນລະເມືອງຫຼາຍ.
ໃນໂອກາດດັ່ງກ່າວ, ທັງສອງຝ່າຍໄດ້ປືກສາຫາລືແລກປ່ຽນຄໍາຄິດຄໍາເຫັນກ່ຽວກັບການສົ່ງເສີມການຮ່ວມມຶືຂອງສອງປະເທດເປັນຕົ້ນແມ່ນການຮ່ວມມືດ້ານການຂົນສົ່ງຜ່ານທາງລົດໄຟ ລາວ-ຈີນ-ມົງໂກລີຊຶ່ງເປັນການນໍາໃຊ້ທ່າແຮງຂອງ ສປປ ລາວ ແລະ ມົງໂກລີ ທີ່ໄດ້ເປັນສະມາຊິກໃນກອບ OSJD, ການຮ່ວມມື ແລະ ການແລກປ່ຽນບົດຮຽນກ່ຽວກັບການພັດທະນາທ່າບົກຢູ່ລາວ ແລະ ມົງໂກລີທີ່ໄດ້ກໍານົດໄວ້ຢູ່ໃນກອບການຮ່ວມມື UNESCAP, ການຮ່ວມມືດ້ານການຂົນສົ່ງທາງບົກ ແລະ ການສົ່ງເສີມການຂົນສົ່ງທາງອາກາດ ລະຫວ່າງ ສປປ ລາວ ແລະ ມົງໂກລີ ຊຶ່ງທັງສອງປະເທດໄດ້ເຊັນສັນຍາຂົນສົ່ງທາງອາກາດຮ່ວມກັນໃນປີ 2023 ຜ່ານມາ.
ໃນການຢ້ຽມຢາມຄັ້ງນີ້, ທ່ານ ເດລເກຣໄຊຄານ ບໍຣຄູ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງ ທ່ານ ງາມປະສົງ ເມືອງມະນີແລະ ສະແດງຄວາມຊົມເຊີຍຕໍ່ ສປປ ລາວ ກໍຄືກະຊວງໂຍທາທິການ ແລະ ຂົນສົ່ງທີ່ໄດ້ຮ່ວມມືກັບ ສປ ຈີນ ໃນການສ້າງເສັ້ນທາງລົດໄຟແຕ່ ນະຄອນຫຼວງວຽງຈັນ ຫາ ຄູນໝິງສໍາເລັດ. ພ້ອມທັງມີຄວາມປິຕິຍິນດີ ໃນການຮ່ວມມືກັບບັນດາປະເທດເພື່ອນບ້ານ ເພື່ອເຊື່ອມຈອດດ້ານການຄົມມະນາຄົມຂົນສົ່ງ ລະຫວ່າງ ສປປ ລາວ ແລະ ມົງໂກລີ ໂດຍຜ່ານ ສປ ຈີນ ແລະ ທັງຈະເປັນການເຊື່ອມຈອດ ສປປ ລາວ ໄປສູ່ຣັດເຊຍ ໂດຍຜ່ານທາງລົດໄຟຂອງ ສປ ຈີນ ແລະ ມົງໂກລີ. ພ້ອມດຽວກັນນີ້, ທ່ານ ເດລເກຣໄຊຄານ ບໍຣຄູ ໄດ້ສະເໜີໃຫ້ ສປປ ລາວ ໃຫ້ການຮ່ວມມື ແລະ ພິຈາລະນາສະໜັບສະໜູນສັນຍາຂົນສົ່ງຫຼາຍຝ່າຍໃນພາກພື້ນອາຊີທີ່ມີ ສປ ຈີນ ແລະ ຣັດເຊຍເຂົ້າຮ່ວມ.
ນອກຈາກນັ້ນ, ທ່ານ ລັດຖະມົນຕີກະຊວງ ຖະໜົນຫົນທາງ ແລະ ການຂົນສົ່ງ ແຫ່ງ ມົງໂກລີຈະສຶບຕໍ່ໃຫ້ການສະໜັບສະໜູນ-ຮ່ວມມືກັບ ກະຊວງໂຍທາທິການ ແລະ ຂົນສົ່ງ ໃນການເປັນສະມາຊິກ ຂອງອົງການຮ່ວມມືລະຫວ່າງທາງລົດໄຟ (Organisation for Co‑operation between Railways “OSJD”), ການຮ່ວມມືໃນການນໍາໃຊ້ເສັ້ນທາງລົດໄຟເພື່ອເຊື່ອມຈອດຫາກັນແລະ ພ້ອມດຽວກັນນັ້ນ ທ່ານ ເດລເກຣໄຊຄານ ບໍຣຄູ ໄດ້ເຊື້ອເຊີນ ທ່ານລັດຖະມົນຕີກະຊວງ ໂຍທາທິການ ແລະ ຂົນສົ່ງ ເຂົ້າຮ່ວມກອງປະຊຸມປະຈໍາປີຂອງອົງການ OSJD.
ໃນຕອນທ້າຍ, ທ່ານລັດຖະມົນຕີກະຊວງ ຍທຂ ໄດ້ສະເໜີແລກປ່ຽນບົດຮຽນ ການເປັນສະມາຊິກ ອົງການຂົນສົ່ງທາງທະເລສາກົນ (International Maritime Organization “IMO”)ຊຶ່ງມົງໂກລີ ໄດ້ເຂົ້າເປັນສະມາຊິກແລ້ວ ໂດຍ 2 ປະເທດ ລາວ ແລະ ມົງໂກລີ ແມ່ນບໍ່ມີຊາຍແດນຕິດກັບທະເລ (Land locked countries) ຄືກັນ ແລະ ບົດຮຽນກ່ຽວກັບຈຸດດີ ແລະ ຈຸດອ່ອນຂອງການເຂົ້າເປັນສະມາຊິກຂອງອົງການ.
(ຂ່າວ-ພາບ:ຍທຂ)
ຄໍາເຫັນ