ແລະ ບໍລິສັດແພັກຄອນ ຈຳກັດ ໄດ້ຈັດຂຶ້ນໃນວັນທີ 28 ມັງກອນ ນີ້ ທີ່ພະແນກ ຖວທ ນວ ໂດຍຮ່ວມລົງນາມມີທ່ານນາງ ວຽງພອນ ແກ້ວຄູນສີ ຫົວໜ້າພະແນກ ຖວທ ນວ; ທ່ານ ພາກພູມ ສີທິມາກຸລ ປະທານບໍລິສັດ ແພັກຄອນ ຈຳກັດ ແລະ ທ່ານ ສຸລິຍະສັກ ວົງສີປະສົມ ທີ່ປຶກສາໂຄງການບໍລິສັດ ແພກຄອນ ຈຳກັດ ມີຂະແໜງການກ່ຽວຂ້ອງເຂົ້າຮ່ວມ.
ການລົງນາມຄັ້ງນີ້ສອງຝ່າຍຈະຮ່ວມກັນສະໜັບສະໜູນ ແລະ ສ້າງການຮ່ວມມືໃນການສຶກສາການພັດທະນາການທ່ອງທ່ຽວນະຄອນຫຼວງວຽງຈັນແບບຍືນຍົງ (Vientiane's Sustainable tourism) ແລະ ໂດຍໃຊ້ນະວັດຕະກຳເຕັກໂນໂລຊີສະໄໝໃໝ່ເຂົ້າມານໍາໃຊ້ໃນການບໍລິການທ່ອງທ່ຽວແບບຍືນຍົງໃຫ້ເປັນຕົ້ນແບບສໍາລັບການຂະຫຍາຍກິດຈະກຳການທ່ອງທ່ຽວໄປຫາສະຖານທີ່ທ່ອງທ່ຽວອື່ນໆຂອງນະຄອນຫຼວງວຽງຈັນໃນອະນາຄົດ ຊຶ່ງໄດ້ຕົກລົງບົນພື້ນຖານຄວາມເປັນເອກະພາບກັນ ສຶກສາໂຄງການການລົງທຶນໂຄງສ້າງພື້ນຖານຮອງຮັບແກ່ການພັດທະນາການທ່ອງທ່ຽວດ້ວຍນະວັດຕະກຳເຕັກໂນໂລຊີເຊັ່ນ: ເຕັກໂນໂລຊີການກໍ່ສ້າງຖະໜົນຫົນທາງ, ການຈັດການພະລັງງານທີ່ສະອາດ (ໄຟຟ້າ ແລະ ນໍ້າມັນ), ການຄຸ້ມຄອງນໍ້າ (ນໍ້າດື່ມ ລະບົບສົ່ງນໍ້າ ນໍ້າປະປາ ນໍ້າເປື້ອນ ລະບົບລະບາຍນໍ້າ ການຄຸ້ມຄອງນໍ້າຖ້ວມ), ການຈັດການຂີ້ເຫຍື້ອ, ການສື່ສານຂໍ້ມູນ 5G ແລະ WiFiສໍາລັບການຄຸ້ມຄອງຕົວເມືອງ ການຮັກສາຄວາມປອດໄພຂອງຕົວເມືອງ, ການສົ່ງເສີມສຸຂະພາບປະຊາຊົນ ຈັດການຈະລາຈອນການຂົນສົ່ງສາທາລະນະ, ການຈັດການອຸບັດເຫດ ແລະ ໄພພິບັດ.
ນອກຈາກນີ້, ຍັງຈະຮ່ວມມືກັນດ້ານການອອກແບບ ແລະ ພັດທະນາແຫຼ່ງທ່ອງທ່ຽວຕົ້ນແບບວາງມາດຕະຖານຄຸນນະພາບເພື່ອພັດທະນາສະຖານທີ່ທ່ອງທ່ຽວໃນອະນາຄົດ, ໂດຍເລີ່ມຈາກການພັດທະນາຈຸດທ່ອງທ່ຽວຄື: ເສັ້ນທາງທ່ອງທ່ຽວທາງນໍ້າ ແລະ ຈຸດຕ່າງໆລວມມີການທ່ອງທ່ຽວແມ່ນໍ້າຂອງ (Mekong Rivera);ທ່ອງທ່ຽວຄອງນໍ້າວຽງຈັນ (ບຶງທາດຫຼວງ); ທ່ອງທ່ຽວທາງນໍ້າຕາມແມ່ນໍ້າງື່ມ ແລະ ເສັ້ນທາງສະຖານທີ່ທ່ອງທ່ຽວອື່ນໆໃນອະນາຄົດ; ສຳລັບເສັ້ນທາງ ແລະ ສະຖານທີ່ທ່ອງທ່ຽວຕາມແຄມຝັ່ງແມ່ນໍ້າຂອງລວມມີ: ທ່ຽວຕະຫຼາດສິນລະປິນ, ທ່ຽວຊົມວິຖີຊີວິດກາງຄືນວຽງຈັນ (ຣາຕີວຽງຈັນ), ທ່ຽວຊົມໂຮງລະຄອນວຽງຈັນທາມ, ທ່ຽວຊົມຖະໜົນຄົນຍ່າງອ້ອມຮອບພະທາດຫຼວງວຽງຈັນ ແລະ ເສັ້ນທາງສະຖານທີ່ທ່ອງທ່ຽວອື່ນໆໃນອະນາຄົດ. ກຳນົດມາດຕະຖານສະຖານທີ່ທ່ອງທ່ຽວເອກະຊົນທີ່ຈະໄດ້ເຂົ້າຮ່ວມພັດທະນາໃນໂຄງການ ອອກແບບລົດທົວໄຟຟ້າທີ່ເປັນສັນຍາລັກຂອງຕົວເມືອງນະຄອນຫຼວງວຽງຈັນ ລວມທັງເຮືອໄຟຟ້າແມ່ນໍ້າຂອງ, ລົດເມທ່ອງທ່ຽວ (ໄຟຟ້າ) ແບບເປີດຫຼັງຄາ (ຂະໜາດກາງ-ໃຫຍ່) ພັດທະນາການຕະຫຼາດ ແລະ ປະຊາສຳພັນທີ່ສະໜັບສະໜູນ ແລະ ຮອງຮັບການພັດທະນາການທ່ອງທ່ຽວເຊັ່ນ: ການພັດທະນາລະບົບ Digital Marketing ສໍາລັບການທ່ອງທ່ຽວ ການພັດທະນາລະບົບ Social Listening,ການທ່ອງທຽວ ພັດທະນາລະບົບ Data Analytic ສໍາລັບການທ່ອງທຽ່ວ ພັດທະນາລະບົບ Big Data.ສໍາລັບການທ່ອງທຽ່ວ ພັດທະນາສິ່ງອໍານວຍຄວາມສະດວກໃຫ້ແກ່ນັກທ່ອງທ່ຽວຮອງຮັບການພັດທະນາການທ່ອງທ່ຽວເຊັ່ນ: ການພັດທະນາລະບົບນິເວດທາງທຸລະກິດການທ່ອງທ່ຽວ (Travel Ecosystem) ເພື່ອເຊື່ອມຕໍ່ນັກທ່ອງທ່ຽວແບບ 1:1 ພັດທະນາໂປຣແກຣມຢູ່ມືຖືສໍາລັບບໍລິການນັກທ່ອງທ່ຽວ, ຜູ້ປະກອບການຮ້ານຄ້າ ແລະ ຜູ້ທີ່ກ່ຽວຂ້ອງກັບທຸລະກິດການທ່ອງທ່ຽວ, ພັດທະນານະວັດຕະກຳເພື່ອອຳນວຍຄວາມສະດວກໃຫ້ແກ່ນັກທ່ອງທ່ຽວໃນດ້ານລະບົບການເຂົ້າ-ອອກປະເທດ ບໍລິການນໍາທ່ຽວ, ການບໍລິການຂົນສົ່ງນັກທ່ອງທ່ຽວ, ບໍລິການຮ້ານອາຫານ, ບໍລິການຮ້ານຂາຍສິນຄ້າ ບໍລິການທີ່ພັກ ແລະ ບໍລິການອື່ນໆ, ອອກແບບ ແລະ ກຳນົດມາດຕະຖານການທ່ອງທ່ຽວໃຫ້ມີຄຸນນະພາບລະດັບສາກົນ ແລະ ການນໍາໃຊ້ໂດຍກົງກັບຜູ້ທີ່ກ່ຽວຂ້ອງຕ່າງໆໃນຕ່ອງໂສ້ການດໍາເນີນທຸລະກິດການທ່ອງທ່ຽວ, ພັດທະນາລະບົບຂໍ້ມູນຂ່າວສານການຄຸ້ມຄອງຈາກພາກສ່ວນທີ່ກ່ຽວຂ້ອງເພື່ອກຳນົດມາດຕະຖານ ແລະ ຮັກສາຄຸນນະພາບດ້ານການທ່ອງທຽ່ວຜ່ານລະບົບຂໍ້ມູນຂ່າວສານແບບລວມສູນ (ສູນບັນຊາ ແລະ ຄວບຄຸມນະຄອນຫຼວງວຽງຈັນ ຫຼື Vientiane's Information Operation Center. V-IoC ເພື່ອວິເຄາະ ແລະ ອອກແບບຕາມຄວາມຕ້ອງການດ້ານວິຊາການ (ຮາດແວ ແລະ ຊັອຟແວ) ສໍາລັບໂຄງການພັດທະນານະວັດຕະກຳການທ່ອງທ່ຽວ “ນະຄອນຫຼວງວຽງຈັນ" (Vientiane's Smart Travel) ບົດບັນທຶກຄວາມເຂົ້າໃຈສະບັບນີ້ມີໄລຍະເວລາການຈັດຕັ້ງປະຕິບັດ 6 ເດືອນ.
ຂ່າວ-ພາບ: ຍຸພິນທອງ
ແຫຼ່ງຂ່າວ: ວຽງຈັນໃໝ່
ຄໍາເຫັນ