ວັນທີ 5 ກຸມພາ 2024 ທີ່ຫ້ອງວ່າການແຂວງ ແຂວງເຊກອງ, ທະນາຄານພັດທະນາລາວ (ທພລ) ຈໍາກັດ ສາຂາ ແຂວງເຊກອງ ມອບເງິນສະຫນັບສະຫນູນສະຫະພັນບານເຕະແຂວງເຊກອງ 200 ລ້ານກີບ, ຕາງໜ້າມອບໂດຍທ່ານ ພອນປະເສີດ ຈະເລີນພອນ ຫົວຫນ້າ ທພລ ສາຂາ ແຂວງເຊກອງ ເພື່ອເປັນການສະໜັບສະໜູນ ນັກກິລາ ທີ່ຈະເຂົ້າຮ່ວມງານກິລາແຂ່ງບານເຕະຊາຍ ລຸ້ນອາຍຸບໍ່ເກີນ 23 ປີ ຊິງຂັນປີທ່ອງທ່ຽວຂອງບັນດາແຂວງພາກໃຕ້ ປີ 2024 ຊຶ່ງແຂວງຈໍາປາສັກເປັນເຈົ້າພາບ ໃນລະຫວ່າງວັນທີ 6-12 ກຸມພາ 2024 ແລະ ເພື່ອນໍາໃຊ້ເຂົ້າໃນການພັດທະນາບານເຕະແຂວງເຊກອງ, ຊຶ່ງກ່າວຮັບໂດຍທ່ານ ເຫລັກໄຫລ ສີວິໄລ ເຈົ້າແຂວງເຊກອງ, ມີພາກສ່ວນກ່ຽວຂ້ອງຂອງແຂວງເຂົ້າຮ່ວມ.
ໂອກາດດັ່ງກ່າວ, ທ່ານ ເຫລັກໄຫລ ສີວິໄລ ໄດ້ກ່າວສະແດງຄວາມຊົມເຊີຍ ແລະ ຂອບໃຈມາຍັງທະນາຄານພັດທະນາລາວ ຈໍາກັດ ສາຂາ ແຂວງເຊກອງ ແລະ ຫວັງຢ່າງຍິ່ງວ່າຈະໄດ້ຮັບການຮ່ວມມືຊ່ວຍເຫຼືອຕື່ມອີກໃນຕໍ່ໜ້າ. ພ້ອມຢືນຢັນວ່າຈະນຳໃຊ້ເງິນຈໍານວນດັ່ງກ່າວ ໝູນໃຊ້ເຂົ້າໃນການສະໜັບສະໜູນນັກກິລາ ທີ່ຈະເຂົ້າຮ່ວມແຂ່ງຂັນງານກິລາຄັ້ງນີ້ ກໍຄືນໍາໃຊ້ເຂົ້າໃນການພັດທະນາບານເຕະແຂວງເຊກອງໃຫ້ເກີດປະໂຫຍດສູງສຸດ.
(ຂ່າວ:ພຸດທະສອນ)
ໂອກາດດັ່ງກ່າວ, ທ່ານ ເຫລັກໄຫລ ສີວິໄລ ໄດ້ກ່າວສະແດງຄວາມຊົມເຊີຍ ແລະ ຂອບໃຈມາຍັງທະນາຄານພັດທະນາລາວ ຈໍາກັດ ສາຂາ ແຂວງເຊກອງ ແລະ ຫວັງຢ່າງຍິ່ງວ່າຈະໄດ້ຮັບການຮ່ວມມືຊ່ວຍເຫຼືອຕື່ມອີກໃນຕໍ່ໜ້າ. ພ້ອມຢືນຢັນວ່າຈະນຳໃຊ້ເງິນຈໍານວນດັ່ງກ່າວ ໝູນໃຊ້ເຂົ້າໃນການສະໜັບສະໜູນນັກກິລາ ທີ່ຈະເຂົ້າຮ່ວມແຂ່ງຂັນງານກິລາຄັ້ງນີ້ ກໍຄືນໍາໃຊ້ເຂົ້າໃນການພັດທະນາບານເຕະແຂວງເຊກອງໃຫ້ເກີດປະໂຫຍດສູງສຸດ.
(ຂ່າວ:ພຸດທະສອນ)
ຄໍາເຫັນ