ເລີ່ມຕັ້ງແຕ່ປີງົບປະມານໜ້າຊຶ່ງເປັນສ່ວນໜຶ່ງຂອງຄວາມພະຍາຍາມເພື່ອສ້າງສະພາບແວດລ້ອມທີ່ເອື້ອອຳນວຍຕໍ່ການສ້າງຄວາມດຸ່ນດ່ຽງລະຫວ່າງອາຊີບການງານ ແລະ ການເບິ່ງແຍງເດັກນ້ອຍ.
ທ່ານ ຍູຣິໂກະ ໂຄອິເກະ ເຈົ້າຄອງນະຄອນຫຼວງໂຕກຽວ ເປີດເຜີຍກ່ອນໜ້ານີ້ວ່າ: ແຜນລິເລີ່ມດັ່ງກ່າວອະນຸຍາດໃຫ້ພະນັກງານຂອງເທດສະບານນໍາໃຊ້ລະບົບເຮັດວຽກທີ່ມີຄວາມຍືດຍຸ່ນ ຊຶ່ງຕອບສະໜອງຄວາມຕ້ອງການສ່ວນຕົວຂອງພວກເຂົາໄດ້.
ພາຍໃຕ້ລະບົບການເຮັດວຽກ 4 ມື້, ພະນັກງານລັດທີ່ມີຄຸນສົມບັດຜ່ານເກນຈະສາມາດພັກວຽກເພີ່ມໄດ້ 1 ມື້ຕໍ່ອາທິດ. ໂດຍບໍ່ໄດ້ລວມເອົາຜູ້ທີ່ເຮັດວຽກນອກເວລາຫຼືມີຕໍາແໜ່ງທີ່ຈັດສັນຕາມປີງົບປະມານ.
ປັດຈຸບັນ, ພະນັກງານລັດທີ່ເຮັດວຽກ 155 ຊົ່ວໂມງໃນໄລຍະ 4 ອາທິດສາມາດພັກວຽກເພີ່ມອີກໄດ້ 1 ມື້ໃນໄລຍະດັ່ງກ່າວ. ຖ້າຫາກເລີ່ມນຳໃຊ້ລະບົບໃໝ່ແລ້ວ ຊົ່ວໂມງການເຮັດວຽກທີ່ຈຳເປັນທັງໝົດຈະຍັງຄົງຄືເກົ່າແຕ່ພະນັກງານຈະໄດ້ຮັບອະນຸຍາດໃຫ້ພັກວຽກເພີ່ມໄດ້ 1 ມື້ ພາຍໃນ 1ອາທິດ.
ພາກພື້ນອື່ນໆໃນຍີ່ປຸ່ນເລີ່ມໃຊ້ລະບົບທີ່ຄ້າຍຄືກັນໃນປີນີ້ ເຊັ່ນ: ແຂວງອິບາຣາກິ ແລະ ຊິບະ. ໂດຍແຂວງຊິບະລາຍງານວ່າມີພະນັກງານ 150 ຄົນ ທີ່ໄດ້ຮັບຜົນປະໂຫຍດຈາກລະບົບດັ່ງກ່າວນັບແຕ່ວັນທີ 1 ພະຈິກ ຜ່ານມາ.
ເຈົ້າຄອງນະຄອນໂຄອິເກະ ເນັ້ນໜັກເຖິງຄວາມຈຳເປັນຂອງການປະຕິຮູບເພື່ອໜູນຊ່ວຍແມ່ຍິງສາມາດສືບຕໍ່ເຮັດວຽກໄດ້ ເຖິງວ່າຈະມີການປ່ຽນແປງໃນຊີວິດຂອງເຂົາເຈົ້າເຊັ່ນ: ການເກີດລູກ ແລະ ການລ້ຽງດູລູກ. ໂຄງການນີ້ຍັງມີຈຸດປະສົງເພື່ອເປັນແບບຢ່າງໃຫ້ບັນດາວິສາຫະກິດຢູ່ນະຄອນຫຼວງໂຕກຽວໃຊ້ມາດຕະການທີ່ຄ້າຍຄືກັນ.
ແຜນການດັ່ງກ່າວມີຂຶ້ນຍ້ອນວ່າຈໍານວນການເກີດໃນປະເທດຍີ່ປຸ່ນປີ 2024 ມີທ່າອ່ຽງຫຼຸດລົງຕໍ່າກວ່າ 700,000 ຄົນເປັນຄັ້ງທໍາອິດ. ໂດຍຂໍ້ມູນເປີດເຜີຍວ່າ: ໂຕເລກໃນເຄິ່ງປີທໍາອິດຫຼຸດລົງ 6.3%ຈາກປີກ່ອນ, ຍັງເຫຼືອ 329,998 ຄົນ.
ຄໍາເຫັນ