ທົ່ວປະເທດຄັ້ງທີ VII ພາຍໃຕ້ການເປັນປະທານຂອງທ່ານ ເພັດພິໄຊ ສູນວິໄລ ຮອງເຈົ້າແຂວງໄຊຍະບູລີ, ມີບັນດາຫົວໜ້າ, ຮອງຫົວໜ້າພະແນກການ, ອົງການ, ກົມກອງ, ປະທານຄະນະສະພັນກິລາແຕ່ລະປະເພດ, ພະນັກງານທີ່ກ່ຽວຂ້ອງເຂົ້າຮ່ວມ.
ທ່ານ ຮອງເຈົ້າແຂວງໄຊຍະບູລີ ໄດ້ກ່າວວ່າ: ກອງປະຊຸມຄົ້ນຄວ້າປະເພດກິລາຕ່າງໆເພື່ອເຂົ້າຮ່ວມການແຂ່ງຂັນກິລາມັດທະຍົມສຶກສາທົ່ວປະເທດ ໄດ້ຈັດຂຶ້ນທີ່ແຂວງສາລະວັນ ແລະ ໄດ້ຕົກລົງຮັບເອົາປະເພດກິລາເຂົ້າຮ່ວມ ຈໍານວນ 12 ປະເພດກິລາຄຶ: ບານເຕະ, ບານສົ່ງໃນຮົ່ມ ແລະ ຫາດຊາຍ, ກະຕໍ້, ບານບ້ວງ, ແລ່ນ-ລານ, ປິ່ງປ່ອງ, ໝາກແຫຼ້, ໝາກເສິກ, ໜ້າເກັກ, ເປຕັງ, ເທັກຄວັນໂດ ແລະ ດອກປີກໄກ່. ໃນນີ້, ມີກິລາພາກບັງຄັບ (ແຕ່ລະແຂວງໄດ້ສົ່ງເຂົ້າຮ່ວມແຂ່ງຂັນຄື: ກິລາ ແລ່ນ-ລານ) ແລະ ການເຂົ້າຮ່ວມແຂ່ງຂັນກິລາບານເຕະອາຍຸບໍ່ເກີນ 17 ປີ ທີ່ແຂວງອຸດົມໄຊເປັນເຈົ້າພາບໃນວັນທີ 11-15 ພະຈິກ 2024 ທີ່ຈະມາເຖິງນີ້, ຊຶ່ງແຂວງໄຊຍະບູລີ ແມ່ນໄດ້ຕົກລົງເອົາ 7 ປະເພດກິລາຄື: 1. ບານເຕະຊາຍ, 2. ບານສົ່ງໃນຮົ່ມ-ຫາດຊາຍ (ຍິງ-ຊາຍ), 3. ດອກປີກໄກ່ (ຍິງ-ຊາຍ), 4. ເປຕັງ (ຍິງ-ຊາຍ), 5. ໜ້າເກັກ (ຍິງ-ຊາຍ), 6. ແລ່ນ-ລານ (ຍິງ-ຊາຍ), 7. ໝາກແລ້ (ຍິງ-ຊາຍ), ມີຄະນະນໍາ 5 ທ່ານ, ຄູຝຶກ, ຊ່ວຍຄູຝຶກ 28 ທ່ານ, ນັກກິລາ 7 ປະເພດ 88 ທ່ານ ລວມທັງໝົດ 140 ທ່ານ. ຈາກນັ້ນ ທ່ານ ບຸນເພັງ ມາຖາ ຮອງຫົວໜ້າພະແນກສຶກສາທິການ ແລະ ກິລາ ແຂວງ ໄດ້ລາຍງານການກະກຽມເຂົ້າຮ່ວມແຂ່ງຂັນກິລານັກຮຽນມັດທະຍົມສຶກສາທົ່ວປະເທດຄັ້ງທີ VII ພ້ອມດຽວກັນນີ້ ຜູ້ເຂົ້າຮ່ວມຍັງໄດ້ ປະກອບຄໍາຄິດຄໍາເຫັນເພື່ອໃຫ້ກອງປະຊຸມດັ່ງກ່າວໄດ້ຮັບຜົນຕາມທີ່ວາງໄວ້.
(ຂ່າວ+ພາບ: ຄໍາໝັ້ນ)
ຄໍາເຫັນ