ພາຍຫຼັງຜ່ານພົ້ນຄໍ່າຄືນວັນສົ່ງທ້າຍປີເກົ່າຕ້ອນຮັບໃໝ່ ດ້ວຍການສວດມົນ ແລະ ເຄາະລະຄັງ, ໃນຕອນເຊົ້າຂອງວັນທີ 1 ມັງກອນ, ຊາວຍີ່ປຸ່ນໃນນະຄອນຫຼວງໂຕກຽວ ແລະນັກທ່ອງທ່ຽວຫຼາຍຮ້ອຍຄົນໄດ້ຂຶ້ນໄປທີ່ຈຸດຊົມວີວເທິງຫໍຄອຍໂຕກຽວ ຊຶ່ງເປັນຕຶກທີ່ສູງທີ່ສຸດໃນນະຄອນຫຼວງໂຕກຽວ ທ່າມກາງອາກາດໜາວເຢັນເພື່ອລໍຖ້າເບິ່ງແສງສະຫວ່າງທໍາອິດຂອງປີ ຫຼື ໄລຍະເວລາທີ່ຕາເວັນຂຶ້ນມື້ທໍາອິດຂອງປີ 2025.
ໂດຍທັນທີທີ່ຕາເວັນຂຶ້ນມາທັກທາຍ, ຜູ້ຄົນທີ່ຢືນລໍຖ້າຊົມຢູ່ເທິງດາດຟ້າ SHIBUYA SKY ຊຶ່ງສູງຈາກໜ້າດິນ 229 ແມັດ ຕ່າງກໍສົ່ງສຽງເຊຍ ແລະ ທັກທາຍກັນດ້ວຍຄວາມຍິນດີ. ໂດຍດວງຕາເວັນທໍາອິດຂອງປີນີ້ຂຶ້ນໃນເວລາ 6:43 ໂມງເຊົ້າຕາມເວລາທ້ອງຖິ່ນ.
ທັງນີ້, ສະຖານທີ່ໆສຳຄັນຂອງຍີ່ປຸ່ນ ສ່ວນຫຼາຍຈະປິດກ່ອນເຖິງວັນພັກຍາວ. ໂດຍຕາມວັດ ແລະ ບ້ານເຮືອນຕ່າງໆ ຈະໄດ້ເຮັດຄວາມສະອາດຂະໜາດໃຫຍ່ເພື່ອຕ້ອນຮັບປີໃໝ່ເຊັ່ນດຽວກັນ
ຄໍາເຫັນ