ໂດຍ: ວັນເພັງ
ມື້ຂຶ້ນ 15ຄໍ່າ ເດືອນ 11 ຂອງທຸກໆປີ ແມ່ນວັນບຸນອອກພັນສາປະວໍລະນາ ຢູ່ຕາມວັດວາອາຮາມແຫ່ງຕ່າງໆກໍໄດ້ມີຊາວພຸດສາສະນິກະຊົນຈຳນວນຫຼາຍ ຮ່ວມກັນໄປທຳບຸນໃສ່ບາດ ເພື່ອຖວາຍສັງຄະທານຕ່າງໆແດ່ພະສົງສາມະເນນຢ່າງອີ້ມບຸນອີ້ມໃຈ ແລະ ມີບັນຍາກາດຄືກຄື້ນ ໂດຍສະເພາະ ວັດສີສົມພອນ ໄຊຍະຣາມ (ວັດໂພນທອງ) ບ້ານໂພນທອງ ເມືອງໄຊເສດຖາ ນະຄອນຫຼວງວຽງຈັນ ເປັນໜຶ່ງວັດທີ່ມີຊາວພຸດ ຮ່ວມກັນໄປໃສ່ບາດເປັນຈຳນວນຫຼາຍ.
ບຸນອອກພັນສາປະວໍລະນາເປັນໜຶ່ງຮີດຄອງປະເພນີຂອງຊາວພຸດ ນອນໃນຮີດ 12 ຄອງ 14 ປະເພນີລາວທີ່ເຄີຍປະຕິບັດສືບທອດກັນມາເຖິງປັດຈຸບັນ. ເມື່ອຮອດມື້ຂຶ້ນ 15ຄໍ່າ ເດືອນ 11 ລາວຂອງທຸກໆປີ ໂດຍສະເພາະບັນຍາກາດມື້ອອກພັນສາປະວໍລະນາ ໃນວັນທີ 29 ຕຸລາ 2023 (ມື້ຂຶ້ນ 15ຄໍ່າ ເດືອນ 11 ພ.ສ 2566)ນີ້, ທີ່ວັດໂພນທອງ ມີຊາວພຸດທັງໃກ້ ແລະ ໄກ ເຂົ້າມາທຳບຸນເປັນຈຳນວນຫຼາຍ, ບາງຄົນມາເປັນຄອບຄົວ, ເປັນຄູ່ຮັກ, ໝູ່ເພືອນ ແລະ ອື່ນໆ, ມີການນຸ່ງຖືທີ່ສວຍງາມ, ເປັນລະບຽບຮຽບຮ້ອຍຕາມປະເພນີລາວ, ຜູ້ຍິງນຸ່ງເສື້ອໄໝ, ສິ້ນໄໝ, ບ່ຽງແຜ, ເກົ້າຜົມ, ມັດຜົມຢ່າງສວຍງາມ, ຜູ້ຊາຍກໍນຸ່ງຖືສຸພາບຮຽບຮ້ອຍ. ສໍາລັບກິດຈະກໍາ ມື້ໃສ່ບາດຢູ່ວັດດັ່ງກ່າວນີ້ກໍຄ້າຍຄືກັບຢູ່ວັດອື່ນໆ ມີການໃສ່ບາດຖວາຍທານ ແດ່ພະສົງສາມະເນນ ພາຍໃນວັດ ແລະ ຍັງໄດ້ຮ່ວມຟັງທໍາມະເທສະນາ, ຟັງຄວາມເປັນມາຂອງວັນບຸນອອກພັນສາ ແລະ ໃນຕອນແລງມື້ນີ້ຈະມີການໄຫວ້ພະສູດມົນຈະເລີນ ສະມາທິພາວະນາ ປະຕິບັດທໍາ ບູຊາພະຣັດຕະນະໄຕຣ, ຟັງທຳມະເທສະນາ, ຫຼັກທໍາທີ່ເຮັດໃຫ້ສໍາເລັດດັ່ງຄວາມປາຖະນາທຸກປະການ ແລະ ທຳປະທັກຂິນ, ມີວຽນທຽນອ້ອມພັດທະສີມາ ເພື່ອລະນຶກເຖິງ ແລະ ບູຊາຄຸນພະສໍາມາສໍາພຸດທະເຈົ້າ. ພ້ອມນັ້ນ, ໃນຕອນແລງວັນດຽວກັນນີ້ຢູ່ພາຍໃນເດີນວັດໂພນທອງຈະມີການໄຕ້ໂຄມໄຟຕັ້ງ, ໂຄມໄຟລອຍ ຈຳນວນ 999 ດວງ ຢ່າງສວຍງາມ. ສະນັ້ນ,ຊາວພຸດຈົ່ງຮ່ວມກັນໄປທຳບຸນຮ່ວມຖ່າຍຮູບ, ເກັບພາບງາມໆໄວ້ເປັນທີລະນຶກ.
ແມ່ຕູ້ ນ້ອຍ ແສງອາລຸນ ປະຊາຊົນບ້ານໂພນທອງ ເມືອງໄຊເສດຖາ ນວ ໃຫ້ສຳພາດຕໍ່ສື່ມວນຊົນວ່າ: ແຕ່ລະປີຮອດມື້ອອກພັນສາປະວໍລະນາຈະພາຄອບຄົວ, ລູກຫຼານມາໃສ່ບາດຢູ່ວັດແຫ່ງນີ້ເປັນປະຈຳເພື່ອທຳບຸນ ເພື່ອໃຫ້ຮູ້ຈັກຮີດຄອງປະເພນີລາວບໍ່ວ່າເປັນເປັນພິທີການທາງສາສະໜາຂອງການໃສ່ບາດ, ການນຸ່ງຖື ແລະ ອື່ນໆ.
ໃນຂະນະດຽວກັນນັ້ນ, ທ່ານ ນາງຕຽງແກ້ວ ແດນບຸບຜາ ປະຊາຊົນບ້ານໂພນທອງ ຍັງໃຫ້ສຳພາດວ່າ: ທຸກໆປີ ຮອດມື້ອອກພັນສາປະວໍລະນາ ໄດ້ພາຄອບຄົວມາໃສ່ບາດ ແລະ ມາເຮັດໂຮງທານເປັນປະຈຳ ມື້ນີ້ກໍໄດ້ນຳເຝີ ຈຳນວນ 25 ກິໂລກຼາມ ມາເຮັດໂຮງທານຢູ່ວັດແຫ່ງນີ້ ຮູ້ສຶກວ່າອີ້ມບຸນອີ້ມໃຈຫຼາຍ ແລະ ອອກພັນສາແລ້ວ ຢາກໃຫ້ທຸກຄົນໃນສັງຄົມສືບຕໍ່ຕັ້ງໝັ້ນຢູ່ໃນສິນ, ກິນໃນທຳ, ຮັກສາຮີດຄອງປະເພນີອັນດີງາມຂອງລາວໃຫ້ຢູ່ຄູ່ກັບຄົນລາວເຮົາຕະຫຼອດໄປ. ການເດີນທາງໄປ-ມາທ່ຽວຫຼິ້ນໃຫ້ມີສະຕິ, ຄອຍໄປຄອຍມາ, ກິນດື່ມໃຫ້ພໍດີງາມ ເພື່ອຫຼີກເວັ້ນອຸບັດເຫດ, ທ່ຽວຫຼິ້ນຢ່າງປອດໄພ ແລະ ໃຫ້ມີຄວາມມ່ວນຊື່ນໂຊກດີ.
ມື້ຂຶ້ນ 15ຄໍ່າ ເດືອນ 11 ຂອງທຸກໆປີ ແມ່ນວັນບຸນອອກພັນສາປະວໍລະນາ ຢູ່ຕາມວັດວາອາຮາມແຫ່ງຕ່າງໆກໍໄດ້ມີຊາວພຸດສາສະນິກະຊົນຈຳນວນຫຼາຍ ຮ່ວມກັນໄປທຳບຸນໃສ່ບາດ ເພື່ອຖວາຍສັງຄະທານຕ່າງໆແດ່ພະສົງສາມະເນນຢ່າງອີ້ມບຸນອີ້ມໃຈ ແລະ ມີບັນຍາກາດຄືກຄື້ນ ໂດຍສະເພາະ ວັດສີສົມພອນ ໄຊຍະຣາມ (ວັດໂພນທອງ) ບ້ານໂພນທອງ ເມືອງໄຊເສດຖາ ນະຄອນຫຼວງວຽງຈັນ ເປັນໜຶ່ງວັດທີ່ມີຊາວພຸດ ຮ່ວມກັນໄປໃສ່ບາດເປັນຈຳນວນຫຼາຍ.
ບຸນອອກພັນສາປະວໍລະນາເປັນໜຶ່ງຮີດຄອງປະເພນີຂອງຊາວພຸດ ນອນໃນຮີດ 12 ຄອງ 14 ປະເພນີລາວທີ່ເຄີຍປະຕິບັດສືບທອດກັນມາເຖິງປັດຈຸບັນ. ເມື່ອຮອດມື້ຂຶ້ນ 15ຄໍ່າ ເດືອນ 11 ລາວຂອງທຸກໆປີ ໂດຍສະເພາະບັນຍາກາດມື້ອອກພັນສາປະວໍລະນາ ໃນວັນທີ 29 ຕຸລາ 2023 (ມື້ຂຶ້ນ 15ຄໍ່າ ເດືອນ 11 ພ.ສ 2566)ນີ້, ທີ່ວັດໂພນທອງ ມີຊາວພຸດທັງໃກ້ ແລະ ໄກ ເຂົ້າມາທຳບຸນເປັນຈຳນວນຫຼາຍ, ບາງຄົນມາເປັນຄອບຄົວ, ເປັນຄູ່ຮັກ, ໝູ່ເພືອນ ແລະ ອື່ນໆ, ມີການນຸ່ງຖືທີ່ສວຍງາມ, ເປັນລະບຽບຮຽບຮ້ອຍຕາມປະເພນີລາວ, ຜູ້ຍິງນຸ່ງເສື້ອໄໝ, ສິ້ນໄໝ, ບ່ຽງແຜ, ເກົ້າຜົມ, ມັດຜົມຢ່າງສວຍງາມ, ຜູ້ຊາຍກໍນຸ່ງຖືສຸພາບຮຽບຮ້ອຍ. ສໍາລັບກິດຈະກໍາ ມື້ໃສ່ບາດຢູ່ວັດດັ່ງກ່າວນີ້ກໍຄ້າຍຄືກັບຢູ່ວັດອື່ນໆ ມີການໃສ່ບາດຖວາຍທານ ແດ່ພະສົງສາມະເນນ ພາຍໃນວັດ ແລະ ຍັງໄດ້ຮ່ວມຟັງທໍາມະເທສະນາ, ຟັງຄວາມເປັນມາຂອງວັນບຸນອອກພັນສາ ແລະ ໃນຕອນແລງມື້ນີ້ຈະມີການໄຫວ້ພະສູດມົນຈະເລີນ ສະມາທິພາວະນາ ປະຕິບັດທໍາ ບູຊາພະຣັດຕະນະໄຕຣ, ຟັງທຳມະເທສະນາ, ຫຼັກທໍາທີ່ເຮັດໃຫ້ສໍາເລັດດັ່ງຄວາມປາຖະນາທຸກປະການ ແລະ ທຳປະທັກຂິນ, ມີວຽນທຽນອ້ອມພັດທະສີມາ ເພື່ອລະນຶກເຖິງ ແລະ ບູຊາຄຸນພະສໍາມາສໍາພຸດທະເຈົ້າ. ພ້ອມນັ້ນ, ໃນຕອນແລງວັນດຽວກັນນີ້ຢູ່ພາຍໃນເດີນວັດໂພນທອງຈະມີການໄຕ້ໂຄມໄຟຕັ້ງ, ໂຄມໄຟລອຍ ຈຳນວນ 999 ດວງ ຢ່າງສວຍງາມ. ສະນັ້ນ,ຊາວພຸດຈົ່ງຮ່ວມກັນໄປທຳບຸນຮ່ວມຖ່າຍຮູບ, ເກັບພາບງາມໆໄວ້ເປັນທີລະນຶກ.
ແມ່ຕູ້ ນ້ອຍ ແສງອາລຸນ ປະຊາຊົນບ້ານໂພນທອງ ເມືອງໄຊເສດຖາ ນວ ໃຫ້ສຳພາດຕໍ່ສື່ມວນຊົນວ່າ: ແຕ່ລະປີຮອດມື້ອອກພັນສາປະວໍລະນາຈະພາຄອບຄົວ, ລູກຫຼານມາໃສ່ບາດຢູ່ວັດແຫ່ງນີ້ເປັນປະຈຳເພື່ອທຳບຸນ ເພື່ອໃຫ້ຮູ້ຈັກຮີດຄອງປະເພນີລາວບໍ່ວ່າເປັນເປັນພິທີການທາງສາສະໜາຂອງການໃສ່ບາດ, ການນຸ່ງຖື ແລະ ອື່ນໆ.
ໃນຂະນະດຽວກັນນັ້ນ, ທ່ານ ນາງຕຽງແກ້ວ ແດນບຸບຜາ ປະຊາຊົນບ້ານໂພນທອງ ຍັງໃຫ້ສຳພາດວ່າ: ທຸກໆປີ ຮອດມື້ອອກພັນສາປະວໍລະນາ ໄດ້ພາຄອບຄົວມາໃສ່ບາດ ແລະ ມາເຮັດໂຮງທານເປັນປະຈຳ ມື້ນີ້ກໍໄດ້ນຳເຝີ ຈຳນວນ 25 ກິໂລກຼາມ ມາເຮັດໂຮງທານຢູ່ວັດແຫ່ງນີ້ ຮູ້ສຶກວ່າອີ້ມບຸນອີ້ມໃຈຫຼາຍ ແລະ ອອກພັນສາແລ້ວ ຢາກໃຫ້ທຸກຄົນໃນສັງຄົມສືບຕໍ່ຕັ້ງໝັ້ນຢູ່ໃນສິນ, ກິນໃນທຳ, ຮັກສາຮີດຄອງປະເພນີອັນດີງາມຂອງລາວໃຫ້ຢູ່ຄູ່ກັບຄົນລາວເຮົາຕະຫຼອດໄປ. ການເດີນທາງໄປ-ມາທ່ຽວຫຼິ້ນໃຫ້ມີສະຕິ, ຄອຍໄປຄອຍມາ, ກິນດື່ມໃຫ້ພໍດີງາມ ເພື່ອຫຼີກເວັ້ນອຸບັດເຫດ, ທ່ຽວຫຼິ້ນຢ່າງປອດໄພ ແລະ ໃຫ້ມີຄວາມມ່ວນຊື່ນໂຊກດີ.
ຄໍາເຫັນ