 |
ໂດຍການເປັນປະທານຂອງທ່ານ ພົນຈັດຕະວາ ໂຮ ຊອງເອິນ ຄະນະປະຈຳພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງ ກວ່າງງາຍ, ມີ ທ່ານ ພົນຈັດຕະວາ ສັກສິດ ສີພັນດວງ ຄະນະປະຈຳພັກ ແຂວງຫົວໜ້າກອງບັນຊາການ ປກສ ແຂວງອັດ ຕະປື, ທ່ານ ພົນຈັດຕະວາ ຄຳບານ ພົມມະນີວົງ ກຳມະການພັກແຂວງ ຫົວໜ້າກອງບັນຊາການ ປກສ ແຂວງເຊກອງ ແລະ ທ່ານ ພົນຈັດຕະວາ ບຸນອຽງ ພັນວົງສາ ຄະນະປະຈຳພັກແຂວງ ຫົວໜ້າກອງບັນຊານ ປກສ ຈຳປາສັກ ພ້ອມດ້ວຍຄະນະທັງ 4 ແຂວງ ເຂົ້າຮ່ວມ.
ໃນໄລຍະຜ່ານມາ, ຫົວໜ້າກອງບັນຊາການ 2 ປະ ເທດ 4 ແຂວງ ກວາງງາຍ, ອັດຕະປື,ເຊກອງ ແລະແຂວງຈຳປາສັກ, ໄດ້ຈັດຕັ້ງປະຕິບັດຕາມເນື້ອໃນການຮ່ວມມືຄັ້ງນີ້ເປັນຄັ້ງທຳອິດບົດບັນທຶກຊ່ວຍຈຳທີ່ໄດ້ລົງນາມ ໂດຍໃຫ້ ຮູ້ວ່າ: ກໍໄດ້ວາງທິດທາງແຜນການ ວິທີການຈັດຕັ້ງປະຕິ ບັດວຽກງານ ພ້ອມສືບຕໍ່ຮ່ວມມືປະສານງານ, ພົວພັນແລກ ປ່ຽນຂໍ້ມູນຂ່າວສານບັນດາເປົ້າຫມາຍຕ່າງໆ ເພື່ອຮັບປະ ກັນຄວາມເປັນລະບຽບຮຽບຮ້ອຍ ລະຫວ່າງ ສອງປະເທດ ຫວຽດນາມ-ລາວ.
ໂອກາດດຽວກັນນັ້ນ, ພາຍຫຼັງງທີ່ແລກປ່ຽນວຽກງານທີ່ປະຕິບັດມາໄດ້ ກໍໄດ້ຖືໂອກາດຢື້ຢາມຖາມຂ່າວ ທັງສອງຝ່າຍ ສະແດງໃຫ້ເຫັນເຖິງ ສາຍພົວພັນມິດຕະພາບ, ຄວາມສາມັກຄີພິດສດ ແລະ ການຮ່ວມມືຮອບດ້ານລະ ຫວ່າງ ລາວຫວຽດນາມ ເວົ້າລວມ, 4 ກອງບັນຊາການ ກໍໄດ້ປະຕິບັດຂໍ້ຕົກລົງລະຫວ່າງລັດຖະບານ ຫວຽດນາມ ແລະ ລາວ ການຮັກສາສະຖຽນນະພາບທາງດ້ານການເມືອງໃຫ້ມີຄວາມສະຫງົບ ແລະ ເປັນບະບຽບຮຽບຮ້ອຍຢ່າງປົກກະຕິ ໄດ້ລາຍງານກາປະຕິບັດ ວຽກງານຄວາມສະຫງົບ ປະຈຳປີ 2026ຄັ້ງທີ່ l ໃນຄັ້ງນີ້ ດ້ານວຽກງານການຮ່ວມມືຕີລາຄາສະພາບຄວາມສະຫງົບ, ຄວາມເປັນລະບຽບຮຽບຮ້ອຍຢູ່ພາຍໃນແຂວງ,ເຂດຊາຍແດນ,ແຂວງ ຫວ່າງງາຍ,ເຊກອງ-ອັດຕະປື ແລະ ແຂວງຈຳປາສັກ ແມ່ນມີຄວາມສະຫງົບໂດຍພື້ນຖານ, ໄດ້ສ້າງເງື່ອນໄຂອໍານວຍຄວາມສະດວກໃຫ້ແກ່ການພັດທະນາເສດຖະກິດ-ສັງ ຄົມ ຂອງແຕ່ລະຝ່າຍ,ແມ່ນປະຕິບັດວຽກງານປະສານສົມທົບ ແລະ ແລກປ່ຽນຂໍ້ມູນຂ່າວສານຕ່າງໆ ທີ່ພົວພັນເຖິງຄວາມສະຫງົບ ເປັນຕົ້ນ ແມ່ນກົນອຸບາຍ, ເລ່ລ່ຽມ, ການເຄື່ອນ ໄຫວຕໍ່ຕ້ານຂອງພວກ ອິດທິປໍລະປັກ, ພວກນັກສຶບສອດແນມບັນດາການຈັດຕັ້ງສາກົນ (NGO) ແລະ ກຸ່ມຄົນບໍ່ດີອື່ນໆ ກໍາລັງພວກປະຕິການພັດຖິ່ນ, ພວກເປົ້າໝາຍຕໍ່ຕ້ານທາງການເມືອງ, ພ້ອມກັນຮ່ວມມື ແກ້ໄຂເຫດການທີ່ພົວ ພັນເຖິງຄວາມບໍ່ສະຫງົບ, ຄວາມບໍ່ເປັນລະບຽບຮຽບຮ້ອຍຢູ່ພາຍໃນ ແຂວງ ແລະ ພື້ນທີ່ເຂດຊາຍແດນຂອງຕົນໄດ້ເປັນຢ່າງດີ, ທັງ 2 ຝ່າຍ 4 ແຂວງເປັນເຈົ້າການກວດກາ, ການເຄື່ອນໄຫວຂອງບັນດາອາຊະຍາກຳຂ້າມຊາດ ປະເພດຕ່າງໆເຊັ່ນ: ການຄ້າ-ຂາຍເຖື່ອນ, ການລັກລອບເຄື່ອງປ່າຂອງດົງ, ຊັບພະຍາກອນທຳມະຊາດ, ການເຄື່ອນຍ້າຍຢາເສບຕິດທີ່ຜິດກົດໝາຍຜ່ານຊາຍແດນ ແລະອື່ນໆຢ່າງເຂັ້ມງວດ, ເພີ່ມທະວີຊີ້ນໍາບັນດາກົມກອງ, ຫ້ອງວິຊາສະເພາະດ່ານຊາຍແດນ ແລະ ກອງບັນຊາການ ປກສ ເມືອງ ທີ່ມີຊາຍແດນຕິດຈອດກັບແຂວງກວ່າງງາຍ,ເປັນເຈົ້າການໃນການຄຸ້ມຄອງກວດກາ ການເຄື່ອນໄຫວເຂົ້າ-ອອກ, ຂ້າມຜ່ານຊາຍແດນຢ່າງເປັນປົກກະຕິ.
ໃນກອງປະຊຸມ, ກໍໄດ້ຮັບຟັງ ການລາຍງານສະພາບການຕ່າງໆຂອງ ກອງບັນຊາການ ປກສ ກວ່າງງາຍ ແລະ ກອງບັນຊາການ ປກສ ແຂວງອັດຕະປື,ເຊກອງ ແລະ ແຂວງຈຳປາສັກ, ໄດ້ປະກອບຄຳຄິດຄຳເຫັນຕ່າງໆ. ພ້ອມດຽວກັນນັ້ນກໍ, ທ່ານ ຫົວໜ້າກອງບັນຊາການ ປກສ ແຂວງກວາງງາຍ ແລະ ທ່ານຫົວໜ້າກອງບັນຊາການ ປກສ ແຂວງອັດຕະປື,ເຊກອງ ແລະແຂວງຈຳປາສັກ ລົງນາມເຊັນບົດບັນທຶກຊ່ວຍຈຳຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍ ໃນນັ້ນທັງ 4 ແຂວງກໍ່ໄດ້ລົງນາມເຊັນບົດບັນທຶກຊ່ວຍຈຳຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍ ປະຈຳປີ2026ຄັ້ງທີ່ l . ຂ່າວ-ພາບ: ປກສ ແຂວງເຊກອງ
ຄໍາເຫັນ