 |
ທ່ານ ພັອ ເຈິ່ນ ຕ໋ຽນ ຮຽນ ກ່າວວ່າ: ການເດີນທາງມາເຄື່ອນໄຫວວຽກງານຢູ່ແຂວງເຊກອງໃນຄັ້ງນີ້, ເພື່ອເຂົ້າຮ່ວມກອງປະຊຸມພົບປະແລກປ່ຽນບົດຮຽນ ປະຈຳປີ 2026 ລະຫວ່າງ ກອງບັນຊາການປ້ອງກັນຄວາມສະຫງົບແຂວງເຊກອງ ແລະ ກອງບັນຊາການທະຫານຊາຍແດນ ນະຄອນເຫ້ວ ທີ່ຈະຈັດຂຶ້ນໃນໄວໆນີ້ ເພື່ອທົບທວນຄືນການພົວພັນຮ່ວມມືໃນຫຼາຍວຽກງານຢູ່ລຽບຕາມຂອບເຂດຊາຍແດນ.
 |
ໂອກາດນີ້, ທ່ານ ບຸນຫຼາຍ ບຸດທິ ໄດ້ຕີລາຄາສູງຕໍ່ການຮ່ວມມື ລະຫວ່າງ ລາວ-ຫວຽດນາມ ເວົ້າສະເພາະ ກໍແມ່ນນະຄອນດານັງ ແລະ ນະຄອນເຫວ້ ໃນວຽກງານປ້ອງກັນ ແລະ ຮັກສາຄວາມສະຫງົບຕາມເຂດຊາຍແດນ ເປັນການຮັກສາສະຖຽນລະພາບທາງດ້ານການເມືອງ, ຄວາມເປັນລະບຽບຮຽບຮ້ອຍ ແລະ ຄວາມປອດໄພທາງສັງຄົມ; ພ້ອມກັນຕ້ານ ແລະ ສະກັດກັ້ນ ການຄ້າຂາຍເຖື່ອນ, ການສໍ້ໂກງທາງດ້ານການຄ້າ ສະກັດກັ້ນການຍົກຍ້າຍພູມລຳເນົາຕາມລໍາພັງໃຈ, ການເຂົ້າ-ອອກເມືອງທີ່ບໍ່ໄດ້ຮັບອະນຸຍາດ ຊຶ່ງຕະຫຼອດໄລຍະຜ່ານມາ, ເຫັນໄດ້ວ່າ ໃນດ້ານວຽກງານຕ່າງໆ ກ່ຽວກັບການຮັກສາຄວາມສະຫງົບທາງດ້ານຊາຍແດນ ໄດ້ຈັດຕັ້ງປະຕິບັດໄປຕາມແຜນການຮ່ວມມື ແລະ ມີຜົນສໍາເລັດຕາມລະດັບຄາດໝາຍ. ທັງນີ້, ກໍຍ້ອນຄວາມເປັນເຈົ້າການ ແລະ ການຮ່ວມມື ລະຫວ່າງ ກອງບັນຊາການປ້ອງກັນຄວາມສະຫງົບແຂວງເຊກອງ, ກອງບັນຊາການທະຫານຊາຍແດນນະຄອນດານັງ ແລະ ກອງບັນຊາການທະຫານຊາຍແດນ ນະຄອນເຫວ້ ສສ ຫວຽດນາມ.
ຂ່າວ: ພຸດທະສອນ
ຄໍາເຫັນ