(ເນື້ອທີ່ລວມທັງໝົດ 3,358.20 ເຮັກຕາ). ມາຮອດປັດຈຸບັນຊາວກະສິກອນໃນທົ່ວເມືອງ ແມ່ນກໍາລັງສຸມໃສ່ການເກັບກ່ຽວມ້ຽນມັດເຂົ້ານາປີເປັນຂະບວນຟົດຟື້ນ ເພື່ອເຮັດໃຫ້ທ່ວງທັນກັບລະດູການ ທັງຮັບປະກັນໄດ້ຕໍ່ການເກັບກ່ຽວໃຫ້ທັນກັບລະດູການ. ອີງຕາມການໃຫ້ຂໍ້ມູນຈາກ: ໜ່ວຍງານປູກຟັງ ຫ້ອງການກະສິກຳ ແລະ ປ່າໄມ້ເມືອງ ໃຫ້ຮູ້ໃນວັນທີ 6 ພະຈິກຜ່ານມານີ້ວ່າ: ການປູກເຂົານາປີນີ້ ທົ່ວເມືອງຊຽງຮ່ອນ ມີແຜນການປູກເຂົ້າທັງໝົດໃນເນື້ອທີ່ 3,358.2 ເຮັກຕາ, ເນື້ອທີ່ປູກຕົວຈິງ 2,854 ເຮັກຕາ ສະມັດຕະພາບ 4.25 ຫາ 4.50 ໂຕນ/ເຮັກຕາ, ຄາດຄະເນຜົນຜະລິດ 12,000 ກວ່າໂຕນ, ໂດຍໃຊ້ແນວພັນປັບປຸງ ແລະ ເຂົ້າພື້ນເມືອງຈໍານວນໜຶ່ງ ສ່ວນໃຫຍ່ແມ່ນເຂົ້າໜຽວ ແລະ ເຂົ້າຈ້າວມີຈໍານວນໜຶ່ງ, ປະເພດແນວພັນເຂົ້າທີ່ຊາວກະສິກອນນິຍົມປູກຫຼາຍແມ່ນ ເຂົ້າຖິ່ນແກ້ວ 17, ເຂົ້າຫອມເຊໂນ, ເຂົ້າທ່າດອກຄໍາ ແລະ ເຂົ້າດໍຂາວ. ຄາດວ່າການເກັບກ່ຽວເຂົ້ານາປີຈະໃຫ້ສໍາເລັດໃນທ້າຍເດືອນພະຈິກນີ້. ພ້ອມດຽວກັນນັ້ນທາງຫ້ອງການກະສິກໍາ ແລະ ປ່າໄມ້ເມືອງຊຽງຮ່ອນ ກໍ່ຈະໄດ້ກຽມຊຸກຍູ້ປະຊາຊົນສຸມໃສ່ການຜະລິດລະດູແລ້ງ, ປູກພືດຜັກອື່ນໆໃນເຂດທີ່ມີເງື່ອນໄຂ ແລະ ສົ່ງເສີມນັກທຸລະກິດທັງພາຍໃນ ແລະ ຕ່າງປະເພດເຂົ້າມາປູກພືດເສດຖະກິດເປັນສິນຄ້າຕື່ມອີກ ໃຫ້ເປັນຂະບວນກວ້າງຂວາງ ເພື່ອຕອບສະໜອງຄວາມຕ້ອງການພືດສະບຽງອາຫານຂອງຜູ້ບໍລິໂພກ ແລະ ຜະລິດເປັນສິນຄ້າ.
(ຂ່າ: ຖວທ ເມືອງຊຽງຮ່ອນ)
ຄໍາເຫັນ