 |
ການຝຶກຊ້ອມຫັດແອບຮ່ວມກັນພາຍໃຕ້ລະຫັດ “ຂະບວນລົດໄຟສັນຕິພາບ 2026” ຄັ້ງນີ້, ຈັດຂຶ້ນເປັນຄັ້ງທີ 6 ຊຶ່ງຈະໃຊ້ເວລາທັງໝົດ 16 ວັນ ມາຮອດປັດຈຸບັນດ້ານການກະກຽມໄດ້ມີຄວາມພ້ອມຮອບດ້ານແລ້ວ ສຳ ລັບແຜນການເຄື່ອນໄຫວຕົ້ນຕໍ ວັນທີ 7 ກັນຍາ 2026 (ຕອນເຊົ້າ) ຈັດພິທີເປີດຢ່າງເປັນທາງການຢູ່ສະໂມສອນກົມໃຫຍ່ພະລາທິການກອງທັບ, ຕອນບ່າຍດຳເນີນການຝຶກຊ້ອມຕົວຈິງຢູ່ສະໜາມຈຳລອງດົງໂພສີ ເມືອງຫາດຊາຍຟອງ ນະຄອນຫຼວງວຽງຈັນ.
 |
ພາຍຫຼັງສຳເລັດການຝຶກຊ້ອມ, ໜ່ວຍງານແພດຈະລົງເຄື່ອນໄຫວ ໂຄງການກວດ-ປິ່ນປົວພະຍາດ ແລະ ບໍລິການດ້ານການແພດໂດຍບໍ່ເສຍຄ່າໃຫ້ສັງຄົມຢູ່ໂຮງໝໍສູນກາງ 103 ກອງທັບ, ໂຮງໝໍບໍລິເວນ 106 ກອງທັບ (ແຂວງຄໍາມ່ວນ), ໂຮງໝໍບໍລິເວນ 109 ກອງທັບ (ແຂວງຫຼວງພະບາງ) ແລະ ແຂວງອັດຕະປື.
 |
ຂ່າວ: ວາລະສານກອງທັບ
ຄໍາເຫັນ