 |
ການຊ້ອມຮົບຮ່ວມ ໃນຄັ້ງນີ້ ເພື່ອຍົກສູງລະດັບຂີດຄວາມສາມາດ ການປະສານສົມທົບ ໃນການຕ້ານ, ສະກັດກັ້ນ ແລະ ແກ້ໄຂບັນດາປະກົດການຫຍໍ້ທໍ້ຕ່າງໆ ຕາມຊາຍແດນ ລາວ-ຫວຽດນາມ ເວົ້າລວມ, ເວົ້າສະເພາະ ການສະກັດກັ້ນ, ຈັບກຸມອາຊະຍາກໍາ ຊື້ຂາຍ, ຂົນສົ່ງຢາເສດຕິດ ມີອາວຸດຂ້າມຊາຍແດນ ແລະ ທັງເປັນການຮັດແໜ້ນຄວາມສາມັກຄີມູນເຊື້ອພິເສດ ລາວ-ຫວຽດນາມ.
 |
ໂອກາດນີ້, ສະຫາຍ ພັນເອກ ສັກສິດ ພິຈິດ ໄດ້ໃຫ້ຮູ້ວ່າ: ຜ່ານການຊ້ອມຮົບຮ່ວມຕົວຈິງ ຂອງກຳລັງທັງສອງຝ່າຍ ສາມາດບັນລຸໄດ້ຕາມຈຸດປະສົງ, ຄາດໝາຍທີ່ວາງໄວ້ ແລະ ທັງເປັນບົດຮຽນອັນລໍ້າຄ່າ ໃນການປັບປຸງກໍ່ສ້າງກຳລັງຄຸ້ມຄອງ, ປ້ອງກັນຊາຍແດນ ຂອງສອງປະເທດ ໃຫ້ມີຄວາມເຂັ້ມແຂງ ສາມາດປົກປັກຮັກສາຄວາມໝັ້ນຄົງ ແລະ ຄວາມສະຫງົບປອດໄພ ຕາມບໍລິເວນຊາຍແດນ ຂອງສອງປະເທດ, ສ້າງຊາຍແດນ ໃຫ້ເປັນຊາຍແດນແຫ່ງສັນຕິພາບ, ມິດຕະພາບ, ຮ່ວມມື ແລະ ພັດທະນາແບບຍືນຍົງ.ຂ່າວ: ນາງ ອານຸພອນ
ຄໍາເຫັນ