ຂ່າວລະບຸວ່າ: ພື້ນຖານເສດຖະກິດທີ່ໃຫຍ່ທີ່ສຸດຂອງເອີຣົບໃນປັດຈຸບັນມີຕຳແໜ່ງງານວ່າງ 1,34 ລ້ານຕຳແໜ່ງ ຊຶ່ງສະທ້ອນໃຫ້ເຫັນເຖິງການຂາດແຄນແຮງງານທີ່ຮ້າຍແຮງໃນຊຸມປີມໍ່ໆມານີ້. ຫຼັງຈາກນຳໃຊ້ລະບົບຄະແນນພິຈາລະນາສິດໃນການຂໍວີຊາທີ່ຄ້າຍຄືກັບບາງປະເທດ ເຊັ່ນ: ການາດາ, ລັດຖະບານ ເຢຍລະມັນ ຄາດວ່າຈະອອກວີຊາວິຊາຊີບປະມານ 200,000 ຄົນ ໃນປີ 2024. ວີຊານັກສຶກສາຈາກບັນດາປະເທດນອກສະຫະພາບເອີຣົບ (ອີຢູ) ເພີ່ມຂຶ້ນ 20%, ຈໍານວນວີຊາຝຶກອາຊີບກໍເພີ່ມຂຶ້ນສອງເທົ່າ, ໃນຂະນະທີ່ຈໍານວນໃບຢັ້ງຢືນຕ່າງປະເທດທີ່ໄດ້ຮັບການຍອມຮັບໃນເຢຍລະມັນກໍເພີ່ມຂຶ້ນເກືອບ 50%.
ທ່ານ ແນນຊີ ຟາເຊີ ລັດຖະມົນຕີກະຊວງພາຍໃນ ເຢຍລະມັນ ຢືນຢັນວ່າ: ເຢຍລະມັນ ພວມພະຍາຍາມເພື່ອດຶງດູດແຮງງານທີ່ມີຄວາມຊຳນານ ແລະ ນັກຊ່ຽວຊານ ຊຶ່ງແມ່ນສິ່ງຈຳເປັນສຳລັບພື້ນຖານເສດຖະກິດ. ໃນສະພາບການທີ່ປະຊາກອນຜູ້ອາຍຸສູງຂອງ ເຢຍລະມັນ ເພີ່ມຂຶ້ນຢ່າງຫຼວງຫຼາຍ, ໃນແຕ່ລະປີພື້ນຖານເສດຖະກິດ ເຢຍລະມັນ ຂາດແຄນແຮງງານປະມານ 400,000 ຄົນ, ການຂາດແຄນທີ່ໃຫຍ່ທີ່ສຸດແມ່ນດ້ານການເບິ່ງແຍງສຸຂະພາບ, ການບໍລິການແລະ ເຕັກໂນໂລຊີ.
ຄໍາເຫັນ