4 ເດືອນຕົ້ນປີ, ກຳປູເຈຍ ສ້າງລາຍຮັບຈາກການຂາຍປີ້ເຂົ້າທ່ຽວຊົມອັງກໍວັດ ໄດ້ 22.2 ລ້ານໂດລາ

4 ເດືອນຕົ້ນປີ, ກຳປູເຈຍ ສ້າງລາຍຮັບຈາກການຂາຍປີ້ເຂົ້າທ່ຽວຊົມອັງກໍວັດ ໄດ້ 22.2 ລ້ານໂດລາ

13:37 14/05/2025

ຂ່າວຕ່າງປະເທດລາຍງານ ໃນວັນທີ 13 ພຶດສະພາ ຜ່ານມາວ່າ: ຈຳນວນນັກທ່ອງທ່ຽວຈີນທີ່ໄປທ່ຽວຊົມອຸທິຍານບູຮານນະຄະດີອັງກໍ ຫຼື ອັງກໍວັດ ໃນໄລຍະເດືອນມັງກອນ ຫາ ເດືອນເມສາ ຜ່ານມາ ມີ 36,368 ຄົນ, ເພີ່ມຂຶ້ນ 29% ເມື່ອທຽບໃສ່ປີກາຍ. ໂດຍຈີນແມ່ນນັກທ່ອງທ່ຽວຂະໜາດໃຫຍ່ທີ່ສຸດອັນດັບ 4 ທີ່ມາທ່ຽວອັງກໍວັດ, ຖັດຈາກສະຫະລັດ ອາເມຣິກາ, ຝຣັ່ງ ແລະ ອັງກິດ.

ລັດວິສາຫະກິດ ອັງກໍ ຂອງກໍາປູເຈຍ ລະບຸວ່າ: ຈໍານວນນັກທ່ອງທ່ຽວຕ່າງປະເທດທີ່ມາທ່ຽວຊົມອັງກໍວັດໃນ 4 ເດືອນຕົ້ນປີ, ມີທັງໝົດປະມານ 474.810 ຄົນ ຊຶ່ງມາຈາກ 171 ປະເທດ ແລະ ພາກພື້ນ. ໂດຍສ້າງລາຍຮັບຈາກການຂາຍປີ້ເຂົ້າທ່ຽວຊົມໄດ້ 22.2 ລ້ານໂດລາ.

ທັງນີ້, ປີ 2025 ໄດ້ຖືກກຳນົດເປັນປີທ່ອງທ່ຽວກຳປູເຈຍ-ຈີນ ແລະ ຄາດວ່າຈຳນວນນັກທ່ອງທ່ຽວຈີນທີ່ມາທ່ຽວຊົມອັງກໍວັດຈະເພີ່ມຂຶ້ນຢ່າງຫຼວງຫຼາຍດ້ວຍຜົນປະໂຫຍດຂອງການຮ່ວມມືສອງຝ່າຍ, ໂຄງການປະຊາສຳພັນ ແລະ ການເຂົ້າເຖິງຫຼາຍຂຶ້ນໂດຍຜ່ານຖ້ຽວບິນໂດຍກົງ ແລະ ການທ່ອງທ່ຽວແບບເປັນກຸ່ມ.

ຄໍາເຫັນ

ຂ່າວຕ່າງປະເທດ

ມາດຕະການເພີ່ມພາສີຂອງ ສະຫະລັດ ອາເມຣິກາ ເປັນໄພຂົ່ມຂູ່ຕໍ່ການຄ້າທົ່ວໂລກ

14/05/2025 13:41

ຂ່າວສານຊີອາໄອລາຍງານວ່າ: ໃນວັນທີ 13 ພຶດສະພາ ຜ່ານມາ, ທ່ານນາງ ເອັນໂກຊີ ໂອຄອນໂຈ ອີເວລາ ຜູ້ອຳນວຍການໃຫຍ່ອົງການການຄ້າໂລກ ຫຼື WTO ໄດ້ກ່າວຢູ່ນະຄອນຫຼວງໂຕກຽວ ປະເທດຍີ່ປຸ່ນ ວ່າ: ມາດຕະການເພີ່ມພາສີຂອງ ສະຫະລັດ ອາເມຣິກາ ເປັນໄພຂົ່ມຂູ່ຕໍ່ການຄ້າທົ່ວໂລກ.

Nissan ມີແຜນຈະປົດພະນັກງານ 20,000 ຄົນ ທົ່ວໂລກ

14/05/2025 13:40

ຂ່າວຕ່າງປະເທດລາຍງານ ໃນວັນທີ 13 ພຶດສະພາ ຜ່ານມາ; ສື່ມວນຊົນຍີ່ປຸ່ນລາຍງານວ່າ: ບໍລິສັດ Nissan Motor ຊຶ່ງເປັນບໍລິສັດຜະລິດລົດຍົນຂອງຍີ່ປຸ່ນມີແຜນຈະຫຼຸດພະນັກງານທົ່ວໂລກ ປະມານ 20,000 ຄົນ ເພີ່ມຂຶ້ນຈາກແຜນການທີ່ວາງໄວ້ກ່ອນໜ້ານີ້ 9,000 ຄົນ ຊຶ່ງກວມເອົາປະມານ 15% ຂອງພະນັກງານ Nissan ທົ່ວໂລກທີ່ມີປະມານ 130,000 ຄົນ.

ຜົນການສຶກສາ ຢາຫຼຸດນໍ້າໜັກແບບສັກ ຫຼຸດຄວາມສ່ຽງເປັນມະເຮັງຫຼາຍກວ່າການຜ່າຕັດ

14/05/2025 13:39

ຂ່າວຕ່າງປະເທດ ລາຍງານ ໃນວັນທີ 13 ພຶດສະພາ ຜ່ານມາວ່າ: ຜົນການສຶກສາຂອງຄະນະນັກຄົ້ນຄວ້າຈາກສູນການແພດ Rabin ແລະ ສູນບໍລິການສຸຂະພາບ Klalit ຂອງອິສຣາແອນ ລະບຸວ່າ: ການສັກຢາເພື່ອຫຼຸດນໍ້າໜັກອາດຈະຫຼຸດຄວາມສ່ຽງຕໍ່ການເປັນໂຣກມະເຮັງທີ່ກ່ຽວຂ້ອງກັບໂຣກຕຸ້ຍ. ໂດຍໂຣກຕຸ້ຍ ແລະ ພະຍາດເບົາຫວານເພີ່ມຄວາມສ່ຽງຂອງການເປັນໂຣກມະເຮັງປະເພດຕ່າງໆເຊັ່ນ: ມະເຮັງເຕົ້ານົມ, ມະເຮັງລໍາໄສ້ ແລະ ມະເຮັງຕັບ.

Apple ກໍາລັງພິຈາລະນາຂຶ້ນລາຄາ iPhone ລຸ້ນໃໝ່

14/05/2025 13:38

ຂ່າວຕ່າງປະເທດລາຍງານ ໃນວັນທີ 13 ພຶດສະພາ ຜ່ານມາ; ໜັງສືພິມ Wall Street Journal (WSJ) ລາຍງານວ່າ: Apple ກໍາລັງພິຈາລະນາປັບຂຶ້ນລາຄາ iPhone ທີ່ຈະອອກມາໃນໄລຍະລະດູໃບໄມຫຼົ່ນ ເນື່ອງຈາກມີຄຸນນະສົມບັດໃໝ່ ແລະ ການອອກແບບທີ່ມີການປ່ຽນແປງ.

ປະລິມານການເກັບຊື້ທັນຍາຫານ ຂອງຈີນບັນລຸ 345 ລ້ານໂຕນ

14/05/2025 13:36

ຂ່າວສານຊີອາໄອລາຍງານ ໃນວັນທີ 13 ພຶດສະພາ ຜ່ານມາວ່າ: ອີງຕາມໂຕເລກຂໍ້ມູນທີ່ອົງການທັນຍາຫານ ແລະ ຄັງສໍາຮອງແຫ່ງຊາດຈີນເປີດເຜີຍໃນວັນທີ 12 ພຶດສະພາ ຜ່ານມາໃຫ້ຮູ້ວ່າ: ນັບມາຮອດທ້າຍເດືອນເມສາແລ້ວນີ້, ຫົວໜ່ວຍທຸລະກິດດ້ານທັນຍາຫານຊະນິດຕ່າງໆໃນທົ່ວປະເທດໄດ້ເກັບຊື້ທັນຍາຫານໃນລະດູໃບໄມ້ຫຼົ່ນປະຈໍາປີ 2024 ເຖິງ 345 ລ້ານໂຕນ ແລະ ຢູ່ໃນລະດັບອ່າວສູງໃນຊຸມປີຜ່ານມາ.

ຫວຽດນາມ ສ້າງເງື່ອນໄຂສະດວກໃຫ້ວິສາຫະກິດ ສະຫະລັດ ອາເມຣິກາ ໃນການດຳເນີນທຸລະກິດ

14/05/2025 13:35

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 13 ພຶດສະພາ ຜ່ານມາ ຢູ່ນະຄອນຫຼວງຮ່າໂນ້ຍ, ທ່ານ ຟ້າມມິງຈິງນາຍົກລັດຖະມົນຕີ ຫວຽດນາມ ໄດ້ເຮັດວຽກກັບຜູ້ຕາງໜ້າປະຊາຄົມວິສາຫະກິດ ສະຫະລັດ ອາເມຣິກາ ທີ່ພວມລົງທຶນ ແລະ ດຳເນີນທຸລະກິດ ຢູ່ ຫວຽດນາມ. ນີ້ແມ່ນການພົບປະຄັ້ງທີ 2 ຂອງທ່ານ ຟ້າມມິງຈິງ ກັບບັນດາວິສາຫະກິດ ສະຫະລັດ ອາເມຣິກາ ໃນໄລຍະເວລາພຽງ 2 ເດືອນ,

ຫໍສະໝຸດແຫ່ງຊາດໂຮນລັງ ຂໍໃຫ້ປະຊາຊົນຊ່ວຍຕາມຫາປຶ້ມຫາຍາກ

13/05/2025 13:50

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ຫໍສະໝຸດແຫ່ງຊາດຂອງໂຮນລັງ ໃນນະຄອນເຮັກ ໄດ້ປະກາດຂໍຄວາມຊ່ວຍເຫຼືອຈາກສາທາລະນະໃນການຄົ້ນຫາປຶ້ມຫາຍາກ 6 ຫົວ ທີ່ຂຽນໂດຍທ່ານ ອາເລັກຊານເດີ ພຸຊກິນ ນັກກະວີຣັດເຊຍ ທີ່ຖືກລັກໄປຈາກຄັງສະສົມຂອງຫ້ອງສະໝຸດໃນປີ 2023.

ອົສຕຣາລີ ຮຽກຮ້ອງໃຫ້ປະຊາຊົນໄປສັກວັກຊິນໄຂ້ຫວັດໃຫຍ່

13/05/2025 13:06

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ທາງການອົສຕຣາລີ ຮຽກຮ້ອງໃຫ້ປະຊາຊົນເລັ່ງສັກວັກຊິນປ້ອງກັນໄຂ້ຫວັດໃຫຍ່ ພາຍຫຼັງທີ່ຈຳນວນຄົນເຈັບເພີ່ມສູງຂຶ້ນທົ່ວປະເທດ.

OpenAI ເຈລະຈາກັບ Microsoft ເພື່ອປັບປ່ຽນຂໍ້ຕົກລົງການຮ່ວມມື

13/05/2025 12:42

ຂ່າວຕ່າງປະເທດລາຍງານ ໃນວັນທີ 12 ພຶດສະພາ ຜ່ານມາວ່າ: OpenAI ພວມເຈລະຈາກັບ Microsoft ເພື່ອປັບປ່ຽນເງື່ອນໄຂຂອງຂໍ້ຕົກລົງການຮ່ວມມືມູນຄ່າຫຼາຍຕື້ໂດລາ. ເພື່ອກະກຽມສໍາລັບການຈົດທະບຽນໃນຕະຫຼາດຫຼັກຊັບ ພ້ອມທັງຮັກສາສິດຂອງ Microsoft ໃນການເຂົ້າເຖິງເຕັກໂນໂລຊີ AI ຂັ້ນສູງຕໍ່ໄປ.

ຈີນ ແລະ ອາເມຣິກາ ອອກຖະແຫຼງການຮ່ວມກ່ຽວກັບການເຈລະຈາດ້ານເສດຖະກິດການຄ້າ

13/05/2025 12:41

ຂ່າວສານຊີອາໄອ ລາຍງານວ່າ: ໃນວັນທີ 12 ພຶດສະພາ ຜ່ານມານີ້, ຈີນ ແລະ ອາເມຣິກາ ໄດ້ອອກຖະແຫຼງການຮ່ວມກ່ຽວກັບການເຈລະຈາດ້ານເສດຖະກິດການຄ້າທີ່ຈັດຂຶ້ນຢູ່ນະຄອນເຊີແນວ ປະເທດສະວິດ. ສອງຝ່າຍໄດ້ໃຫ້ຄຳໝັ້ນສັນຍາຈະປະຕິບັດມາດຕະການຕ່າງໆກ່ອນວັນທີ 14 ພຶດສະພານີ້ຄື:

ເພີ່ມເຕີມ