ໃນນີ້ ໃຊ້ງານໄດ້ປົກກະຕິຈຳນວນ 11 ຄັນ, ສ່ວນທີ່ຍັງເຫຼືອ ຈຳນວນ 20 ຄັນ ແມ່ນເປ່ເພ ແລະ ລົດດັ່ງກ່າວໄດ້ແຈກຢາຍໃຫ້ບັນດາພາກສ່ວນ ເພື່ອການປົກປັກຮັກສາ ແລະ ນຳໃຊ້; ຢູ່ກອງຕຳຫຼວດສະກັດກັ້ນ ແລະ ຕ້ານອັກຄີໄພ ທີ່ຂຶ້ນກັບກອງບັນຊາການ ປກສ ເມືອງ 7 ເມືອງ (ສ່ວນ 2 ເມືອງ ຄື: ເມືອງຈັນທະບູລີ ແລະ ສີສັດຕະນາກ ແມ່ນຍັງບໍ່ທັນມີ) ມີຈຳນວນ 17 ຄັນ; ສາເຫດທີ່ລົດມອດໄຟໃຊ້ງານບໍ່ໄດ້ ຫຼື ເປ່ເພຍ້ອນ: ເຄື່ອງຈັກເພ (2 ຄັນ), ແຜ່ນຄາດໝົດ, ຕີນລົດແຕກ, ຢ່າງລົດເກົ່າຊຸດໂຊມ ແລະ ເປ່ເພສະພາບເຕັກນິກອື່ນໆ (ໃນນີ້ມີລົດຂັ້ນໄດກູ້ຊີບ 1 ຄັນ).
ການປະຕິບັດວຽກງານປ້ອງກັນ, ສະກັດກັ້ນ ແລະ ຕ້ານອັກຄີໄພໃນໄລຍະຜ່ານມາ: ໄດ້ລົງກວດກາຄວາມປອດໄພຢູ່ຫົວໜ່ວຍທຸລະກິດ ແລະ ສະຖານທີ່ປຸກສ້າງ 7 ຄັ້ງ; ເຖິງວ່າເຈົ້າໜ້າທີ່ພວກເຮົາໄດ້ເອົາໃຈໃສ່ໃນການໂຄສະນາ ແລະ ວຽກງານກວດກາຄວາມປອດໄພກໍຕາມ, ແຕ່ບັນຫາອັກຄີໄພກໍຍັງເກີດຂຶ້ນຢ່າງຕໍ່ເນື່ອງ ໂດຍສະເພາະໃນໄລຍະລະດູແລ້ງຂອງທຸກໆປີ ໃນລະຫວ່າງເດືອນມັງກອນ-ເດືອນເມສາ ເປັນໄລຍະທີ່ອາກາດແຫ້ງແລ້ງ, ຮ້ອນອົບເອົ້າ ມີຄວາມສ່ຽງສູງທີ່ພາໃຫ້ເກີດໄຟໄໝ້, ໄລຍະ6 ເດືອນຕົ້ນປີ 2025 ມີສະພາບອັກຄີໄພເກີດຂຶ້ນທັງໝົດ 25 ຄັ້ງ (ທຽບໃສ່ 6 ເດືອນທ້າຍປີ 2024 ຫຼຸດລົງ 8 ຄັ້ງ) ໃນນີ້ມີໄຟໄໝ້ລະດັບປານກາງ 1 ລາຍ, ໄຟໄໝ້ນ້ອຍ 24 ລາຍ, ໄໝ້ເຮືອນປະຊາຊົນ 18 ຫຼັງ, ໂຮງງານນ້ຳດື່ມ 1 ຫ້ອງ, ສາລາ 1 ຫ້ອງ, ຮ້ານເຟີນີເຈີ 1 ຮ້ານ, ຮ້ານຂາຍເສື້ອຜ້າ 1 ຮ້ານ, ຮ້ານຂາຍເຄື່ອງກໍ່ສ້າງ 1 ຮ້ານ, ປ່າຫຍ້າ 2 ຕອນ, ມູນຄ່າຜົນເສຍຫາຍທັງໝົດ 5,051,000,000 ກີບ, 2,107,000,000 ບາດ, 36,000 ໂດລາ.
ສາເຫດເກີດໄຟໄໝ້ສ່ວນຫຼາຍ ຍ້ອນຜູ້ເສຍຫາຍບໍ່ມີຄວາມລະມັດລະວັງ, ນຳໃຊ້ເຄື່ອງໃຊ້ໄຟຟ້າບໍ່ມີຄຸນນະພາບສູງ, ລະບົບສາຍໄຟຟ້າອາຄານເກົ່າຊຸດໂຊມ ແລະ ມີຫຼາຍອາຄານບໍ່ມີການຕິດຕັ້ງລະບົບສະກັດກັ້ນອັກຄີໄພ ຈຶ່ງເກີດມີເຫດການໄຟໄໝ້ຢ່າງຕໍ່ເນື່ອງ ໃນນັ້ນເກີດຈາກໄຟຟ້າລັດວົງຈອນ 9 ຄັ້ງ, ຄົນຈູດປ່າຫຍ້າ 1 ລາຍ (ຄົນເລ່ລ່ອນຈູດ) ແລະ ຍັງຢູ່ໃນຂັ້ນຕອນການສືບສວນ-ສອບສວນຂອງເຈົ້າໜ້າທີ່ 15 ລາຍ. ຄຽງຄູ່ກັນນັ້ນ ກໍມີຂໍ້ຫຍຸ້ງຍາກຕໍ່ກັບເຈົ້າໜ້າທີ່ໃນການມອດໄຟ; ລົດມອດໄຟໃນປັດຈຸບັນແມ່ນເກົ່າແກ່ຊຸດໂຊມຫຼາຍຄັນ, ເວລາອອກປະຕິບັດໜ້າທີ່ກໍມີຄວາມສ່ຽງ; ງົບປະມານຮັບໃຊ້ຝຶກອົບຮົມ ແລະ ງົບປະມານບຳລຸງ-ສ້ອມແປງ ຫຼື ຈັດຊື້ພາຫະນະໃໝ່, ຊຸດເຄື່ອງນຸ່ງຫົ່ມ, ອຸປະກອນຮັບໃຊ້ມອດໄຟ-ກູ້ຊີບມີຈຳກັດ ເປັນຕົ້ນໂສ້ງ, ເສື້ອ, ເກີບ, ໝວກ ຫຼື ຊຸດກັນຄວາມຮ້ອນ, ສາຍສີດ ແລະ ໂຟມມອດໄຟ ບໍ່ທັນພຽງພໍກັບຄວາມຮຽກຮ້ອງຕ້ອງການຕົວຈິງ; ພະນັກງານບໍ່ພຽງພໍ, ໝໍ້ນັບ, ສາຍສົ່ງໄຟຟ້າເກົ່າແກ່ ຫຼື ຄຸນນະພາບໃນການໃຊ້ງານບໍ່ສູງ ຈຶ່ງມີຄວາມສ່ຽງພາໃຫ້ເກີດອັກຄີໄພ; ລະບົບສາຍໄຟຟ້າຂອງບັນດາຫົວໜ່ວຍທຸລະກິດ, ຫ້າງຮ້ານ, ສຳນັກງານ-ອົງການ ລວມທັງສາຍໄຟຟ້າ, ອຸປະກອນເຄື່ອງໃຊ້ໄຟຟ້າຢູ່ຄົວເຮືອນເກົ່າຊຸດໂຊມ ການປັບປຸງ, ປ່ຽນຖ່າຍຕ້ອງໄດ້ໃຊ້ງົບປະມານຫຼາຍແດ່; ມີບາງຄົນ ກໍຄືພໍ່ແມ່ປະຊາຊົນຈຳນວນໜຶ່ງຍັງມີການຈູດໄຮ່ນາ-ຮົ້ວສວນ, ຈູດຂີ້ເຫຍື້ອແບບຊະຊາຍ, ດັງໄຟຢູ່ປ່າ-ຢູ່ສວນແຕ່ບໍ່ດັບມອດໄຟໃຫ້ລະອຽດ ລວມທັງການສູບຢາແລ້ວຖິ້ມ (ສົ້ນ) ກິດກອກຢາທີ່ຍັງມີໄຟລົງໃນປ່າຫຍ້າຂ້າງທາງ ໂດຍສະເພາະລະດູແລ້ງ, ການຄຸ້ມຄອງ, ກວດກາຂອງພາກສ່ວນກ່ຽວຂ້ອງກໍຍາກ. ບາງມາດຕະການສະກັດກັ້ນຮັບຮອງ.
ເພື່ອແກ້ໄຂໃນສະເພາະໜ້າ ສືບຕໍ່ເພີ່ມທະວີເຮັດວຽກງານປ້ອງກັນ, ສະກັດກັ້ນ ແລະ ຕ້ານອັກຄີໄພ ຢູ່ ນວ ຈະໄດ້ເອົາໃຈໃສ່ຮັບປະກັນແຜນສະກັດກັ້ນອັກຄີໄພ, ການກວດຜ່ານການອອກແບບກ່ຽວກັບຄວາມປອດໄພດ້ານອັກຄີໄພ ແລະ ເຮັດວຽກງານສະກັດກັ້ນອັກຄີໄພ ຈຳນວນ 15 ເປົ້າໝາຍ ແລະ ຈະໄດ້ສຸມໃສ່ນຳພາກຳລັງວິຊາສະເພາະ ໃນການຈັດຕັ້ງປະຕິບັດບາງໜ້າວຽກທີ່ສຳຄັນ; ສືບຕໍ່ປະສານສົມທົບກັບກົມຕຳຫຼວດສະກັດກັ້ນ ແລະ ຕ້ານອັກຄີໄພ ເພື່ອເປິດຝືກອົບຮົມວຽກງານປ້ອງກັນສະກັດກັ້ນ ແລະ ຕ້ານອັກຄີໄພໃຫ້ພະນັກງານວິຊາສະເພາະໃຫ້ທົ່ວເຖິງພ້ອມທັງເພີ່ມທະວີວຽກງານການປະຈຳການ ຕະຫຼອດ 24 ຊົ່ວໂມງ ແລະ ວຽກງານອື່ນ.
ຄໍາເຫັນ