ໃນບົດສະຫຼຸບ6 ເດືອນ ຕົ້ນປີ ແລະ ທິດທາງແຜນການ 6 ເດືອນ ທ້າຍປີ 2024ໄດ້ຊີ້ໃຫ້ເຫັນວ່າ:ຜ່ານມາໄດ້ເອົາໃຈໃສ່ນຳພາ-ຊີ້ນຳ ການເຄື່ອນໄຫວວຽກງານ ໂຄສະນາ-ປາຖະກະຖາ, ຊຸກຍູ້ບັນດາເມືອງ ແລະ ບັນດາອົງການຈັດຕັ້ງມະຫາຊົນ, ພາກສ່ວນທີ່ກ່ຽວຂ້ອງ ໃນການຈັດຕັ້ງວັນສຳຄັນຕ່າງໆຂອງຊາດ, ຂອງພັກ, ຂອງທ່ານຜູ້ນຳ - ສາກົນ, ຈັດຕັ້ງການສໍາມະນາຄົ້ນຄວ້າສະພາບການ, ເຫດການຕ່າງໆ,ໃນ 6 ເດືອນຜ່ານມາ ໄດ້ທັງໝົດ7ຄັ້ງຊຶ່ງມີຜູ້ເຂົ້າຮ່ວມຮັບຟັງທັງໝົດ4.168ຄົນຍິງ1.429ຄົນ,ໃນນັ້ນວຽກອົບຮົມໄດ້ເຜີຍແຜ່ເນື້ອໃນກອງປະຊຸມກາງສະໄໝ ຂອງກອງປະຊຸມໃຫຍ່ ຄັ້ງທີ XIຂອງພັກ, ຄັ້ງທີ VII ຂອງແຂວງ ມີຜູ້ເຂົ້າຮ່ວມທັງໝົດ 17.039 ສະຫາຍຍິງ 6.928 ສະຫາຍ,ຈັດຕັ້ງເຜີິຍແຜ່ເຊື່ອມຊຶມເນື້ອໃນຖະແຫຼງການຮ່ວມຂອງທ່ານ ທອງລຸນ ສີສຸລິດ ເລຂາ ຄະນະບໍລິຫານງານສູນກາງພັກ ປະທານປະເທດແຫ່ງ ສປປ ລາວ ຕໍ່ກອງປະຊຸມສືບຕໍ່ສ້າງຄູ່ຮ່ວມຊະຕາກຳ ລາວ-ຈີນ ມີຜູ້ເຂົ້າຮ່ວມທັງໝົດ 7.580 ຄົນ ຍິງ 3.208 ຄົນ,ເຜີຍແຜ່ເຊື່ອມຊຶມ ຜົນສໍາເລັດການພົບປະການນຳຂັ້ນສູງ ສປປ ລາວ - ສສ ຫວຽດນາມ, ສປປ ລາວ - ຣັດເຊຍ ແລະ ສປປ ລາວ - ກໍາປູເຈຍ ຢູ່ຂັ້ນແຂວງ ແລະ ບັນດາເມືອງ ມີຜູ້ເຂົ້າຮ່ວມເຊື່ອມຊຶມທັງໝົດ 1.964 ສະຫາຍຍິງ 643 ສະຫາຍ; ເຜີຍແຜ່ເຊື່ອມຊຶມ ມະຕິ 04/ກມສພ ວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງ ໃນໄລຍະໃໝ່ ຢູ່ຂັ້ນແຂວງ, ມີຜູ້ເຂົ້າຮ່ວມເຊື່ອມຊຶມທັງໝົດ 544 ສະຫາຍ ຍິງ 123, ເຜີຍແຜ່ເອກະສານການເມືອງ - ແນວຄິດ ໃຫ້ປະຊາຊົນ ເພື່ອດໍາເນີນກອງປະຊຸມ 3 ຂັ້ນ ມີຜູ້ເຂົ້າຮ່ວມ 25.450 ຄົນ ຍິງ 11.125 ຄົນ; ເປີດຮຽນສະໜັບສະໜູນ ໄດ້ 2 ຄັ້ງ ມີຜູ້ເຂົ້າຮ່ວມທັງໝົດ 24 ຄົນ ຍິງ 9 ຄົນ ແລະ ເຜີຍແຜ່ເອກະສານໃຫ້ມະຫາຊົນຜູ້ກ້າວໜ້າຂະຫຍາຍເຂົ້າເປັນສະມາຊິກພັກທົ່ວແຂວງ ມີຜູ້ເຂົ້າຮ່ວມ 154 ສະຫາຍ ຍິງ 60 ສະຫາຍ.
ໃນຂະນະດຽວກັນ ຂະແໜງຂໍ້ມູນຂ່າວສານໄດ້ເກັບຂ່າວ, ຂຽນຂ່າວນຳພະແນກການ, ບັນດາເມືອງ ພ້ອມທັງລົງຂ່າວໄດ້ທັງໝົດ 54 ຂ່າວ,ໄດ້ຮັບປຶ້ມຈາກກົມວາລະສານ ພ້ອມແຈກຢາຍປຶ້ມວາລະສານ ອະລຸນໃໝ່ໃຫ້ພະແນກການ ທັງໝົດ 3 ສະບັບ, ຈຳນວນ 225 ຫົວ. ຊໍາລະເງິນວາລະສານ ປະຈໍາປີ 2023 ໃຫ້ກົມວາລະສານອະລຸນໃໝ່ ທັງໝົດ 1.798.000 ກີບ,ແຈກຢາຍວາລະສານໂຄສະນາ ໃຫ້ພະແນກການອ້ອມຂ້າງແຂວງ ແລະ ບັນດາເມືອງ ທັງໝົດ 4 ສະບັບ ຈໍານວນ 140 ຫົວ, ເຮັດໃບທວງໜີ້ຄ່າວາລະສານໄດ້ 2 ເມືອງຄື: ເມືອງເງິນ, ເມືອງຄອບ, ໄດ້ເກັບກຳສະພາບແນວຄິດ - ຫາງສຽງສັງຄົມ ນຳເພື່ອນຮ່ວມງານພະແນກການອ້ອມຂ້າງແຂວງ ແລະ ເມືອງ, ສະຫຼຸບລາຍງານໃຫ້ຂັ້ນເທິງຮັບຊາບ ເພື່ອມີທິດຊີ້ນຳເປັນປົກກະຕິ. ພ້ອມທັງຊຸກຍູ້ບັນດາເມືອງ ເປີດກອງປະຊຸມຖອດຖອນບົດຮຽນ ກ່ຽວກັບວຽກງານຕິດຕາມ ເກັບກຳ ແນວຄິດ -ຫາງສຽງສັງຄົມ ປີ 2023 ໄດ້ 1 ເມືອງຄື: ເມືອງພຽງ ມີຜູ້ເຂົ້າຮ່ວມທັງໝົດ 118 ສະຫາຍ ຍິງ 30 ສະຫາຍ.ເຂົ້າຮ່ວມກອງປະຊຸມ ຝຶກອົບຮົມວຽກງານ ຂໍ້ມູນຂ່າວສານທາງໄກທົ່ວປະເທດ ຂອງຄະນະໂຄສະນາອົບຮົມສູນກາງພັກຈັດຂຶ້ນ ໃນຂົງເຂດທົ່ວປະເທດ.
ຄໍາເຫັນ