ເຄື່ອງປັ້ນດິນເຜົານີຊິງ ມີຄວາມສໍາຄັນຕໍ່ການພັດທະນາອຸດສາຫະກຳ

ທ່ານ ຈົ່ງເຟີງຟາ ຫົວໜ້າສະຖາບັນຄົ້ນຄວ້າສິລະປະເຄື່ອງປັ້ນດິນເຜົານີຊິງ ໄດ້ລາຍງານກ່ຽວກັບສິລະປະເຄື່ອງປັ້ນດິນເຜົາເຊິນຊິວ ເມືອງຊິນໂຈວ ວ່າ: ບໍລິສັດ ສິລະປະເຄື່ອງປັ້ນດິນເຜົາເຊິນຊິວ ເມືອງຊິນໂຈວ ສ້າງ ຕັ້ງຂຶ້ນໃນປີ 2012, ເປັນວິສາຫະກິດທັນສະໄໝ ທີ່ລວມການຜະລິດເຄື່ອງປັ້ນດິນເຜົາສໍາລັບໃຊ້ໃນຊີວິດປະຈໍາວັນ ສິລະປະເຄື່ອງປັ້ນດິນເຜົາເປັນການຄົ້ນຄວ້າວິທະຍາສາດ, ການພັດທະນາ ແລະ ການດໍາເນີນທຸລະກິດເຂົ້າກັນ, ຊຶ່ງມີເນື້ອທີ່ທັງໝົດ 1 ເຮັກຕາ, ໂຮງງານມີເນື້ອທີ່ 8,000 ຕາແມັດ, ເປັນຜູ້ຜະລິດເຄື່ອງປັ້ນດິນເຜົານີຊິງ ມີຂະໜາດໃຫຍ່ທັນສະໄໝຂອງເມືອງຊິນໂຈວ. ບໍລິສັດ ສິລະປະເຄື່ອງປັ້ນດິນເຜົາເຊິນຊິວ ມີພະແນກຜະລິດວັດຖຸດິບ, ພະແນກຄັດລອກ ແລະ ເຮັດໃຫ້ເປັນເງົາ, ຫ້ອງອອກແບບ, ພະແນກການຜະລິດເຕັກນິກ, ພະແນກກວດກາຄຸນນະພາບ, ພະແນກການເງິນ ແລະ ພະແນກສະໜອງ-ການຕະຫຼາດ, ມີພະນັກງານ 60 ຄົນ. ໃນນັ້ນ, ມີຕໍາ ແໜ່ງວິຊາການຂັ້ນສູງ 3 ຄົນ, ຂັ້ນກາງ 5 ຄົນ, ຂັ້ນຕົ້ນ 11 ຄົນ, ພະນັກງານວິຊາການ 17 ຄົນ, ມີນັກປັ້ນ ດິນເຜົາຊັ້ນດີຈໍານວນໜຶ່ງ, ມີກໍາລັງວິຊາການທີ່ເຂັ້ມແຂງ.

ໃນຫຼາຍປີຜ່ານມາ, ຄະນະພັກ ແລະ ລັດຖະບານເມືອງຊິນໂຈວ ໄດ້ໃຫ້ຄວາມສໍາຄັນຢ່າງສູງຕໍ່ການພັດ ທະນາອຸດສາຫະກໍາເຄື່ອງປັ້ນດິນເຜົານີຊິງ ເຮັດໃຫ້ອຸດສາຫະກໍາວັດທະນະທໍາກັບມາມີຊີວິດຊີວາອີກຄັ້ງ. ບໍລິສັດເຊິນຊິວ ໄດ້ມີການຂະຫຍາຍຕົວຢ່າງໄວວາ ໄດ້ສໍາເລັດຂະບວນການພັດທະນາຈາກນ້ອຍ ຫາ ໃຫຍ່, ຈາກອ່ອນ ແອໄປສູ່ຄວາມເຂັ້ມແຂງ, ປັດຈຸບັນໄດ້ເຕີບໃຫຍ່ຂະຫຍາຍຕົວ ກາຍເປັນວິສາຫະກິດຜະລິດເຄື່ອງປັ້ນດິນເຜົານີຊິງ ທີ່ມີລະດັບການຄົ້ນຄວ້າວິທະຍາສາດ ແລະ ນະວັດຕະກໍາທີ່ແນ່ນອນ ແລະ ມີຄວາມສາມາດຜະລິດໃນຂະໜາດໜຶ່ງ ທີ່ສືບທອດວັດທະນະທໍາພັນປີ, ຟື້ນຟູສິລະປະເຄື່ອງປັ້ນດິນເຜົາແບບຄຣາສສິກ, ນີ້ແມ່ນເປົ້າໝາຍຫຼັກຂອງພະນັກງານທັງໝົດ. ການບັນລຸເປົ້າໝາຍຂອງບຸກຄະລາກອນແມ່ນກຸນແຈສໍາຄັນດ້ວຍເຫດນີ້, ບໍລິສັດຈຶ່ງເດີນຕາມແນວທາງ “ປະສົມປະສານການຝຶກອົບຮົມ ແລະ ການດຶງດູດ”. ນອກຈາກການພັດທະນາ ແລະ ນໍາໃຊ້ຊັບພະ ຍາກອນ ບຸກຄະລາກອນທ້ອງຖິ່ນຢ່າງເຕັມທີ່ແລ້ວ, ຍັງໄດ້ດຶງດູດບຸກຄະລາກອນຈາກແຂວງຈຽງຊີ, ແຂວງຈຽງຊູ, ນະຄອນຈົງຊິງ ແລະ ອື່ນອີກໆ. ພ້ອມກັນນັ້ນ, ຍັງມີແຜນຈະຮ່ວມມືກັບສະຖາບັນຝຶກອົບຮົມ ແລະ ໂຮງຮຽນຈໍານວນໜຶ່ງ ເພື່ອຮ່ວມກັນຝຶກອົບຮົມບຸກຄະລາກອນທີ່ຈໍາເປັນດ່ວນ ສໍາລັບວິສາຫະກິດຜະລິດເຄື່ອງປັ້ນດິນເຜົານີຊິງ.

ນອກຈາກນັ້ນ, ບໍລິສັດເຊີນຊິວ ຍັງໄດ້ນຳໃຊ້ເຕັກໂນໂລຊີປັນຍາປະດິດ (AI) ມາປະຍຸກໃຊ້ໃນການອອກແບບ ແລະ ພັດທະນາຜະລິດຕະພັນໂດຍນໍາໃຊ້ AI ຊ່ວຍຄິດຄົ້ນ ແລະ ອອກແບບລວດລາຍຮູບແບບ ແລະ ສີ ສັນໃໝ່ໆໃຫ້ມີຄວາມຫຼາກຫຼາຍ ແລະ ທັນສະໄໝ. ພ້ອມກັນນັ້ນ, ຍັງໄດ້ນຳໃຊ້ AI ເປັນເຄື່ອງມືຊ່ວຍຄົ້ນຫາ, ວິ ເຄາະຂໍ້ມູນກ່ຽວກັບຄວາມນິຍົມ ແລະ ເພື່ອເປັນພຶື້ນຖານໃນການກຳນົດຮູບແບບຜະລິດຕະພັນໃຫ້ສອດຄ່ອງກັບຄວາມຕ້ອງການຂອງຕະຫຼາດ, ການນຳໃຊ້ເຕັກໂນໂລຊີດັ່ງກ່າວ ເປັນການຊ່ວຍປະຢັດເວລາໃນການອອກແບບ ແລະ ເພີ່ມທາງເລືອກໃນການສ້າງສັນ ແລະ ຊ່ວຍໃຫ້ການພັດທະນາຜະລິດຕະພັນຕອບໂຈດຫຼາຍຂຶ້ນ.

ສໍາລັບຜະລິດຕະພັນຂອງບໍລິສັດສິລະປະເຄື່ອງປັ້ນດິນເຜົາເຊິນຊິວ ເມືອງຊິນໂຈວ ປັດຈຸບັນມີຫຼາຍປະເພດ ເຊັ່ນ: ຊຸດນໍ້າຊາ, ເຄື່ອງປັ້ນດິນເຜົາທີ່ນໍາໃຊ້ເປັນຂອງຂວັນ ແລະ ເຄື່ອງປັ້ນດິນເຜົາສິລະປະ ແລະ ອື່ນໆ.. ຜະລິດຕະພັນດັ່ງກ່າວໄດ້ຈໍາໜ່າຍຢູ່ຫຼາຍເມືອງໃຫຍ່ເຊັ່ນ: ປັກກິງ, ຊຽງໄຮ, ກວາງໂຈວ, ເຊິນເຈິນ, ກຸ້ຍລິນ, ນານໜິງ ແລະ ເມືອງອື່ນໆ. ນອກຈາກນີ້, ບໍລິສັດຍັງໄດ້ປະດິດສ້າງ ແລະ ປັບປຸງຂະບວນການຜະລິດ ແລະ ອອກແບບຜະລິດຕະພັນໃໝ່ ເພື່ອຕອບສະໜອງຄວາມຕ້ອງການຂອງຕະຫຼາດ ແລະ ຜູ້ບໍໂພກທົ່ວໄປ ແລະ ຜູ້ສະສົມຜົນງານສິລະປະ.