ອະດີດນາຍົກລັດຖະມົນ ຢ້ຽມຢາມ ເມືອງເລົ່າງາມ

ອະດີດນາຍົກລັດຖະມົນ ຢ້ຽມຢາມ ເມືອງເລົ່າງາມ
ທ່ານ ບົວສອນ ບຸບຜາວັນ ອະດີດນາຍົກລັດຖະມົນຕີ ແຫ່ງ ສປປ ລາວ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສາລະວັນ ໃນວັນທີ 5-7 ມັງກອນ 2024, ທ່ານໄດ້ລົງຢ້ຽມຢາມ ແລະ ນ້ອມມະນັດສະການ ພຣະອາຈານ ສີປະເສີດ ໄຊຍະປັນຍາ ຮອງປະທານ ອພສ ແຂວງສາລະວັນ ປະທານອົງການພຸດທະສາດສະໜາສຳພັນລາວ ເມືອງເລົ່າງາມ, ເຈົ້າອະທິການວັດໂພສີວະນາຣາມ ບ້ານໜອງຈົວ, ໄດ້ຢ້ຽມຊົມສະຖານທີ່ການກໍ່ສ້າງ, ການບູລະນະປະຕິສັງຂອນ ແລະ ການພັດທະນາພາຍໃນວັດດັ່ງກ່າວ ທີ່ພວມດໍາເນີນການປັບປຸງ, ກໍ່ສ້າງຈາກກໍາລັງສັດທາໃນສັງຄົມ ເຊັ່ນ: ກຸຕິວິຫານ, ສາລາໂຮງທໍາ, ພຣະພຸດທະຮູບ 108, ພຣະພຸດທະຮູບປາງໃຫຍ່ ແລະ ອື່ນໆ. ວັດບ້ານໜອງຈົວ ຍັງຈະໄດ້ສືບຕໍ່ກໍ່ສ້າງ ແລະ ພັດທະນາອີກໃນຕໍ່ໜ້າ ເພື່ອເປັນສະຖານທີ່ເພິ່ງທາງໃຈ, ເປັນບ່ອນກາບໄຫວ້ສັກກະລະບູຊາ, ຂໍພອນຂອງອອກຕົນຍາດໂຍມ, ສິດ, ສານຸສິດ ແລະ ເພື່ອເຮັດໃຫ້ປະຊາຊົນພາຍໃນບ້ານ ໄດ້ມີສ່ວນຮ່ວມຫຼາຍຂຶ້ນ ເປັນຕົ້ນ: ການຄ້າຂາຍຜະລິດຕະພັນພືດກະສິກຳຕ່າງໆ ແລະ ເປັນການດຶງດູດການທ່ອງທ່ຽວອີກດ້ວຍ.
ຈາກນັ້ນ, ທ່ານ ບົວສອນ ບຸບຜາວັນ ກໍໄດ້ນ້ອມອະນຸໂມທະນາບຸນ ທີ່ເຈົ້າອະທິການວັດ ໄດ້ລິເລີ່ມແນວຄວາມຄິດນຳພາສ້າງສາ, ພັດທະນາວັດວາອາຮາມ ແລະ ຈິດໃຈຂອງອອກຕົນຍາດໂຍມ, ໂດຍເອົາພຣະທັມຄໍາສັ່ງສອນ ເປັນສິ່ງຝຶກອົບຮົມຈິດໃຈໃຫ້ມີ ຄວາມສາມັກຄີ, ມີຄວາມເມດຕາ ແລະ ນ້ອມຈິດໃຈທຸກພາກສ່ວນ ຮ່ວມສ້າງຮ່ວມສາ ໃນບໍວອນພຸດທະສາດສະໜາ. ຈາກນັ້ນ ກໍໄດ້ຖວາຍປື້ມພຣະໄຕຣປີດົກ ແລະ ປັດໄຈ ຮ່ວມສ້າງວັດດັ່ງກ່າວ.
    ໂອກາດນີ້, ທ່ານ ບົວສອນ ບຸບຜາວັນ ໄດ້ໄປຢ້ຽມຢາມປະຊາຊົນບ້ານໜອງຈົວ ເບິ່ງການຜະລິດກາເຟຄຸນນະພາບ, ຈຸດສຸມການຊຸກຍູ້-ສົ່ງເສີມ, ຈຸດສຸມການຜະລິດ, ໂດຍມີ ທ່ານ ນາງ ບຸນທະວີ ດວງລາສີ ຮອງເລຂາພັກແຂວງ ຜູ້ຊີ້ນຳວຽກງານການເມືອງ-ແນວຄິດ, ວຽກພັກ-ພະນັກງານ, ທ່ານຮອງເຈົ້າແຂວງສາລະວັນ, ຕາງໜ້າພະແນກການ, ການນໍາຂອງເມືອງ ແລະ ພາກສ່ວນກ່ຽວຂ້ອງເຂົ້າຮ່ວມ. ໃນຂະນະດຽວກັນກໍໄດ້ຮັບຟັງການລາຍງານຈາກຄອບຄົວ ຜູ້ທີ່ເຂົ້າຮ່ວມໂຄງການສົ່ງເສີມ ແລະ ຂະບວນການປູກ, ບົວລະບັດຮັກສາ, ເກັບກ່ຽວ, ລາຄາການເກັບຊື້ ແລະ ອື່ນໆ.
    ການລົງຢ້ຽມຢາມຄັ້ງນີ້, ທ່ານ ບົວສອນ ບຸບຜາວັນ ກໍໄດ້ມີທັດສະນະແລກປ່ຽນໃນຂອດການຜະລິດ, ການຊຸກຍູ້ສົ່ງເສີມປະຊາຊົນ ໂດຍເນັ້ນໃຫ້ອົງການປົກຄອງແຂວງ, ເມືອງ ເອົາໃຈໃສ່ຕິດຕາມ ຊຸກຍູ້, ສົ່ງເສີມຢ່າງໃກ້ຊິດ, ສ້າງໃຫ້ມີຕົວແບບຫຼາຍຂຶ້ນ, ສ້າງເງື່ອນໄຂທີ່ຈະເພີ່ມມູນຄ່າການຜະລິດໃຫ້ຫຼາຍກວ່າເກົ່າ ເພື່ອເຮັດໃຫ້ປະຊາຊົນ ມີລາຍຮັບໝັ້ນຄົງ ຫຼຸດຜ່ອນການໄປອອກແຮງງານຢູ່ເຂດອື່ນ, ຫັນປ່ຽນຈາກການຜະລິດໃນຮູບແບບເດີມ ສູ່ການຜະລິດທີ່ມີວິທະຍາສາດ, ທັນສະໄໝ, ນັບມື້ນັບຂະຫຍາຍຕົວ, ມີປະສິດທິພາບສູງກວ່າເກົ່າ. 
ຂ່າວ-ພາບ: ວິໄລວອນ ສິດທິໄຊ

ຄໍາເຫັນ

ຂ່າວວັດທະນະທຳ-ສັງຄົມ

ເຜີຍແຜ່ຜົນງານການຄົ້ນຄວ້າທິດສະດີ ແລະ ພຶດຕິກຳ ໃຫ້ພະນັກງານນຳພາ-ຄຸ້ມຄອງຫຼັກແຫຼ່ງຂອງແຂວງໄຊຍະບູລີ

ເຜີຍແຜ່ຜົນງານການຄົ້ນຄວ້າທິດສະດີ ແລະ ພຶດຕິກຳ ໃຫ້ພະນັກງານນຳພາ-ຄຸ້ມຄອງຫຼັກແຫຼ່ງຂອງແຂວງໄຊຍະບູລີ

ໃນຕອນເຊົ້າວັນທີ 4 ກໍລະກົດ ນີ້, ທ່ານ ຄຳມອນ ຈັນທະຈິດ ຮອງປະທານຜູ້ປະຈຳການ ສະພາທິດສະດີສູນກາງພັກ ພ້ອມດ້ວຍຄະນະ ໄດ້ລົງເຄື່ອນໄຫວເຜີຍແຜ່ຜົນງານການຄົ້ນຄວ້າທິດສະດີ ແລະ ພຶດຕິກຳ ໃຫ້ພະນັກງານນຳພາ-ຄຸ້ມຄອງຫຼັກແຫຼ່ງຂອງແຂວງໄຊຍະບູລີ ໃນໂອກາດທີ່ເຂົ້າຮ່ວມປະກອບຄຳເຫັນໃສ່ຮ່າງລາຍງານການເມືອງ ແລະ ແຜນພັດທະນາເສດຖະກິດ-ສັງຄົມຂອງແຂວງໄຊຍະບູລີ ໂດຍມີ ທ່ານ ພົງສະຫວັນ ສິດທະວົງ ກຳມະການສູນກາງພັກ ເລຂາພັກແຂວງ ເຈົ້າແຂວງ ໄຊຍະບູລີ ແລະ ມີຜູ້ເຂົ້າຮ່ວມຈຳນວນ 146 ຄົນ.
ງານຕະຫຼາດນັດແຮງງານຄັ້ງທີ IV ແລະ ສົ່ງເສີມວິສາຫະກິດ

ງານຕະຫຼາດນັດແຮງງານຄັ້ງທີ IV ແລະ ສົ່ງເສີມວິສາຫະກິດ

ສະຖາບັນຂົງຈື ມະຫາວິທະຍາໄລແຫ່ງຊາດ (ມຊ) ຮ່ວມກັບສະພາການຄ້າກວາງຊີ ປະຈຳ ສປປ ລາວ ຈັດງານຕະຫຼາດນັດແຮງງານຄັ້ງທີ IV ປະຈຳປີ 2025 ຂຶ້ນໃນລະຫວ່າງວັນທີ 4-5 ກໍລະກົດນີ້ ທີ່ ມຊ ເປັນກຽດເຂົ້າຮ່ວມຂອງທ່ານນາງ ດາລາວອນ ກິດຕິພັນ ຮອງລັດຖະມົນຕີກະຊວງສຶກສາທິການ ແລະ ກິລາ (ສສກ), ທ່ານ ອຸ່ນຫຼ້າ ສີວັນເພັງ ຮອງອະທິການບໍດີ ມຊ, ທ່ານ ເສິນຈ້າວຫຼິນ ຫົວໜ້າຄະນະດໍາເນີນງານສະພາການຄ້າກວາງຊີປະຈໍາລາວ, ບັນດາລັດວິສາຫະກິດ ແລະ ບໍລິສັດລາວ-ຈີນ, ຄູ-ອາຈານ ແລະ ນັກສຶກສາເຂົ້າຮ່ວມ.
ເລົ່າງາມ ປະດັບຫຼຽນກາລະນຶກວັນສ້າງຕັ້ງພັກຄົບຮອບ 70 ປີ.

ເລົ່າງາມ ປະດັບຫຼຽນກາລະນຶກວັນສ້າງຕັ້ງພັກຄົບຮອບ 70 ປີ.

ໃນວັນທີ 3 ກໍລະກົດຜ່ານມານີ້, ເມືອງເລົ່າງາມ ແຂວງສາລະວັນ ໄດ້ຈັດພິທີປະດັບຫຼຽນກາລະນຶກ 70 ປີ ວັນສ້າງຕັ້ງພັກປະຊາຊົນປະຕິວັດລາວ (22 ມີນາ 1955 - 22 ມີນາ 2025) ທີ່ສະໂມສອນໃຫຍ່ຂອງເມືອງ ໂດຍພາຍໃຕ້ການເປັນປະທານຂອງ ສະຫາຍ ໂພສີ ຫຼວງສຸລິວັນ ເລຂາຄະນະບໍລິຫານງານພັກເມືອງ.
ເຊື່ອມຊຶມມະຕິ 10 ຂອງສູນກາງພັກ ແລະ ວັນສ້າງຕັ້ງແນວລາວສ້າງຊາດ ຄົບຮອບ 75 ປີ

ເຊື່ອມຊຶມມະຕິ 10 ຂອງສູນກາງພັກ ແລະ ວັນສ້າງຕັ້ງແນວລາວສ້າງຊາດ ຄົບຮອບ 75 ປີ

ກະຊວງຍຸຕິທຳໄດ້ຈັດກອງປະຊຸມເຜີຍແຜ່ເຊື່ອມຊຶມມະຕິກອງປະຊຸມຄົບຄະນະບໍລິຫານສູນກາງພັກ ຄັ້ງທີ 10 ສະໄໝທີ XI ແລະ ປາຖະກະຖາມູນເຊື້ອວັນສ້າງຕັ້ງແນວລາວສ້າງຊາດ ຄົບຮອບ 75 ປີຂຶ້ນໃນວັນທີ 4 ກໍລະກົດນີ້ ທີ່ກະຊວງດັ່ງກ່າວ ໂດຍການໃຫ້ກຽດເຜີຍແຜ່ຂອງສະຫາຍ ໄພວີ ສີບົວລິພາ ລັດຖະມົນຕີກະຊວງຍຸຕິທຳ, ມີຄະນະພັກ, ຄະນະນຳ, ພະນັກງານ-ລັດຖະກອນເຂົ້າຮ່ວມ.
ແຈ້ງການອັບເດດຕາຕະລາງແລ່ນລົດໄຟຫຼ້າສຸດຂອງບໍລິສັດທາງລົດໄຟລາວ-ຈີນຈຳກັດ

ແຈ້ງການອັບເດດຕາຕະລາງແລ່ນລົດໄຟຫຼ້າສຸດຂອງບໍລິສັດທາງລົດໄຟລາວ-ຈີນຈຳກັດ

ໃນວັນທີ 7 ກໍລະກົດ 2025 ເປັນຕົ້ນໄປ, ບໍລິສັດທາງລົດໄຟລາວ-ຈີນຈຳກັດ ຈະເລີ່ມນຳໃຊ້ປະຕິບັດຕາຕະລາງເວລາແລ່ນລົດໄຟຂອງໄຕມາດທີສາມ, ໃນໄຕມາດນີ້ ທາງລົດໄຟລາວ-ຈີນຈະເປີດແລ່ນລົດໄຟທັງໝົດຈຳນວນ 7 ຄູ່ ຫຼື 14 ຖ້ຽວ, ໃນນັ້ນມີລົດໄຟ EMU ທີ່ແລ່ນຢູ່ໃນລາວ 4 ຄູ່, ລົດໄຟທໍາມະດາ 1 ຄູ່ ແລະ ລົດໄຟ EMU ແລ່ນຂ້າມແດນ 2 ຄູ່. ໃນໄລຍະເທດສະການ ຫຼື ວັນພັກທີ່ມີຜູ້ໂດຍສານເພີ່ມຂຶ້ນຫຼາຍ ອາດຈະເພີ່ມຖ້ຽວລົດໄຟ ຫຼື ຕໍ່ລົດໄຟສອງຂະບວນໃສ່ກັນຕາມຄວາມເໝາະສົມ.
ທ່ານ ບົວຄົງ ນາມມະວົງ ໂອ້ລົມພະນັກງານການນຳ ແຂວງວຽງຈັນ.

ທ່ານ ບົວຄົງ ນາມມະວົງ ໂອ້ລົມພະນັກງານການນຳ ແຂວງວຽງຈັນ.

ໃນໂອກາດທີ່ ທ່ານ ບົວຄົງ ນາມມະວົງ ກຳມະການສູນກາງພັກ ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ຄະນະປັບປຸງກົງຈັກການຈັດຕັ້ງຂັ້ນສູນກາງ, ພ້ອມດ້ວຍຄະນະ ໄດ້ລົງເຮັດວຽກຢູ່ແຂວງວຽງຈັນ ໃນວັນທີ 3 ກໍລະກົດຜ່ານມາ, ຊຶ່ງທ່ານໄດ້ໂອ້ລົມພະນັກງານການນຳ, ແຂວງວຽງຈັນ. ເຂົ້າຮ່ວມຮັບຟັງມີ ທ່ານ ສີວຽງໄຊ ອໍລະບູນ ກຳມະການພັກແຂວງ ເລຂາຄະນະພັກຮາກຖານ, ຫົວໜ້າຫ້ອງວ່າການແຂວງ, ມີຄະນະນຳ ແລະ ພະນັກງານຂອງສອງພາກສ່ວນດັ່ງກ່າວເຂົ້າຮ່ວມ.
ສະຫວັນນະເຂດ ຫາລືກຽມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີ

ສະຫວັນນະເຂດ ຫາລືກຽມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີ

ວັນທີ 2 ກໍລະກົດຜ່ານມາ ທີ່ຫ້ອງປະຊຸມຫ້ອງວ່າການແຂວງສະຫວັນະເຂດ ໄດ້ຈັດກອງປະຊຸມປຶກສາຫາລືກະກຽມສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີ ທີ່ຈະຈັດຂຶ້ນພ້ອມກັນທົ່ວປະເທດໃນວັນທີ 12 ສິງຫາ 2025 ທີ່ຈະເຖິງນີ້, ໂດຍການໃຫ້ກຽດເປັນປະທານຂອງທ່ານ ພູວັງ ເກດແກ້ວພົມພອນ ຮອງເລຂາພັກແຂວງ ຜູ້ຊີ້ນຳວຽກງານການເມືອງ-ແນວຄິດ, ວຽກພັກ-ພະນັກງານ ແລະ ອົງການຈັດຕັ້ງມະຫາຊົນ.
ຄໍາມ່ວນ ປິດຊຸດຝຶກອົບຮົມທັກສະສໍາລັບທຸລະກິດທີ່ພັກເຊົາ ແລະ ຮ້ານອາຫານ

ຄໍາມ່ວນ ປິດຊຸດຝຶກອົບຮົມທັກສະສໍາລັບທຸລະກິດທີ່ພັກເຊົາ ແລະ ຮ້ານອາຫານ

ຊຸດຝຶກອົບຮົມທັກສະສໍາລັບທຸລະກິດທີ່ພັກເຊົາ ແລະ ຮ້ານອາຫານຂະໜາດນ້ອຍ-ກາງໄດ້ປິດລົງໃນວັນທີ 3 ກໍລະກົດຜ່ານມາ ຢູ່ທີ່ໂຮງແຮມພອນປະດິດ ເມືອງທ່າແຂກ ແຂວງຄໍາມ່ວນ.
ນັກຂ່າວປະຕິວັດ ເຂົ້າຢ້ຽມຂໍ່ານັບເຈົ້າແຂວງຈຳປາສັກ

ນັກຂ່າວປະຕິວັດ ເຂົ້າຢ້ຽມຂໍ່ານັບເຈົ້າແຂວງຈຳປາສັກ

ເມື່ອບໍ່ດົນຜ່ານມານີ້, ທີ່ເຮືອນພັກຮັບຮອງ ຂອງເຈົ້າແຂວງຈໍາປາສັກ ທີ່ນະຄອນປາກເຊ ແຂວງຈໍາປາສັກ, ທ່ານ ອາລຸນໄຊ ສູນນະລາດ ເຈົ້າແຂວງຈໍາປາສັກ ໄດ້ອະນຸຍາດ ແລະ ໃຫ້ກຽດຕ້ອນຮັບ ທ່ານ ຣັດສະໝີ ດວງສັດຈະ ອະດີດເລ​ຂາ​ທິ​ການສະ​ມາ​ຄົມ​ນັກ​ຂ່າວ​ແຫ່ງ ສ​ປ​ປ ລາວ ອະດີດທີ່ປຶກສາຂ່າວສານທະນາຄານແຫ່ງ ສປປ ລາວ (ທຫລ) ທັງເປັນກໍາມະການຄະນະບໍລິຫານງານສະ​ມາ​ຄົມມິດຕະພາບ ລາວ-ສ.ເກົາຫຼີ (LKFA), ໂດຍການພາທາງ ຂອງທ່ານ ໄຊລືຊາ ຜູຍຍະວົງ ຫົວໜ້າສາຂາ ທຫລ ພາກໃຕ້ ແຂວງຈໍາປາສັກ.
ສພຂ ຄໍາມ່ວນ ສະຫຼຸບການເຄື່ອນໄຫວວຽກງານ 6 ເດືອນຕົ້ນປີ

ສພຂ ຄໍາມ່ວນ ສະຫຼຸບການເຄື່ອນໄຫວວຽກງານ 6 ເດືອນຕົ້ນປີ

ກອງປະຊຸມສະຫຼຸບການເຄື່ອນໄຫວວຽກງານ 6 ເດືອນຕົ້ນປີ ແລະ ທິດທາງແຜນການປະຈໍາ 6 ເດືອນທ້າຍປີ 2025 ຂອງຄະນະເລຂາທິການ ສະພາປະຊາຊົນແຂວງຄໍາມ່ວນ ໄດ້ຈັດຂຶ້ນໃນວັນທີ 3 ກໍລະກົດນີ້ ຢູ່ທີ່ຫ້ອງການສະພາປະຊາຊົນແຂວງ (ສພຂ) ໂດຍການເຂົ້າຮ່ວມຂອງທ່ານ ບຸນມີ ພິມມະສອນ ປະທານສະພາປະຊາຊົນແຂວງ.
ເພີ່ມເຕີມ