ອັງກິດ ໄດ້ກາຍເປັນປະເທດເອີຣົບ ທຳອິດທີ່ເຂົ້າຮ່ວມສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP).

ອັງກິດ ເຂົ້າຮ່ວມສັນຍາCPTPP ຢ່າງເປັນທາງການ

13:58 16/12/2024

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 15 ທັນວາ ຜ່ານມານອັງກິດ ໄດ້ກາຍເປັນປະເທດເອີຣົບ ທຳອິດທີ່ເຂົ້າຮ່ວມສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP). ນີ້ແມ່ນຂໍ້ຕົກລົງການຄ້າໃຫຍ່ທີ່ສຸດຂອງປະເທດພາຍຫຼັງ Brexit (ອັງກິດ ຖອນຕົວອອກຈາກສະຫະພາບ ເອີຣົບ).

ຂ່າວລະບຸວ່າ: ໂດຍການເຂົ້າຮ່ວມ CPTPP, ອັງກິດ ໄດ້ກາຍເປັນປະເທດສະມາຊິກທີ 12 ຂອງກຸມການຄ້ານີ້. ອັງກິດ ໄດ້ເຊັນສັນຍາເຂົ້າຮ່ວມແຕ່ເດືອນກໍລະກົດຂອງປີກາຍ. ບັນດາການນຳ ອັງກິດ ປາຖະໜາວ່າການເຂົ້າຮ່ວມ CPTPP ຈະນຳເງິນຈຳນວນປະມານ 2,5 ຕື້ໂດລາ ມາໃຫ້ພື້ນຖານເສດຖະກິດຂອງປະເທດຊຶ່ງບັນດາວິສາຫະກິດ ອັງກິດ ອາດຈະເຂົ້າເຖິງຕະຫຼາດທີ່ມີປະຊາກອນ 500 ລ້ານກວ່າຄົນ. CPTPP ໄດ້ຮັບການສ້າງຕັ້ງແຕ່ປີ 2018 ແລະ ປະກອບສ່ວນປະມານ 15% ຂອງ GDP ທົ່ວໂລກ, ປັດຈຸບັນ, CPTPP ມີ 3 ປະເທດແມ່ນສະມາຊິກຂອງກຸ່ມບັນດາປະເທດອຸດສາຫະກຳພັດທະນາ (G7) ຄື: ການາດາ, ຍີ່ປຸ່ນ ແລະ ອັງກິດ, ພ້ອມກັບ ອົສຕຣາລີ, ນູແວນເຊລັງ, ເມັກຊິກ, ເປຣູ, ຈີເລ, ສິງກະໂປ, ບຣູໄນ, ມາເລເຊຍ ແລະ ຫວຽດນາມ.

ຄໍາເຫັນ

ຂ່າວຕ່າງປະເທດ

OECD ເຕືອນ ຂີ້ເຫຍື້ອພລາສຕິກໃນອາຊີຈະເພີ່ມຂຶ້ນ 70% ພາຍໃນປີ 2050

11/08/2025 13:25

ຂ່າວຕ່າງປະເທດລາຍງານ ໃນວັນທີ 10 ສິງຫາ ຜ່ານມາວ່າ: ບົດລາຍງານສະບັບຫຼ້າສຸດຂອງອົງການຮ່ວມມືທາງເສດຖະກິດ ແລະ ການພັດທະນາ (OECD) ເປີດເຜີຍວ່າ, ຂີ້ເຫຍື້ອພລາສຕິກທີ່ຮົ່ວໄຫຼອອກສູ່ສິ່ງແວດລ້ອມໃນອາຊີຕາເວັນອອກສ່ຽງໃຕ້, ລວມທັງຈີນ, ຍີ່ປຸ່ນ, ແລະ ສ ເກົາຫຼີ ອາດຈະເພີ່ມຂຶ້ນເກືອບ 70% ໃນປີ 2050 ເມື່ອທຽບໃສ່ປີ 2022 ຖ້າບໍ່ມີມາດຕະການທີ່ມີປະສິດທິຜົນ.

WTO ຫຼຸດການຄາດຄະເນການຄ້າສິນຄ້າທົ່ວໂລກໃນປີ 2026 ລົງເປັນ 1.8%

11/08/2025 13:24

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ອົງການການຄ້າໂລກ (WTO) ໄດ້ຫຼຸດການຄາດຄະເນການເຕີບໂຕດ້ານການຄ້າສິນຄ້າທົ່ວໂລກໃນປີ 2026 ລົງເປັນ 1.8% ຈາກທີ່ເຄີຍຄາດຄະເນໄວ້ 2.5% ເນື່ອງຈາກການປ່ຽນແປງພາສີນຳເຂົ້າເມື່ອບໍ່ດົນມານີ້ ທີ່ສາມາດສົ່ງຜົນກະທົບທາງລົບຕໍ່ການຄ້າທົ່ວໂລກ.

ຊາວມາເລເຊຍ 58% ໃຊ້ AI ເພີ່ມປະສົບການການຊື້ເຄື່ອງ

11/08/2025 13:22

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ແພລັດຟອມຊຳລະເງິນ Adyen Retail ປີ 2025 ເປີດເຜີຍວ່າ: ຜູ້ບໍລິໂພກຊາວມາເລເຊຍຈຳນວນຫຼາຍຫັນມາໃຊ້ເຕັກໂນໂລຊີປັນຍາປະດິດ (AI) ເພື່ອຊ່ວຍໃຫ້ເຂົາເຈົ້າຕັດສິນໃຈຊື້ສິນຄ້າຢ່າງມີຂໍ້ມູນ, ໂດຍ 58% ໃຊ້ AI ຊ່ວຍເພີ່ມປະສົບການການຊື້ເຄື່ອງ ຊຶ່ງສູງກວ່າລະດັບສະເລ່ຍທົ່ວໂລກທີ່ 37%.

6 ເດືອນຕົ້ນປີ ຄົນຕ່າງປະເທດເຂົ້າມາຈີນໂດຍຍົກເວັ້ນວີຊາເພີ່ມຂຶ້ນ 53.9%

11/08/2025 13:21

ຂ່າວສານຊີອາໄອລາຍງານໃນວັນທີ 10 ສິງຫາ ຜ່ານມາວ່າ: ອີງຕາມຂໍ້ມູນຈາກກົມຄຸ້ມຄອງຄົນເຂົ້າ-ອອກເມືອງແຫ່ງຊາດຈີນສະແດງໃຫ້ເຫັນວ່າ: ໃນ 6 ເດືອນຕົ້ນປີນີ້, ຄົນຕ່າງປະເທດທີ່ເຂົ້າມາປະເທດຈີນໂດຍຍົກເວັ້ນວີຊາມີເຖິງ 13.64 ລ້ານເທື່ອຄົນ, ເພີ່ມຂຶ້ນ 53.9% ເມື່ອທຽບໃສ່ໄລຍະດຽວກັນຂອງປີກາຍ.

ຫວຽດນາມ ສືບທອດຄຸນຄ່າກຳລັງແຮງດ້ານການເມືອງ ແລະ ຈິດໃຈການປະຕິວັດເດືອນສິງຫາ 1945

11/08/2025 13:20

ວິທະຍຸກະຈາຍສຽງຫວຽດນາມລາຍງານວ່າ: ໄຊຊະນະຂອງການປະຕິວັດເດືອນສິງຫາ 1945 ແມ່ນຈຸດສຸດຍອດຂອງການປະຕິວັດປົດປ່ອຍຊາດ ຕາມເສັ້ນທາງກຳມະຊີບ. ນັ້ນແມ່ນໄຊຊະນະຂອງພູມປັນຍາ ແລະ ສິລະປະການນຳທີ່ສະຫຼາດສ່ອງໃສຂອງພັກກອມມູນິດ ຫວຽດນາມ ທີ່ນຳໂດຍປະທານ ໂຮ່ຈິມິນ. ນີ້ແມ່ນຄຳຢືນຢັນຂອງ ພົນຕີ ຫງວຽນວັນດຶກ ຫົວໜ້າກົມໂຄສະນາສຶກສາ ກົມໃຫຍ່ການເມືອງກອງທັບປະຊາຊົນ ຫວຽດນາມ ໃນກອງປະຊຸມສຳມະນາ “ກຳລັງແຮງທາງການເມືອງຈິດໃຈປະຕິວັດເດືອນສິງຫາ ປີ 1945 - ຄວາມໝາຍຕໍ່ພາລະກິດສ້າງສາ ແລະ ປົກປັກຮັກສາປະເທດສັງຄົມນິຍົມ ຫວຽດນາມ ໃນສັງກາດໃໝ່” ຊຶ່ງຈັດຂຶ້ນຫວ່າງມໍ່ໆມານີ້ ຢູ່ນະຄອນຫຼວງຮ່າໂນ້ຍ ໂດຍ ໂຮງຮຽນນາຍທະຫານການເມືອງ, ສົມທົບກັບກົມໂຄສະນາສຶກສາ ແລະ ໜັງສືພິມປະຊາຊົນ ຈັດຂຶ້ນ.

ເກາະບາຫຼີ ຕ້ອນຮັບນັກທ່ອງທ່ຽວຕ່າງປະເທດ 4 ລ້ານກວ່າຄົນ

08/08/2025 13:03

ຂ່າວຕ່າງປະເທດລາຍງານ ໃນວັນທີ 6 ສິງຫາ ຜ່ານມາວ່າ: ທ່ານ ອີ ວາຍັນ ສຸມາຣາຈາຍາ ຫົວໜ້າຫ້ອງການທ່ອງທ່ຽວແຂວງບາຫຼີ ອິນໂດເນເຊຍ ກ່າວວ່າ, ເກາະບາຫຼີ ເປັນຈຸດໝາຍການທ່ອງທ່ຽວຊັ້ນນໍາຂອງປະເທດ, ໂດຍໄດ້ຕ້ອນຮັບນັກທ່ອງທ່ຽວຕ່າງປະເທດຫຼາຍກວ່າ 4 ລ້ານຄົນ ໃນລະຫວ່າງເດືອນມັງກອນ ຫາ ເດືອນກໍລະກົດ 2025 ເພີ່ມຂຶ້ນຈາກ 3.89 ລ້ານຄົນໃນໄລຍະດຽວກັນຂອງປີ 2024. ສ່ວນຈຳນວນທ່ອງທ່ຽວພາຍໃນປະເທດສູງເຖິງ 5 ລ້ານເທື່ອຄົນ.

ເດັກນ້ອຍທີ່ຕິດໜ້າຈໍ ສ່ຽງຕໍ່ໂຣກຫົວໃຈ - ລະບົບເຜົາຜານ ຫຼາຍກວ່າຜູ້ໃຫຍ່

08/08/2025 13:02

ຂ່າວຕ່າງປະເທດລາຍງານຈາກນະຄອນຫຼວງໂກເປັນຮາກ ປະເທດດານມາກ ໃນວັນທີ 7 ສິງຫາ ຜ່ານມາວ່າ: ການຄົ້ນຄວ້າທີ່ລົງພິມໃນວາລະສານຂອງສະມາຄົມໂຣກຫົວໃຈ ສະຫະລັດ ອາເມຣິກາ (Journal of the American Heart Association) ໄດ້ສຶກສາພຶດຕິກຳການໃຊ້ໜ້າຈໍ ແລະ ການນອນຫຼັບຂອງໄວໜຸ່ມ ອາຍຸ 10 ແລະ 18 ປີ ຫຼາຍກວ່າ 1,000 ຄົນ ລວມເຖິງຄວາມສ່ຽງຕໍ່ຫົວໃຈ ແລະ ລະບົບເຜົາຜານ.

ຟິລິບປິນ ຈະໂຈະການນຳເຂົ້າເຂົ້າສານເປັນເວລາ 60 ວັນ

08/08/2025 13:00

ຂ່າວຕ່າງປະເທດລາຍງານວ່າ: ໃນວັນທີ 6 ສິງຫາ ຜ່ານມາ, ລັດຖະບານຟີລິບປິນໄດ້ອອກຄຳສັ່ງຈະໂຈະການນຳເຂົ້າເຂົ້າສານເປັນການຊົ່ວຄາວ ເປັນເວລາ 60 ວັນ ເລີ່ມແຕ່ວັນທີ 1 ກັນຍາໜ້ານີ້ເປັນຕົ້ນໄປ, ເພື່ອປົກປ້ອງຊາວກະສິກອນທີ່ໄດ້ຮັບຜົນກະທົບຍ້ອນລາຄາເຂົ້າສານຫຼຸດລົງໃນລະດູການເກັບກ່ຽວ. ລັດຖະບານຟີລິບປິນຫວັງຈະເຮັດໃຫ້ລາຄາເຂົ້າສານໝັ້ນທ່ຽງໂດຍຜ່ານການໂຈະການນຳເຂົ້າເຂົ້າສານເປັນການຊົ່ວຄາວ.

ເປີດງານກິລາໂລກຄັ້ງທີ 12 ຢ່າງເປັນທາງການ

08/08/2025 12:59

ຂ່າວສານຊີອາໄອລາຍງານວ່າ: ງານກິລາໂລກຄັ້ງທີ 12 ໄດ້ເປີດຂຶ້ນຢ່າງເປັນທາງການໃນຕອນຄ່ຳວັນທີ 7 ສິງຫານີ້ຢູ່ນະຄອນເສີງຕູ່ ແຂວງເສສວນ ປະເທດຈີນ.

ກອງປະຊຸມສະໄໝສາມັນປະຈຳເດືອນກໍລະກົດ ຂອງລັດຖະບານຫວຽດນາມ

08/08/2025 12:57

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 7 ສິງຫາ ຜ່ານມາ ຢູ່ສຳນັກງານລັດຖະບານ, ທ່ານ ຟ້າມມິນຈິງ ນາຍົກລັດຖະມົນຕີ ຫວຽດນາມ ໄດ້ເປັນປະທານກອງປະຊຸມສະໄໝສາມັນປະຈຳເດືອນກໍລະກົດ ຂອງລັດຖະບານ. ກອງປະຊຸມໄດ້ຈັດຂຶ້ນແບບທາງໄກກັບ 34 ແຂວງ, ນະຄອນຂຶ້ນກັບສູນກາງ ເພື່ອປຶກສາຫາລືກ່ຽວກັບສະພາບການເສດຖະກິດ - ສັງຄົມ ໃນເດືອນກໍລະກົດ ແລະ 7 ເດືອນຂອງປີ 2025; ສະພາບການປ່ອຍເງິນລົງທຶນສາທາລະນະ, 3 ໂຄງການເປົ້າໝາຍແຫ່ງຊາດ, ການຮັບມືກັບນະໂຍບາຍພາສີອາກອນຂອງ ສະຫະລັດ ອາເມຣິກາ.

ເພີ່ມເຕີມ