ຂ່າວລະບຸວ່າ:ETA ແມ່ນລະບົບອະນຸມັດການເດີນທາງລ່ວງໜ້າສໍາລັບນັກທ່ອງທ່ຽວຈາກປະເທດທີ່ບໍ່ຕ້ອງຂໍວີຊາ. ໂດຍອັງກິດເລີ່ມນຳໃຊ້ຄັ້ງທຳອິດໃນປີ 2024 ກັບ 6 ປະເທດໃນຕາເວັນອອກກາງຄື: ບາເຣນ, ກູເວດ, ໂອມັນ, ກາຕາ, ຊາອຸດິດ ອາຣັບບີ ແລະສະຫະລັດອາຣັບເອມີເຣດ ກ່ອນທີ່ຈະຂະຫຍາຍໄປປະເທດອື່ນໆໃນຮອບນີ້.
ເຖິງແມ່ນວ່າຈະໄດ້ETA ແລ້ວ, ນັກທ່ອງທ່ຽວຍັງຕ້ອງຜ່ານການກວດຄົນເຂົ້າເມືອງເມື່ອເດີນທາງມາຮອດ ຊຶ່ງຄ້າຍຄືກັນກັບລະບົບໃນສະຫະລັດ ອາເມຣິກາ ທີ່ໃຊ້ກັບພົນລະເມືອງຈາກສະຫະພາບເອີຣົບ (EU), ອັງກິດແລະປະເທດອື່ນໆທີ່ບໍ່ຕ້ອງການວີຊາ. ພ້ອມກັນນັ້ນ, ໃນທ້າຍປີ 2025, EU ຈະເລີ່ມນຳໃຊ້ລະບົບດຽວກັນສຳລັບພົນລະເມືອງສະຫະລັດ ອາເມລິກາ ແລະປະເທດອື່ນໆທີ່ມີເງື່ອນໄຂຄ້າຍຄືກັນ.
ສໍາລັບຜູ້ທີ່ມີວີຊາ ຫຼືໄດ້ຮັບອະນຸຍາດໃຫ້ຢູ່ອາໄສ, ເຮັດວຽກຫຼືສຶກສາໃນປະເທດອັງກິດ ບໍ່ຈໍາເປັນຕ້ອງຂໍ ETA.
ຜູ້ທີ່ຕ້ອງການທີ່ຈະຂໍ ETA ສາມາດສະໝັກອອນລາຍໂດຍຜ່ານແອັບ ETA ຂອງອັງກິດ ໄດ້ທັງລະບົບ iOS ແລະ Android ໂດຍມີຄ່າທໍານຽມ 10 ປອນ (ສະກຸນເງິນອັງກິດ) ຊຶ່ງ ETA ຈະມີອາຍຸ2 ປີແລະໃຊ້ເດີນທາງເຂົ້າອັງກິດໄດ້ຄັ້ງລະບໍ່ເກີນ6 ເດືອນ.
ທັງນີ້, ຜູ້ສະໝັກຕ້ອງອັບໂຫຼດຮູບພາສປອດ ແລະຮູບຖ່າຍຂອງຕົນເອງ. ໂດຍຜົນຂອງການພິຈາລະນາຈະຖືກສົ່ງໄປທາງອີເມວພາຍໃນປະມານ 3 ມື້.
ຄໍາເຫັນ