 |
ທ່ານ ໂພໄຊ ອິນທະວົງສາ ປະທານຄະນະກໍາມະການປົກຄອງເມືອງ ອຸທຸມພອນ ໃຫ້ຮູ້ວ່າ: ການຈັດຕັ້ງ ປະຕິບັດໃນການຂຶ້ນທະບຽນອອກໃບຕາດິນໃຫ້ປະຊາຊົນທີ່ໄດ້ຮັບການຊົດເຊີຍຈາກຜົນກະທົບຂອງໂຄງການ ຊົນລະປະທານ ແລະ ຊົນລະກະເສດອ່າງເກັບນໍ້າ ຍອດຫ້ວຍທ່າຮາວ ບ້ານ ນາຄໍາ ມີເນື້ອທີ່ດິນທີ່ບຸກເບີກແລ້ວ 24 ຕອນ ແລະ ເນື້ອທີ່ດິນທີ່ຍັງບໍ່ທັນບຸກເບີກ 14 ຕອນ, ລວມທັງໝົດມີຈໍານວນຕອນດິນ 38 ຕອນ. ຕາມ ການສະເໜີຂອງ ບໍລິສັດ ແລະ ສາມາດວັດແທກຕອນດິນໃຫ້ປະຊາຊົນໄດ້ທັງໝົດ 46 ຕອນ, ເກີນແຜນ 8 ຕອນ, ເນື່ອງຈາກວ່າ ເວລາການລົງສໍາຫຼວດວັດແທກນັ້ນ ມີປະຊາຊົນຈໍານວນໜຶ່ງສະເໜີໃຫ້ແບ່ງປັັນດິນ ຊຶ່ງເປັນດິນມູນມໍລະດົກໃຫ້ ເພື່ອບໍ່ໃຫ້ມີບັນຫາດ້ານສິດການນໍາໃຊ້ທີ່ດິນໃນອານາຄົດຕໍ່ໜ້າ. ສະນັ້ນ, ການ ລົງສໍາຫຼວດ ຕາມການສະເໜີ ຂອງບໍລິສັດໃນຄັ້ງນີ້ ແມ່ນໄດ້ຮັບຜົນສໍາເລັດຕາມລະດັບຄາດໝາຍ ທີ່ວາງໄວ້.
ຈາກນັ້ນ, ທ່ານ ນາງ ເພັດສະໝອນ ເພັງສະຫວັດ ປະທານ ບໍລິສັດ ເພັດຖາວອນກໍ່ສ້າງເຄຫາ, ຂົວທາງ ແລະ ຊົນລະປະທານ ຜູ້ຮັບເໝົາກໍ່ສ້າງ ລາຍງານວ່າ: ຖ້າຫາກວ່າໂຄງການນີ້ສໍາເລັດແມ່ນສາມາດຫົດເນື້ອທີ່ນາ ປີໄດ້ 1,700 ເຮັກຕາ, ນາແຊງ 700 ເຮັກຕາ ແລະ ບ້ານທີ່ໄດ້ຮັບຜົນປະໂຫຍດຈາກໂຄງການນີ້ມີ 9 ບ້ານ.
ທ່ານ ນາງ ເພັດສະໝອນ ເພັງສະຫວັດ ຍັງຢືນຢັນອີກວ່າ: ທາງບໍລິສັດພວກເຮົາຍັງສືບຕໍ່ ໃນການກໍ່ ສ້າງ ແລະ ຈະເຮັດໃຫ້ສໍາເລັດຕາມແຜນການ. ໂຄງການນີ້ເປັນໂຄງການຕ້ານແລ້ງ ໃຫ້ກັບປະຊາຊົນໃນເຂດ ບ້ານ ນາຄໍາ ກໍຄືບ້ານໄກ້ຄຽງ
ທ່ານ ສຸລິຕ້າ ດວງວັນນາ ຮອງຫົວໜ້າຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງ ໄດ້ຜ່ານລາຍຊື່ຄອບຄົວທີ່ໄດ້ຮັບໃບຕາດິນຊົດເຊີຍທີ່ຖືກຜົນກະທົບຈາກໂຄງການດັ່ງກ່າວ, ມີຈໍານວນ 38 ຄອບຄົວ, ມີ 46 ຕອນ, ໃນເນື້ອທີ່ 92 ເຮັກຕາກວ່າ, ໃຫ້ກຽດມອບໃບຕາດິນຊົດເຊີຍຄັ້ງນີ້ ໂດຍແມ່ນ ທ່ານ ທອງໃສ ໄຊຍະວົງຄໍາດີ ຮອງປະທານຄະນະກໍາມະການປົກຄອງແຂວງສະຫວັນນະເຂດ. ພິທີມອບໃບຕາດິນ ໄດ້ຈັດຂຶ້ນ ໃນວັນທີ 19 ພະຈິກນີ້ ຢູ່ທີ່ໂຄງການດັ່ງກ່າວ
(ພາບ,ຂ່າວ: ບຸນຊູ ພົມມະເທບ)
ຄໍາເຫັນ