 |
ທັງເປັນການເຄື່ອນໄຫວຢ້ຽມຢາມ ແລະ ມອບເຄື່ອງຊ່ວຍເຫຼືອ ຕ່າງໆ ໃຫ້ເມືອວຈຳປາສັກ. ນີ້ແມ່ນໂອກາດສຳລັບສອງໜ່ວຍງານ ທີ່ຈະຮ່ວມມືກັນໃນກິດຈະກຳສະຫວັດດີການສັງຄົມ ແລະ ເບິ່ງແຍງຊີວິດຂອງຜູ້ດ້ອຍໂອກາດ, ເຊິ່ງເປັນໂຄງການທີ່ຊາວໜຸ່ມຫວຽດນາມ ແລະ ລາວ ໄດ້ສ້າງຂຶ້ນມາເປັນເວລາຫຼາຍປີ. ຊຶ່ງກິດຈະກໍ່ດັ່ງກ່າວ ມີມູນຄ່າທັງໝົດ 103,000,000 ກີບລວມມີ:1. ມອບພັດລົມໂຄຈອນ 14 ໜ່ວຍ, ໃຫ້ແກ່ໂຮງຮຽນປະຖົມຈຳປາສັກ ລລມມູນຄ່າ 14,000,0000 ກີບ,ມອບພັດລົມຕິດຝາ 10 ເຄື່ອງໃຫ້ໂຮງຮຽນອະນຸບານຈຳປາສັກ ມູນຄ່າ 10,000,0000 ກີບ, ມອບແຜ່ນໂຟມປູພື້ນຈຳນວນ 150 ແມັດ, ໃຫ້ແກ່ໂຮງຮຽນອະນຸບານຈຳປາສັກ ມູນຄ່າ 15,000,000 ກີບ,ມອບຫລອດໄຟພະລັງງານແສງຕາເວັນ 15 ຫຼອດສຳລັບໂຄງການແສງສະຫວ່າງ ມູນຄ່າ 40,000,000 ກີບ ທີ່ບ້ານໄຮ່ ຈຳນວນ 5 ດອກ ແລະ ບ້ານວັດຫຼວງເກົ່າ ຈຳນວນ 10 ດອກ,ມອບນົມ 200 ແກັດໃຫ້ກັບນັກຮຽນທີ່ເຂົ້າຮ່ວມກິດຈະກຳ ມູນຄ່າ 24,000,000 ກີບແລະ ມອບທຸງຊາດລາວ ຈຳນວນ 100 ຜືນໃຫ້ແກ່ຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ ເມືອງຈຳປາສັກ.
ນອກຈາກນີ້, ຍັງມີພິທີພົບປະມິດຕະພາບ ຢູ່ທີ່ສະໂມສອນເມືອງຈຳປາສັກ ພາຍໃຕ້ການເປັນປະທານ ຂອງ ທ່ານ ຄຳພູ ສີພົມມາ, ຮອງເລຂາພັກເມືອງ, ປະທານອົງການກວດກາລັດເມືອງ, ຜູ້ຊີ້ນຳອົງການຈັດຕັ້ງມະຫາຊົນ ແລະ ທ່ານ ຕົງ ຮວ່າງ ກວນ, ຄະນະກຳມະການ ບໍລິຫານກຸ່ມ G9-ເພື່ອຮອຍຍິ້ມຂອງເດັກ, ສະຫະພັນຊາວໜຸ່ມນະຄອນໂຮ່ຈີມິນ ໂດຍມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ຮອງຫົວໜ້າຫ້ອງການ, ຄະນະອາສາສະໝັກລະດູຮ້ອນ, ຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ ເມືອງຈໍາປາສັກ, ຄູ-ອາຈານ ແລະ ນັກຮຽນ ເຂົ້າຮ່ວມ.
ຈາກນັ້ນ, ໄດ້ມີການຈັດກິດຈະກຳຮ່ວມກັບນັກຮຽນປະຖົມ ແລະ ອະນຸບານ ຈຳນວນ 200ຄົນ ແລະ ໄດ້ມີການມອບໃບກຽດຕິຄຸນ ໃຫ້ແກ່ອາສາສະໝັກລະດູຮ້ອນ ທັງ 30ຄົນ ທີ່ໄດ້ມາເຄື່ອນໄຫວວຽກງານອາສາສະໝັກຢ່າງຕັ້ງໜ້າ ຢູ່ເມືອງຈຳຈ, ແຂວງຈຳປາສັກ. ພາຍຫຼັງພິທີ ຍັງໄດ້ມີການບາຍສີສູ່ຂວັນ ໃຫ້ແກ່ຄະນະອາສາສະໝັກທີ່ເຂົ້າຮ່ວມ ຕາມຮີດຄອງປະເພນີຂອງລາວ.ຂ່າວ-ພາບ. ໄຊນະສິດ ສີຫາວົງ
ຄໍາເຫັນ