ຢູ່ອາເມຣິກາໃຕ້, ປະເທດເປຣູ ແລະ ໂກໂລມບີ ພວມປະເຊີນກັບເຫດແຜ່ນດິນໄຫວ ໃນສະພາບການວຽກງານກູ້ໄພກູ້ຊີບສາກົນພວມດຳເນີນ ເພື່ອແນໃສ່ແກ້ໄຂຜົນຮ້າຍຢ້ອນຫຼັງຂອງເຫດແຜ່ນດິນໄຫວທີ່ເກີດຂຶ້ນໃນວັນທີ 10 ສິງຫາ ແລະ ປະເທດເປຣູ ພວມຢູ່ໃນສະພາບເຝົ້າລະວັງ ພາຍຫຼັງຮັບຮູ້ແຮງສັ່ນສະເທືອນຢ່າງຕໍ່ເນື່ອງໃນວັນທີ 14 – 15 ສິງຫາ ຢູ່ຫຼາຍເຂດຂອງປະເທດ. ໃນຂະນະນັ້ນ, ໄພພິບັດແຜ່ນດິນໄຫວໃນວັນທີ 10 ສິງຫາ ຢູ່ ໂກໂລມບີ ເຮັດໃຫ້ມີຜູ້ເສຍຊີວິດ 294 ຄົນ, 300 ກວ່າຄົນຖືກຫາຍສາບສູນ ແລະ ນັບພັນໆຄົນຖືກບາດເຈັບ.
ສ່ວນຢູ່ເຂດອາຊີຕາເວັນອອກສ່ຽງໃຕ້, ປະເທດອິນໂດເນເຊຍ ຕ້ອງປະເຊີນກັບແຜ່ນດິນໄຫວ 3 ຄັ້ງມີຄວາມແຮງແຕ່ 6.2 – 7.7 ຣິກເຕີ ຢູ່ເກາະສຸມາຕຣາ, ເກາະຊູລາເວສີກາງ ແລະ ແຂວງນູຊາ ເຕງກາຣາ ຕາເວັນອອກ. ເຫດແຜ່ນດິນໄຫວຢູ່ແຂວງນູຊາ ເຕງກາຣາ ຕາເວັນອອກ ໄດ້ເຮັດໃຫ້ມີຢ່າງໜ້ອຍສຸດ 53 ຄົນເສຍຊີວິດ, 130 ກວ່າຄົນຖືກບາດເຈັບ ແລະ ປະມານ 5,000 ຄົນ ໄດ້ອົບພະຍົບ ຍ້ອນແຜ່ນດິນໄຫວ ເຮັດໃຫ້ດິນເຊາະເຈື່ອນ, ເຮືຶອນຊານເປ່ເພ ແລະ ເສັ້ນທາງຖືກຕັດຂາດ.
ຄໍາເຫັນ