ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX (2021-2025) ໃນໄລຍະກາງສະໄໝແຂວງອັດຕະປືໄດ້ສົ່ງເສີມໃຫ້ແມ່ຍິງ ແລະ ເດັກນ້ອຍໄດ້ເຂົ້າເຖິງການພັດທະນາ, ມີຄວາມສະເໝີພາບຍິງ-ຊາຍ ແລະ ໄດ້ຮັບການປົກປ້ອງສິດ-ຜົນປະໂຫຍດຢ່າງເຕັມສ່ວນ.
ທ່ານ ເລັດ ໄຊຍະພອນ ເຈົ້າແຂວງອັດຕະປືກ່າວວ່າ: 2 ປີເຄິ່ງຜ່ານມາ,ແຂວງໄດ້ເອົາໃຈໃສ່ພັດທະນາແມ່ຍິງ-ເດັກນ້ອຍໃຫ້ມີຄວາມພ້ອມທຸກດ້ານ ໃນການປະກອບສ່ວນພັດທະນາເສດຖະກິດ-ສັງຄົມຄຽງຄູ່ກັບການປົກປ້ອງສິດຜົນປະໂຫຍດຂອງແມ່ຍິງ-ເດັກນ້ອຍ, ຊົນເຜົ່າ ໂດຍໃຫ້ການບໍລິການຊ່ວຍເຫຼືອອຸດໜູນທີ່ຈໍາເປັນ ເພື່ອພັດທະນາຊີວິດການເປັນຢູ່ຂອງເຂົາເຈົ້າໃຫ້ດີຂຶ້ນ.ສົ່ງເສີມ ແລະ ສ້າງເງື່ອນໄຂໃຫ້ແມ່ຍິງໄດ້ບັນຈຸສັບຊ້ອນເຂົ້າໃນຕຳແໜ່ງນຳພາ-ຄຸ້ມຄອງໃນຂັ້ນຕ່າງໆເຊັ່ນ: ສະມາຊິກສະພາແຫ່ງຊາດ 6 ທ່ານຍິງ 2 ທ່ານ ກວມ 33% ແລະ ສະມາຊິກສະພາປະຊາຊົນຂັ້ນແຂວງ 21 ທ່ານຍິງ 7 ທ່ານ ກວມ 33%, ຮອງເລຂາພັກແຂວງ 2 ທ່ານ ຍິງ 1 ທ່ານ ກວມ 50%, ຄະນະປະຈຳພັກແຂວງ 11 ທ່ານຍິງ 2 ທ່ານ ກວມ 18%, ກຳມະການພັກແຂວງ 22 ທ່ານຍິງ 3 ທ່ານ ກວມເອົາ 13%, ກຳມະການພັກເມືອງ 95 ທ່ານຍິງ 15 ທ່ານ ກວມ 15,7%, ແຂວງໄດ້ຊຸກຍູ້ແມ່ຍິງເຂົ້າຮ່ວມຄົ້ນຄ້ວາ, ເຊື່ອມຊຶມແນວທາງນະໂຍບາຍຂອງພັກ, ລັດຖະທໍາມະນູນ, ກົດໝາຍ, ສົນທິສັນຍາຕ່າງໆທີ່ພົວພັນເຖິງແມ່ຍິງ ແລະ ເດັກ, ແຜນພັດທະນາ, ມູນເຊື້ອປະຫວັດສາດຂອງພັກ, ຂອງຊາດ,ຝຶກອົບຮົມ,ໂຄສະນາ-ປາຖະກະຖາໄດ້ 29 ຄັ້ງມີຜູ້ເຂົ້າຮ່ວມ37.197 ເທື່ອຄົນຍິງ 30.041 ເທື່ອຄົນ ກວມ 65,5% ຂອງແມ່ຍິງໃນກຸ່ມເປົ້າໝາຍ, ປ້ອງກັນ, ສະກັດກັ້ນແລະຕ້ານການໃຊ້ຄວາມຮຸນແຮງຕໍ່ແມ່ຍິງແລະເດັກ, ການຄ້າມະນຸດແລະການແຕ່ງງານກ່ອນໄວຂອງເດັກຍິງ; ສ້າງຄວາມເຂັ້ມແຂງ, ຕິດຕາມການປະເມີນວຽກງານໃຫ້ຄຳປຶກສາປົກປ້ອງແມ່ຍິງແລະເດັກນ້ອຍທີ່ມີບັນຫາໃນຄອບຄົວແລະສັງຄົມ.
ຈັດຕັ້ງຜັນຂະຫຍາຍບັນດານິຕິກຳກ່ຽວກັບການສົ່ງເສີມບົດບາດຍິງ-ຊາຍ ຕິດພັນກັບການເຜີຍແຜ່ເຊື່ອມຊຶມເນື້ອໃນຂໍ້ແຂ່ງຂັນ 3 ດີປະຕິບັດໄດ້ 5 ຄັ້ງມີຜູ້ເຂົ້າຮ່ວມ 13.475 ເທື່ອຄົນ, ຝຶກອົບຮົມກ່ຽວກັບບົດບາດຍິງ-ຊາຍ ມີຜູ້ເຂົ້າຮ່ວມ 168 ຄົນຍິງ 9 ຄົນ, ສົ່ງເສີມແມ່ຍິງບັນດາເຜົ່າອ້ອມຂ້າງແຂວງ-ເມືອງເຂົ້າຮ່ວມດຳເນີນກິດຈະການຕ່າງໆ ເພື່ອສ້າງລາຍຮັບໃຫ້ແກ່ຄອບຄົວເຊັ່ນ: ການຜະລິດກະສິກຳເປັນສິນຄ້າ, ຫັດຖະກຳຈັກສານ, ຕໍ່າຫູກ, ການປູກຝັງ-ລ້ຽງສັດເປັນຟາມ, ການປຸງແຕ່ງອາຫານ, ການບໍລິການຮ້ານອາຫານ, ບ້ານພັກ-ໂຮງແຮມ, ສະຖານທີ່ທ່ອງທ່ຽວຕ່າງໆ, ແມ່ຄ້າຊາວຂາຍ, ນັກທຸລະກິດປະກອບສ່ວນເຂົ້າໃນອົງການຈັດຕັ້ງຂອງສາມະຄົມນັກທຸລະກິດຍິງ ເພື່ອເຕົ້າໂຮມຄວາມສາມັກຄີ ແລກປ່ຽນບົດຮຽນໃນການດຳເນີນທຸລະກິດ. ພ້ອມນີ້,ແຂວງໄດ້ຊຸກຍູ້ສົ່ງເສີມການເຄື່ອນໄຫວວຽກງານຂອງກອງທຶນ ຊຶ່ງມາຮອດປັດຈຸບັນໄດ້ຈັດຕັ້ງກຸ່ມທ້ອນເງິນອົງການສຸພານິມິດມີສະມາຊິກ 849 ຄົນ, ມີທຶນໝູນວຽນ 593 ລ້ານກີບ; ກຸ່ມທ້ອນເງິນຂອງອຸຍນີເຊັບ (ສູນໄພພິບັດ) ມີສະມາຊິກ 147 ຄົນ, ມີທຶນໝູນວຽນ 358 ລ້ານກີບ; ກຸ່ມທ້ອນເງິນແມ່ຍິງອ້ອມຂ້າງແຂວງ 27 ໜ່ວຍມີສະມາຊິກ 231 ຄົນ, ທຶນໝູນວຽນ 408 ລ້ານກີບ.
ຂ່າວ: ວັນໄຊ ຕະວິນຍານ
ທ່ານ ເລັດ ໄຊຍະພອນ ເຈົ້າແຂວງອັດຕະປືກ່າວວ່າ: 2 ປີເຄິ່ງຜ່ານມາ,ແຂວງໄດ້ເອົາໃຈໃສ່ພັດທະນາແມ່ຍິງ-ເດັກນ້ອຍໃຫ້ມີຄວາມພ້ອມທຸກດ້ານ ໃນການປະກອບສ່ວນພັດທະນາເສດຖະກິດ-ສັງຄົມຄຽງຄູ່ກັບການປົກປ້ອງສິດຜົນປະໂຫຍດຂອງແມ່ຍິງ-ເດັກນ້ອຍ, ຊົນເຜົ່າ ໂດຍໃຫ້ການບໍລິການຊ່ວຍເຫຼືອອຸດໜູນທີ່ຈໍາເປັນ ເພື່ອພັດທະນາຊີວິດການເປັນຢູ່ຂອງເຂົາເຈົ້າໃຫ້ດີຂຶ້ນ.ສົ່ງເສີມ ແລະ ສ້າງເງື່ອນໄຂໃຫ້ແມ່ຍິງໄດ້ບັນຈຸສັບຊ້ອນເຂົ້າໃນຕຳແໜ່ງນຳພາ-ຄຸ້ມຄອງໃນຂັ້ນຕ່າງໆເຊັ່ນ: ສະມາຊິກສະພາແຫ່ງຊາດ 6 ທ່ານຍິງ 2 ທ່ານ ກວມ 33% ແລະ ສະມາຊິກສະພາປະຊາຊົນຂັ້ນແຂວງ 21 ທ່ານຍິງ 7 ທ່ານ ກວມ 33%, ຮອງເລຂາພັກແຂວງ 2 ທ່ານ ຍິງ 1 ທ່ານ ກວມ 50%, ຄະນະປະຈຳພັກແຂວງ 11 ທ່ານຍິງ 2 ທ່ານ ກວມ 18%, ກຳມະການພັກແຂວງ 22 ທ່ານຍິງ 3 ທ່ານ ກວມເອົາ 13%, ກຳມະການພັກເມືອງ 95 ທ່ານຍິງ 15 ທ່ານ ກວມ 15,7%, ແຂວງໄດ້ຊຸກຍູ້ແມ່ຍິງເຂົ້າຮ່ວມຄົ້ນຄ້ວາ, ເຊື່ອມຊຶມແນວທາງນະໂຍບາຍຂອງພັກ, ລັດຖະທໍາມະນູນ, ກົດໝາຍ, ສົນທິສັນຍາຕ່າງໆທີ່ພົວພັນເຖິງແມ່ຍິງ ແລະ ເດັກ, ແຜນພັດທະນາ, ມູນເຊື້ອປະຫວັດສາດຂອງພັກ, ຂອງຊາດ,ຝຶກອົບຮົມ,ໂຄສະນາ-ປາຖະກະຖາໄດ້ 29 ຄັ້ງມີຜູ້ເຂົ້າຮ່ວມ37.197 ເທື່ອຄົນຍິງ 30.041 ເທື່ອຄົນ ກວມ 65,5% ຂອງແມ່ຍິງໃນກຸ່ມເປົ້າໝາຍ, ປ້ອງກັນ, ສະກັດກັ້ນແລະຕ້ານການໃຊ້ຄວາມຮຸນແຮງຕໍ່ແມ່ຍິງແລະເດັກ, ການຄ້າມະນຸດແລະການແຕ່ງງານກ່ອນໄວຂອງເດັກຍິງ; ສ້າງຄວາມເຂັ້ມແຂງ, ຕິດຕາມການປະເມີນວຽກງານໃຫ້ຄຳປຶກສາປົກປ້ອງແມ່ຍິງແລະເດັກນ້ອຍທີ່ມີບັນຫາໃນຄອບຄົວແລະສັງຄົມ.
ຈັດຕັ້ງຜັນຂະຫຍາຍບັນດານິຕິກຳກ່ຽວກັບການສົ່ງເສີມບົດບາດຍິງ-ຊາຍ ຕິດພັນກັບການເຜີຍແຜ່ເຊື່ອມຊຶມເນື້ອໃນຂໍ້ແຂ່ງຂັນ 3 ດີປະຕິບັດໄດ້ 5 ຄັ້ງມີຜູ້ເຂົ້າຮ່ວມ 13.475 ເທື່ອຄົນ, ຝຶກອົບຮົມກ່ຽວກັບບົດບາດຍິງ-ຊາຍ ມີຜູ້ເຂົ້າຮ່ວມ 168 ຄົນຍິງ 9 ຄົນ, ສົ່ງເສີມແມ່ຍິງບັນດາເຜົ່າອ້ອມຂ້າງແຂວງ-ເມືອງເຂົ້າຮ່ວມດຳເນີນກິດຈະການຕ່າງໆ ເພື່ອສ້າງລາຍຮັບໃຫ້ແກ່ຄອບຄົວເຊັ່ນ: ການຜະລິດກະສິກຳເປັນສິນຄ້າ, ຫັດຖະກຳຈັກສານ, ຕໍ່າຫູກ, ການປູກຝັງ-ລ້ຽງສັດເປັນຟາມ, ການປຸງແຕ່ງອາຫານ, ການບໍລິການຮ້ານອາຫານ, ບ້ານພັກ-ໂຮງແຮມ, ສະຖານທີ່ທ່ອງທ່ຽວຕ່າງໆ, ແມ່ຄ້າຊາວຂາຍ, ນັກທຸລະກິດປະກອບສ່ວນເຂົ້າໃນອົງການຈັດຕັ້ງຂອງສາມະຄົມນັກທຸລະກິດຍິງ ເພື່ອເຕົ້າໂຮມຄວາມສາມັກຄີ ແລກປ່ຽນບົດຮຽນໃນການດຳເນີນທຸລະກິດ. ພ້ອມນີ້,ແຂວງໄດ້ຊຸກຍູ້ສົ່ງເສີມການເຄື່ອນໄຫວວຽກງານຂອງກອງທຶນ ຊຶ່ງມາຮອດປັດຈຸບັນໄດ້ຈັດຕັ້ງກຸ່ມທ້ອນເງິນອົງການສຸພານິມິດມີສະມາຊິກ 849 ຄົນ, ມີທຶນໝູນວຽນ 593 ລ້ານກີບ; ກຸ່ມທ້ອນເງິນຂອງອຸຍນີເຊັບ (ສູນໄພພິບັດ) ມີສະມາຊິກ 147 ຄົນ, ມີທຶນໝູນວຽນ 358 ລ້ານກີບ; ກຸ່ມທ້ອນເງິນແມ່ຍິງອ້ອມຂ້າງແຂວງ 27 ໜ່ວຍມີສະມາຊິກ 231 ຄົນ, ທຶນໝູນວຽນ 408 ລ້ານກີບ.
ຂ່າວ: ວັນໄຊ ຕະວິນຍານ
ຄໍາເຫັນ