ຂ່າວສານຫວຽດນາມລາຍງານວ່າ: ກະຊວງການຄ້າ ແລະ ອຸດສາຫະກຳ ອິນເດຍ ແຈ້ງໃຫ້ຮູ້ວ່າ: ອິນເດຍ ແລະ ບັນດາປະເທດສະມາຊິກອາຊຽນ ໄດ້ຈັດກອງປະຊຸມຄະນະກຳມະການຮ່ວມ ຄັ້ງທີ 4 ເພື່ອກວດກາຄືນບັນດາສັນຍາການຄ້າ ອາຊຽນ-ອິນເດຍ (AITIGA) ຢູ່ ປຸຕຣາຈາຍາ (ມາເລເຊຍ) ເມື່ອບໍ່ດົນມານີ້. ໂດຍການເປັນປະທານຮ່ວມຂອງທ່ານ ຣາເຈຊ ອາຣາວາລ ຜູ້ຊ່ວຍລັດຖະມົນຕີກະຊວງການຄ້າ ແລະ ອຸດສາຫະກຳ ອິນເດຍ ແລະ ທ່ານ ມັສຕູຣາ ອາໝັດ ມຸສຕາຟາ ຮອງເລຂາຜູ້ຮັບຜິດຊອບດ້ານການຄ້າ ກະຊວງການລົງທຶນ, ການຄ້າ ແລະ ອຸດສາຫະກຳ ມາເລເຊຍ.
ໃນການພົບປະ, ບັນດາຜູ້ແທນໄດ້ປຶກສາຫາລື ແລະ ກວດກາ AITIGA ເພື່ອແນໃສ່ສ້າງຄວາມສະດວກໃຫ້ແກ່ການຄ້າ ແລະ ນຳມາ ຊຶ່ງຜົນປະໂຫຍດໃຫ້ບັນດາວິສາຫະກິດໃນພາກພື້ນ.
ແຈ້ງການລະບຸວ່າ: ມາຮອດປັດຈຸບັນ, ຄະນະກຳມະການຮ່ວມໄດ້ດຳເນີນການປະເມີນຜົນວຽກງານຂອງກອງປະຊຸມ 4 ຄັ້ງ. ຄະນະກໍາມະການໄດ້ສະຫຼຸບຂໍ້ກຳນົດໃນການອ້າງອີງ ແລະ ໂຄງສ້າງການເຈລະຈາຂອງກອງປະຊຸມ 2 ຄັ້ງທຳອິດ ແລະ ເລີ່ມການເຈລະຈາເພື່ອທົບທວນ AITIGA ຈາກກອງປະຊຸມຄັ້ງທີ 3 ທີ່ໄດ້ຈັດຂຶ້ນໃນລະຫວ່າງວັນທີ18-19 ກຸມພາ ຜ່ານມາ ຢູ່ ນີວເດລີ.
ອາຊຽນ ແມ່ນໜຶ່ງໃນຄູ່ຮ່ວມມືການຄ້າໃຫຍ່ຂອງອິນເດຍ ດ້ວຍຫຸ້ນສ່ວນ 11% ໃນການຄ້າໂລກຂອງອິນເດຍ. ວົງເງິນການຄ້າສອງຝ່າຍບັນລຸ 122,67 ຕື້ໂດລາ ໃນໄລຍະປີ 2023 - 2024. ການຍົກລະດັບ AITIGA ຈະຊ່ວຍຊຸກຍູ້ການຄ້າລະຫວ່າງສອງຝ່າຍຕື່ມອີກ.
ໃນການພົບປະ, ບັນດາຜູ້ແທນໄດ້ປຶກສາຫາລື ແລະ ກວດກາ AITIGA ເພື່ອແນໃສ່ສ້າງຄວາມສະດວກໃຫ້ແກ່ການຄ້າ ແລະ ນຳມາ ຊຶ່ງຜົນປະໂຫຍດໃຫ້ບັນດາວິສາຫະກິດໃນພາກພື້ນ.
ແຈ້ງການລະບຸວ່າ: ມາຮອດປັດຈຸບັນ, ຄະນະກຳມະການຮ່ວມໄດ້ດຳເນີນການປະເມີນຜົນວຽກງານຂອງກອງປະຊຸມ 4 ຄັ້ງ. ຄະນະກໍາມະການໄດ້ສະຫຼຸບຂໍ້ກຳນົດໃນການອ້າງອີງ ແລະ ໂຄງສ້າງການເຈລະຈາຂອງກອງປະຊຸມ 2 ຄັ້ງທຳອິດ ແລະ ເລີ່ມການເຈລະຈາເພື່ອທົບທວນ AITIGA ຈາກກອງປະຊຸມຄັ້ງທີ 3 ທີ່ໄດ້ຈັດຂຶ້ນໃນລະຫວ່າງວັນທີ18-19 ກຸມພາ ຜ່ານມາ ຢູ່ ນີວເດລີ.
ອາຊຽນ ແມ່ນໜຶ່ງໃນຄູ່ຮ່ວມມືການຄ້າໃຫຍ່ຂອງອິນເດຍ ດ້ວຍຫຸ້ນສ່ວນ 11% ໃນການຄ້າໂລກຂອງອິນເດຍ. ວົງເງິນການຄ້າສອງຝ່າຍບັນລຸ 122,67 ຕື້ໂດລາ ໃນໄລຍະປີ 2023 - 2024. ການຍົກລະດັບ AITIGA ຈະຊ່ວຍຊຸກຍູ້ການຄ້າລະຫວ່າງສອງຝ່າຍຕື່ມອີກ.
ຄໍາເຫັນ