ໂດຍ: ພູວັນ
ດ້ວຍຄວາມເອົາໃຈໃສ່ຂອງພັກ-ລັດຖະບານ, ອົງການປົກຄອງທຸກຂັ້ນ, ການຮ່ວມແຮງຮ່ວມໃຈຂອງປະ
ຊາຊົນລວມທັງການຊ່ວຍເຫຼືອຈາກອົງການຈັດຕັ້ງສາກົນ ແລະ ປະເທດເພື່ອນມິດເຮັດໃຫ້ການພັດທະນາເສດຖະ
ກິດ-ສັງຄົມຂອງແຂວງບໍລິຄຳໄຊດຳເນີນໄປໄດ້ປົກກະຕິ ແຕ່ໃນໄລຍະ 5 ປີຕໍ່ໜ້າ (2021-2025) ສປປ ລາວຍັງຈະສືບຕໍ່ປະເຊີນໜ້າກັບສິ່ງທ້າທາຍໃນຫຼາຍດ້ານ.
ດັ່ງນັ້ນ, ເພື່ອຮັບປະກັນໃຫ້ແຜນ 5 ປີ ຄັ້ງທີ V ຂອງແຂວງບໍລິຄຳໄຊ ສາມາດດຳເນີນໄປຕາມຈຸດປະສົງ
ແລະ ເປົ້າໝາຍທີ່ກໍານົດໄວ້ ພວກເຮົາຕ້ອງມີມາດຕະການແກ້ໄຂບັນຫາທັງໄລຍະສັ້ນ, ໄລຍະກາງ, ໄລຍະຍາວເຮັດ
ໃຫ້ແຜນ 5 ປີ ຄັ້ງທີ V ເປັນແຜນການທີ່ແນໃສ່ສ້າງຜົນປະໂຫຍດສູງສຸດຕໍ່ແຂວງ ແລະ ປະຊາຊົນເປັນສ່ວນໃຫຍ່
ຕາມເງື່ອນໄຂທີ່ຍືນຍົງ, ຕາມທິດສີຂຽວ ແລະ ຫຼຸດຜ່ອນຕົ້ນທຶນການພັດທະນາທີ່ບໍ່ຈຳເປັນ, ສ້າງໃຫ້ເປັນແຜນທີ່
ເຕົ້າໂຮມທິດສະດີ ແລະ ພຶດຕິກໍາຂອງທຸກພາກສ່ວນ ແລະ ທຸກຂະແໜງການຂອງການພັດທະນາ.ສະນັ້ນ, ແຜນ
5 ປີຄັ້ງທີ V ແມ່ນສຸມໃສ່ການພັດທະນາເສດຖະກິດທີ່ມີຜົນປະໂຫຍດຕໍ່ປະຊາຊົນດ້ວຍການສ້າງວຽກເຮັດງານທຳ
ໃຫ້ຫຼາຍຂຶ້ນສົ່ງເສີມຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (SME), ປັບປຸງຄ່າຄອງຊີບໃຫ້
ເໝາະສົມກັບລາຍໄດ້, ທຸກຄົນມີສິດສະເໝີພາບ ແລະ ມີສ່ວນຮ່ວມໃນທຸກຂະບວນການພັດທະນາ, ເສດຖະກິດ
ຂະຫຍາຍຕົວ, ການລົງທຶນເອກະຊົນຂະໜາດໃຫຍ່ມີຄຸນນະພາບ ແລະ ມີຄວາມຍືນຍົງ ພ້ອມທັງມີສະຖຽນລະ
ພາບດ້ານການເງິນ; ປັດໄຈສໍາຄັນຕ້ອງໄດ້ເພີ່ມທະວີຄວາມສາມາດໃນການຜະລິດ ແລະ ການສົ່ງເສີມນະວັດຕະ
ກຳໃໝ່ ແລະ ພູມປັນຍາເພື່ອເປັນປັດໄຈຂັບເຄື່ອນໃນການຂຸດຄົ້ນທ່າແຮງບົ່ມຊ້ອນ, ກາລະໂອກາດ ແລະ ສ້າງ
ຄວາມພ້ອມໃນການຮັບມືກັບສະພາບການພັດທະນາອຸດສະຫະກໍາ 4.0 ສ້າງໃຫ້ມີຄວາມກົມກຽວກັບຍຸດທະສາດ,
ບັນດາແຜນງານ ແລະ ໂຄງການ, ແຜນການ ເປັນປັດໄຈສຳຄັນບັນລຸເປົ້າໝາຍການພັດທະນາ.
ແຂວງບໍລິຄຳໄຊ ໄດ້ວາງຈຸດໝາຍລວມຂອງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ V (2021-2025) ເພື່ອສຸມໃສ່ພັດທະນາເສດຖະກິດ-ສັງຄົມຕາມທ່າແຮງທີ່ມີຢ່າງເຕັມສ່ວນ ເພື່ອພັດທະນາແຂວງບໍລິຄຳໄຊບັນລຸເງື່ອນໄຂການຫຼຸດພົ້ນອອກຈາກສະຖານະພາບຄວາມດ້ອຍພັດທະນາຢ່າງໜັກແໜ້ນ ດ້ວຍການເຕີບໂຕທີ່ມີຄຸນນະພາບຕາມທິດສົມດຸນ ແລະ ສີຂຽວ ແລະ ບັນລຸເປົ້າໝາຍການພັດທະນາແບບຍືນຍົງໃນປີ 2030 ຄື: “ສ້າງແຂວງບໍລິຄຳໄຊເປັນປະຕູເສດຖະກິດ, ແຫຼ່ງຜະລິດພະລັງງານ, ບໍລິການທາງຜ່ານ ແລະ ຄຸ້ມຄອງສິ່ງແວດລ້ອມແບບຍືນຍົງ ''ຕິດພັນກັບການປັບປຸງແບບແຜນດຳລົງຊີວິດໃໝ່ທີ່ກ້າວໜ້າ ເປັນຕົ້ນການຫັນປ່ຽນແນວຄິດທີ່ອາໃສແຕ່ການບໍລິໂພກເປັນຕົ້ນຕໍໃນໄລຍະຜ່ານມາ, ຫັນມາເຮັດການຜະລິດກຸ້ມຕົນເອງ ແລະ ກາຍເປັນສິນຄ້າທີ່ຍືນຍົງພັດທະນາຊົນນະບົດ, ລືບລ້າງຄວາມທຸກຍາກຂອງປະຊາຊົນໃນເຂດຊົນນະບົດພູດອຍໃຫ້ເປັນເຈົ້າການທໍາການຜະລິດໃຫ້ກຸ້ມກິນ, ມີໃຊ້ກຸ້ມຕົນເອງເພິ່ງຕົນເອງ, ຕີຖອຍແນວຄິດຄອງຄອຍລໍຖ້າ ແລະ ສ້າງວິຖີຊິວິດໃໝ່ວີທີທຳມາຫາກິນແບບໃໝ່, ພັດທະນາພື້ນຖານໂຄງລ່າງທີ່ຈຳເປັນຢູ່ໃນເຂດຫ່າງໄກສອກຫຼີກບັນດາເຂດຈຸດສຸມເພື່ອເຮັດໃຫ້ປະຊາຊົນໄດ້ຮັບການບໍລິການຂັ້ນພື້ນຖານຂອງລັດ ແລະ ໄດ້ສົ່ງສິນຄ້າອອກສູ່ຕະຫຼາດໃຫ້ຫຼາຍຂຶ້ນໂດຍເລີ່ມຈາກການຫັນປ່ຽນແນວຄິດຂອງພະນັກງານ, ສະມາຊິກພັກ, ຜູ້ປະກອບການ ແລະ ປະຊາຊົນບັນດາເຜົ່າຢ່າງເປັນເອກະພາບທົ່ວເຖິງ, ປະຕິບັດຢ່າງມີຈຸດສຸມ ແລະ ມີຜູ້ຮັບຜິດຊອບຢ່າງແທ້ຈິງ.
ແມ່ຍິງ ຫສນຍ ສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ
ໃນວັນທີ 22 ກໍລະກົດ ນີ້, ຫ້ອງວ່າການສໍານັກງານນາຍົກລັດຖະມົນຕີ (ຫສນຍ) ໄດ້ຈັດພິທີສະເຫຼີມສະຫຼອງວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ຄົບຮອບ 70 ປີ (20 ກໍລະກົດ 1955 - 20 ກໍລະກົດ 2025) ພາຍ ໃຕ້ຄໍາຂວັນ ‘‘70 ປີ ມີໄຊ ເຕີບໃຫຍ່ເຂັ້ມແຂງພັດທະນາແມ່ຍິງກ້າວໄກ ທັນສະໄໝ” ໂດຍການໃຫ້ກຽດ ເຂົ້າຮ່ວມຂອງສະຫາຍ ບົວຄົງ ນາມມະວົງ ກຳມະການສູນກາງພັກ ເລຂາຄະນະບໍລິຫານງານພັກ ລັດຖະມົນຕີ ຫົວໜ້າ ຫສນຍ;ສະຫາຍ ນາງອາລີ ວົງໝໍ່ບຸນທຳ ກໍາມະການສູນກາງພັກ ປະທານຄະນະບໍລິຫານງານສູນກາງສະຫະພັນແມ່ຍິງລາວ; ບັນດາສະຫາຍເລຂາໜ່ວຍພັກຮາກຖານ, ຄະນະບໍລິຫານງານສະຫະພັນກຳມະບານ, ຊາວໜຸ່ມ, ແມ່ຍິງ ພ້ອມດ້ວຍພັນລະຍາການນຳ, ພະນັກງານການນຳອາວຸໂສບຳນານເພດຍິງ ແລະ ສະມາຊິກສະຫະພັນແມ່ຍິງພາຍໃນ ຫສນຍ.
ຄໍາເຫັນ