ຈໍາປາສັກ ຈັດກິດຈະກໍາຂາຍສິນຄ້າລາຄາຕົ້ນທຶນຂອງຜູ້ຜະລິດ ໄດ້ຮັບຄວາມສົນຈາກສັງຄົມ

 ຊຶ່ງປະກອບມີ ເຂົ້າສານຈ້າວ, ເຂົ້າສານໜຽວ, ຊີ້ນໝູ, ໄຂ່ໄກ່, ພືດຜັກ, ອາຫານ ແລະ ເຄື່ອງບໍລິໂພກຕ່າງໆ. ກິດຈະກໍາຄັ້ງນີ້, ຈັດຂຶ້ນຢູ່ບໍລິເວນເດີ່ນຂະແໜງຊັບສິນທາງປັນຍາ,ມາດຕະຖານ ແລະ ວັດແທກ ບ້ານປາກເຊ ນະຄອນປາກເຊ ໂດຍການເຂົ້າຮ່ວມຂອງຄະນະພະແນກອຸດສາຫະກຳ ແລະ ການຄ້າແຂວງ ພ້ອມດ້ວຍການນໍາຂະແໜງການທີ່ກ່ຽວຂ້ອງ, ຄະນະຮັບຜິດຊອບຈັດກດິດຈະກໍາ ຕະຫຼອດຮອດປະກອບການ, ຊາວກະສິກໍາ ແລະ ພໍ່ແມ່ປະຊາຊົນພາຍໃນນະຄອນປາກເຊ ເຂົ້າຮ່ວມຢ່າງຫຼວງຫຼາຍ.
ໂອກາດນີ້, ທ່ານ ຄໍາແດງ ພົມມາພັກດີ ຮອງຫົວໜ້າພະແນກອຸດສາຫະກໍາ ແລະ ການຄ້າແຂວງ ຕາງໜ້າໃຫ້ຄະນະຮັບຜິດຊອບຈັດກິດຈະກໍາ ໃຫ້ສໍາພາດວ່າ: ຍ້ອນເຫັນໄດ້ຄວາມຫຍຸ້ງຍາກທາງດ້ານເສດຖະກິດ - ການເງີນ. ການຈັດຕັ້ງພັກ - ລັດ ເວົ້າລວມ, ເວົ້າສະເພາະແມ່ນ ຄະນະພັກ - ອົງການປົກຄອງແຂວງ ຈິ່ງໄດ້ຊີ້ນໍາ ໃຫ້ພະແນກອຸດສາຫະກໍາ ແລະ ການຄ້າແຂວງ ຈັດກິດຈະກໍາຂາຍສິນຄ້າລາຄາຕົ້ນທຶນຂອງຜູ້ຜະລິດ. ຈຸດປະສົງ ກໍເພື່ອເປັນການຜັນຂະຫຍາຍ ແລະ ເປັນການຈັດຕັ້ງປະຕິບັດມະຕິຂອງກົມການເມືອງສູນກາງພັກ ເລກທີ 04/ກມສພ, ລົງວັນທີ 11 ເມສາ 2024 ແລະ ມະຕິເລກທີ 05/ລບ, ລົງວັນທີ 21 ພຶດສະພາ 2024 ວ່າດ້ວຍການສ້າງເສດຖະກິດ ເອກະລາດ ເປັນເຈົ້າຕົນເອງ ໃນໄລຍະໃໝ່. ນອກນີ້ ກໍເພື່ອຫຼຸດຜ່ອນລາຍຈ່າຍຂອງພະນັກງານ, ທະຫານ, ຕຳຫຼວດ, ພໍ່ແມ່ປະຊາຊົນ ໃນໄລຍະເສດຖະກິດມີຄວາມເຄັ່ງຮ້ອນ ແລະ ທັງເປັນການຫຼຸດຜ່ອນລາຍຈ່າຍທີ່ຈໍາເປັນສໍາລັບຊີວິດການເປັນຢູ່ຂອງພໍ່ແມ່ນປະຊາຊົນ.
(ຂ່າວ-ພາບ:ທູນທອງໃຈ)