ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ໄດ້ຕ້ອນຮັບ ທ່ານ ນາງ ບຸນຄໍາ ວໍລະຈິດ ລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ (ກຊສ) ພ້ອມຄະນະໃນວັນທີ 15 ພະຈິກ ນີ້ ທີ່ຫ້ອງວ່າການແຂວງ, ໃນໂອກາດມາເຄື່ອນໄຫວຊີ້ນຳວຽກງານທີ່ແຂວງຈຳປາສັກ.
ທ່ານເຈົ້າແຂວງຈຳປາສັກ ໄດ້ສະແດງການຕ້ອນຮັບ ແລະຕີລາຄາສູງ ຕໍ່ການມາເຄື່ອນໄຫວຊີ້ນຳວຽກງານຂອງທ່ານລັດຖະມົນຕີ ກະຊວງຊັບພະຍາກອນທໍາມະຊາດ ແລະສິ່ງແວດລ້ອມ ແລະ ຄະນະ ໃນເທື່ອນີ້. ພ້ອມນັ້ນ ທ່ານເຈົ້າແຂວງຍັງໃຫ້ຮູ້ວ່າ: ຜ່ານມາແຂວງຈຳປາສັກ ໄດ້ຈັດຕັ້ງຜັນຂະຫຍາຍ ໃນການເພີ່ມທະວີວຽກງານຄຸ້ມຄອງ ແລະ ພັດທະນາທີ່ດິນໃນໄລຍະໃໝ່, ອົງການປົກຄອງແຕ່ລະຂັ້ນ ໄດ້ເອົາໃຈໃສ່ນຳພາ-ຊີ້ນຳ ວຽກງານປົກປັກຮັກສາ ແລະ ຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ (ທີ່ດິນ, ປ່າໄມ້, ນໍ້າ, ຊີວະນາໆພັນ, ປ່າສະຫງວນ, ປ່າປ້ອງກັນ, ວັງສະຫງວນ) ໂດຍໄດ້ອອກນິຕິກໍາຂອງແຂວງ ເຮັດໃຫ້ການຄຸ້ມຄອງ ແລະ ພັດທະນາທີ່ດິນປ່າໄມ້ຫັນເຂົ້າສູ່ລະບຽບຫຼັກການຢ່າງເຂັ້ມງວດ, ໄປຕາມທິດສີຂຽວ ແລະ ຍືນຍົງ. ພິເສດແຂວງຈໍາປາສັກ ໄດ້ສ້າງຕັ້ງອຸທິຍານແຫ່ງຊາດ 2 ແຫ່ງ ຄື: ອຸທິຍານແຫ່ງຊາດດົງຫົວສາວ ແລະ ເຊປຽນ,ພ້ອມດຽວກັນນັ້ນ ໃນແຕ່ລະປີໄດ້ນໍາພາການຈັດຕັ້ງປະຕິບັດວຽກງານສະກັດກັ້ນໄຟໄໝ້ລາມປ່າ ແລະ ຟື້ນຟູປ່າ ຕິດພັນກັບການເຝົ້າລະວັງ, ຕິດຕາມກວດກາການປ່ຽນແປງຂອງສະພາບການປ່ຽນແປງຂອງດິນຟ້າອາກາດເປັນແຕ່ລະໄລຍະ.
ໂອກາດນີ້, ທ່ານລັດຖະມົນຕີ (ກຊສ) ໄດ້ສະແດງຄວາມຂອບໃຈຕໍ່ການຕ້ອນຮັບ ແລະ ກ່າວຈຸດປະສົງໃນການມາເຄື່ອນໄຫວຊຸກຍູ້ວຽກງານທີ່ແຂວງຈຳປາສັກເທື່ອນີ້ ແມ່ນໄດ້ເຄື່ອນໄຫວພົບປະໂອ້ລົມການນໍາຫຼັກແຫຼ່ງພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແລະ ເຂົ້າຮ່ວມພິທີມອບ-ຮັບ ວຽກການຂຶ້ນທະບຽນອອກໃບຕາດິນ,ຈົດທະບຽນການເຄື່ອນໄຫວ-ປ່ຽນແປງສິດນຳໃຊ້ທີ່ດິນ ໃຫ້ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ ຂັ້ນນະຄອນ ແລະ ເມືອງ ເປັນຜູ້ຈັດຕັ້ງປະຕິບັດ, ທັງນີ້ ເພື່ອຈັດຕັ້ງປະຕິບັດ ແລະ ຜັນຂະຫຍາຍ ມະຕິຂອງຄະນະບໍລິຫານງານສູນກາງພັກ, ສະບັບເລກທີ 026/ຄບສພ, ວ່າດ້ວຍການເພີ່ມທະວີວຽກງານຄຸ້ມຄອງ ແລະ ພັດທະນາທີ່ດິນໃນໄລຍະໃໝ່, ມະຕິກອງປະຊຸມສະພາແຫ່ງຊາດ ວ່າດ້ວຍແຜນແມ່ບົດຈັດສັນທີ່ດິນແຫ່ງຊາດ ຮອດປີ 2030 ສະບັບເລກທີ 098/ສພຊ, ແຜນພັດທະນາເສດຖະກິດ-ສັງຄົມແຫ່ງຊາດ ແລະ ແຜນແມ່ບົດຈັດສັນທີ່ດິນແຫ່ງຊາດ ໃຫ້ປະກົດຜົນເປັນຈິງ.
ຂ່າວ-ພາບ: ທັດຊະນະ
ທ່ານເຈົ້າແຂວງຈຳປາສັກ ໄດ້ສະແດງການຕ້ອນຮັບ ແລະຕີລາຄາສູງ ຕໍ່ການມາເຄື່ອນໄຫວຊີ້ນຳວຽກງານຂອງທ່ານລັດຖະມົນຕີ ກະຊວງຊັບພະຍາກອນທໍາມະຊາດ ແລະສິ່ງແວດລ້ອມ ແລະ ຄະນະ ໃນເທື່ອນີ້. ພ້ອມນັ້ນ ທ່ານເຈົ້າແຂວງຍັງໃຫ້ຮູ້ວ່າ: ຜ່ານມາແຂວງຈຳປາສັກ ໄດ້ຈັດຕັ້ງຜັນຂະຫຍາຍ ໃນການເພີ່ມທະວີວຽກງານຄຸ້ມຄອງ ແລະ ພັດທະນາທີ່ດິນໃນໄລຍະໃໝ່, ອົງການປົກຄອງແຕ່ລະຂັ້ນ ໄດ້ເອົາໃຈໃສ່ນຳພາ-ຊີ້ນຳ ວຽກງານປົກປັກຮັກສາ ແລະ ຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ (ທີ່ດິນ, ປ່າໄມ້, ນໍ້າ, ຊີວະນາໆພັນ, ປ່າສະຫງວນ, ປ່າປ້ອງກັນ, ວັງສະຫງວນ) ໂດຍໄດ້ອອກນິຕິກໍາຂອງແຂວງ ເຮັດໃຫ້ການຄຸ້ມຄອງ ແລະ ພັດທະນາທີ່ດິນປ່າໄມ້ຫັນເຂົ້າສູ່ລະບຽບຫຼັກການຢ່າງເຂັ້ມງວດ, ໄປຕາມທິດສີຂຽວ ແລະ ຍືນຍົງ. ພິເສດແຂວງຈໍາປາສັກ ໄດ້ສ້າງຕັ້ງອຸທິຍານແຫ່ງຊາດ 2 ແຫ່ງ ຄື: ອຸທິຍານແຫ່ງຊາດດົງຫົວສາວ ແລະ ເຊປຽນ,ພ້ອມດຽວກັນນັ້ນ ໃນແຕ່ລະປີໄດ້ນໍາພາການຈັດຕັ້ງປະຕິບັດວຽກງານສະກັດກັ້ນໄຟໄໝ້ລາມປ່າ ແລະ ຟື້ນຟູປ່າ ຕິດພັນກັບການເຝົ້າລະວັງ, ຕິດຕາມກວດກາການປ່ຽນແປງຂອງສະພາບການປ່ຽນແປງຂອງດິນຟ້າອາກາດເປັນແຕ່ລະໄລຍະ.
ໂອກາດນີ້, ທ່ານລັດຖະມົນຕີ (ກຊສ) ໄດ້ສະແດງຄວາມຂອບໃຈຕໍ່ການຕ້ອນຮັບ ແລະ ກ່າວຈຸດປະສົງໃນການມາເຄື່ອນໄຫວຊຸກຍູ້ວຽກງານທີ່ແຂວງຈຳປາສັກເທື່ອນີ້ ແມ່ນໄດ້ເຄື່ອນໄຫວພົບປະໂອ້ລົມການນໍາຫຼັກແຫຼ່ງພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແລະ ເຂົ້າຮ່ວມພິທີມອບ-ຮັບ ວຽກການຂຶ້ນທະບຽນອອກໃບຕາດິນ,ຈົດທະບຽນການເຄື່ອນໄຫວ-ປ່ຽນແປງສິດນຳໃຊ້ທີ່ດິນ ໃຫ້ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ ຂັ້ນນະຄອນ ແລະ ເມືອງ ເປັນຜູ້ຈັດຕັ້ງປະຕິບັດ, ທັງນີ້ ເພື່ອຈັດຕັ້ງປະຕິບັດ ແລະ ຜັນຂະຫຍາຍ ມະຕິຂອງຄະນະບໍລິຫານງານສູນກາງພັກ, ສະບັບເລກທີ 026/ຄບສພ, ວ່າດ້ວຍການເພີ່ມທະວີວຽກງານຄຸ້ມຄອງ ແລະ ພັດທະນາທີ່ດິນໃນໄລຍະໃໝ່, ມະຕິກອງປະຊຸມສະພາແຫ່ງຊາດ ວ່າດ້ວຍແຜນແມ່ບົດຈັດສັນທີ່ດິນແຫ່ງຊາດ ຮອດປີ 2030 ສະບັບເລກທີ 098/ສພຊ, ແຜນພັດທະນາເສດຖະກິດ-ສັງຄົມແຫ່ງຊາດ ແລະ ແຜນແມ່ບົດຈັດສັນທີ່ດິນແຫ່ງຊາດ ໃຫ້ປະກົດຜົນເປັນຈິງ.
ຂ່າວ-ພາບ: ທັດຊະນະ
ຄໍາເຫັນ