ໃນວັນທີ 7 ກຸມພາ ຜ່ານມາ, ທ່ານ ບຸນໂຈມ ອຸບົນປະເສີດ ເຈົ້າແຂວງສະຫວັນນະເຂດ ພ້ອມດ້ວຍຄະນະ ນຳຂອງແຂວງ ໂດຍສົມທົບກັບ ຄະນະນຳເມືອງເຊໂປນ ໄດ້ເຄື່ອນໄຫວຊຸກຍູ້ຕິດຕາມການຈັດຕັ້ງປະຕິບັດວຽກງານ ຢູ່ພາກສະໜາມໃນການພັດທະນາໃນເຂດກຸ່ມບ້ານຈຽງຕູບ ເມືອງເຊໂປນ.
ໃນໂອກາດນີ້, ທ່ານ ບຸນໂຈມ ອຸບົນປະເສີດ ພ້ອມຄະນະ ໄດ້ລົງຕິດຕາມເບິ່ງໂຄງການກໍ່ສ້າງເສັ້ນທາງຈາກເສັ້ນທາງ 28A ຫາບ້ານນາ, ເມືອງເຊໂປນ, ຊຶ່ງການກໍ່ສ້າງເສັ້ນທາງດັ່ງກ່າວ ເຫັນວ່າມີຄວາມຄືບໜ້າຫຼາຍສົມຄວນ. ຈາກນັ້ນ, ກໍໄດ້ລົງຢ້ຽມຢາມ ພ້ອມທັງມອບເຄື່ອງຊ່ວຍເຫຼືອໃຫ້ໂຮງຮຽນກິນນອນກຸ່ມບ້ານຈຽງຕູບ ແລະໄດ້ລົງສຳຫຼວດຕົວຈິງເບິ່ງພື້ນທີ່ຈັດສັນໃໝ່ ທີ່ຈະກໍ່ສ້າງໂຮງໝໍນ້ອຍ, ໂຮງຮຽນ ແລະ ອື່ນໆ. ປະຈຸບັນ, ໄດ້ມີການບຸກເບີກພື້ນທີ່ໄປດັ່ງກ່າວແລ້ວ ແລະ ໄດ້ວາງແຜນຜັງການກໍ່ສ້າງຕ່າງໆ. ຊຶ່ງທ່ານເຈົ້າແຂວງ ໄດ້ຊີ້ນຳໃຫ້ຄະນະປົກຄອງບ້ານ ປຶກສາຫາລືກັນກັບປະຊາຊົນໃນການຍົກຍ້າຍປ່າຊ້າຂອງບ້ານ (ທີ່ນອນໃນເຂດດິນຈັດສັນໃໝ່) ໄປຕັ້ງບ່ອນໃໝ່ທີ່ເໝາະສົມ ເພື່ອຮອງຮັບການພັດທະນາໃນຕໍ່ໜ້າ. ຈາກນັ້ນ ກໍໄດ້ໄປພົບປະຢ້ຽມຢາມ-ມອບເຄື່ອງຊ່ວຍເຫຼືອໃຫ້ປະຊາຊົນບ້ານສົບສະລູ, ລົງເບິ່ງການປູກເຂົ້ານາແຊງ ແລະ ປູກຢາງພາລາ ຂອງປະຊາຊົນບ້ານສົບສະລູ ແລະ ລົງເບິ່ງການກໍ່ສ້າງຊົນລະປະທານ ເພື່ອສະໜອງນ້ຳແກ່ການຜະລິດຂອງປະຊາຊົນໃນເຂດດັ່ງກ່າວ.
ໃນການລົງເຄື່ອນໄຫວຄັ້ງນີ້, ທ່ານ ເຈົ້າແຂວງ ໄດ້ເນັ້ນໃຫ້ ບັນດາສະຫາຍຄະນະພັກ ຕ້ອງກຳໃຫ້ໄດ້ໜ້າທີ່ການເມືອງຂອງຕົນ (ຕາມຂໍ້ກໍານົດເລກທີ416/ຄລສພ, ວ່າດ້ວຍການຈັດຕັ້ງ ແລະ ການເຄື່ອນໄຫວຂອງຄະນະພັກຮາກຖານກຸ່ມບ້ານ ຫຼື ບ້ານໃຫຍ່) ຈາກນັ້ນ, ກໍ່ໃຫ້ເກັບກຳຂໍ້ມູນລະອຽດຂອງແຕ່ລະຄອບຄົວ, ແຕ່ລະບ້ານ ເພື່ອໃຫ້ຮູ້ສະພາບຈຸດພິເສດ, ທ່າແຮງ ເພື່ອມາວາງແຜນພັດທະນາ ໃຫ້ແທດເໝາະກັບສະພາບຄວາມເປັນຈິງ.
(ຂ່າວ: ສະຫວັນ)
ໃນໂອກາດນີ້, ທ່ານ ບຸນໂຈມ ອຸບົນປະເສີດ ພ້ອມຄະນະ ໄດ້ລົງຕິດຕາມເບິ່ງໂຄງການກໍ່ສ້າງເສັ້ນທາງຈາກເສັ້ນທາງ 28A ຫາບ້ານນາ, ເມືອງເຊໂປນ, ຊຶ່ງການກໍ່ສ້າງເສັ້ນທາງດັ່ງກ່າວ ເຫັນວ່າມີຄວາມຄືບໜ້າຫຼາຍສົມຄວນ. ຈາກນັ້ນ, ກໍໄດ້ລົງຢ້ຽມຢາມ ພ້ອມທັງມອບເຄື່ອງຊ່ວຍເຫຼືອໃຫ້ໂຮງຮຽນກິນນອນກຸ່ມບ້ານຈຽງຕູບ ແລະໄດ້ລົງສຳຫຼວດຕົວຈິງເບິ່ງພື້ນທີ່ຈັດສັນໃໝ່ ທີ່ຈະກໍ່ສ້າງໂຮງໝໍນ້ອຍ, ໂຮງຮຽນ ແລະ ອື່ນໆ. ປະຈຸບັນ, ໄດ້ມີການບຸກເບີກພື້ນທີ່ໄປດັ່ງກ່າວແລ້ວ ແລະ ໄດ້ວາງແຜນຜັງການກໍ່ສ້າງຕ່າງໆ. ຊຶ່ງທ່ານເຈົ້າແຂວງ ໄດ້ຊີ້ນຳໃຫ້ຄະນະປົກຄອງບ້ານ ປຶກສາຫາລືກັນກັບປະຊາຊົນໃນການຍົກຍ້າຍປ່າຊ້າຂອງບ້ານ (ທີ່ນອນໃນເຂດດິນຈັດສັນໃໝ່) ໄປຕັ້ງບ່ອນໃໝ່ທີ່ເໝາະສົມ ເພື່ອຮອງຮັບການພັດທະນາໃນຕໍ່ໜ້າ. ຈາກນັ້ນ ກໍໄດ້ໄປພົບປະຢ້ຽມຢາມ-ມອບເຄື່ອງຊ່ວຍເຫຼືອໃຫ້ປະຊາຊົນບ້ານສົບສະລູ, ລົງເບິ່ງການປູກເຂົ້ານາແຊງ ແລະ ປູກຢາງພາລາ ຂອງປະຊາຊົນບ້ານສົບສະລູ ແລະ ລົງເບິ່ງການກໍ່ສ້າງຊົນລະປະທານ ເພື່ອສະໜອງນ້ຳແກ່ການຜະລິດຂອງປະຊາຊົນໃນເຂດດັ່ງກ່າວ.
ໃນການລົງເຄື່ອນໄຫວຄັ້ງນີ້, ທ່ານ ເຈົ້າແຂວງ ໄດ້ເນັ້ນໃຫ້ ບັນດາສະຫາຍຄະນະພັກ ຕ້ອງກຳໃຫ້ໄດ້ໜ້າທີ່ການເມືອງຂອງຕົນ (ຕາມຂໍ້ກໍານົດເລກທີ416/ຄລສພ, ວ່າດ້ວຍການຈັດຕັ້ງ ແລະ ການເຄື່ອນໄຫວຂອງຄະນະພັກຮາກຖານກຸ່ມບ້ານ ຫຼື ບ້ານໃຫຍ່) ຈາກນັ້ນ, ກໍ່ໃຫ້ເກັບກຳຂໍ້ມູນລະອຽດຂອງແຕ່ລະຄອບຄົວ, ແຕ່ລະບ້ານ ເພື່ອໃຫ້ຮູ້ສະພາບຈຸດພິເສດ, ທ່າແຮງ ເພື່ອມາວາງແຜນພັດທະນາ ໃຫ້ແທດເໝາະກັບສະພາບຄວາມເປັນຈິງ.
(ຂ່າວ: ສະຫວັນ)
ຄໍາເຫັນ