ຈະສ້າງສູນການນໍາໃຊ້ເຕັກໂນໂລຊີດາວທຽມສືບຢັ່ງທາງໄກຢູ່ ສປປລາວ

ແລະແຜນທີ່ ສື່ເຫວີຍສປຈີນຈຳກັດໄດ້ຈັດຂຶ້ນໃນວັນທີ 12ກັນຍານີ້ທີ່ໂຮງແຮມດອນຈັນພາເລດ, ນະຄອນຫຼວງວຽງຈັນ.
ຮ່ວມລົງນາມຄັ້ງນີ້ໂດຍທ່ານວິໄລສອນບຸບຜາລັດຫົວໜ້າກົມເຕັກໂນໂລຊີແລະນະວັດຕະກຳແລະທ່ານຕິງ ຢົງ ປິງ(DING Yongbing)ຮອງປະທານບໍລິສັດຊາຍນາ ຣັອກເກັດຈຳກັດແລະທ່ານຟາງ ເສີງ(FANG Zheng)ຜູ້ຊ່ວຍຜູ້ອໍານວຍການບໍລິສັດເຕັກໂນໂລຊີສໍາຫຼວດວັດແທກແລະແຜນທີ່ ສື່ເຫວີຍສປຈີນຈຳກັດ, ໂດຍມີທ່ານບໍ່ວຽງຄໍາວົງດາລາ, ລັດຖະມົນຕີກະຊວງເຕັກໂນໂລຊີແລະການສື່ສານແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ໂດຍປະຕິບັດຕາມຂອບສັນຍາວ່າດ້ວຍການຮ່ວມມືກ່ຽວກັບການນໍາໃຊ້ຊັ້ນອາວະກາດຮ່ວມກັນຢ່າງສັນຕີລະຫວ່າງກະຊວງເຕັກໂນໂລຊີແລະການສື່ສານສປປລາວແລະອົງການອາວະກາດແຫ່ງຊາດຈີນທີ່ໄດ້ເຊັນກັນໃນປີ 2022 ຢູ່ທີ່ປັກກິ່ງສປຈີນໂດຍການເປັນສັກຂີພິຍານຂອງທ່ານທອງລຸນສີສຸລິດປະທານປະເທດແຫ່ງສປປລາວແລະທ່ານປະທານສີຈິ້ນຜິງປະທານປະເທດແຫ່ງສປຈີນເປັນໂຄງການຊ່ວຍເຫຼືອລະຫວ່າງລັດຖະບານສປຈີນແລະລັດຖະບານລາວແລະມອບໃຫ້ກົມເຕັກໂນໂລຊີແລະນະວັດຕະກຳແລະບໍລິສັດຊາຍນາ ຣັອກເກັດຈຳກັດແລະບໍລິສັດເຕັກໂນໂລຊີສໍາຫຼວດວັດແທກແລະແຜນທີ່ ສື່ເຫວີຍສປຈີນຈຳກັດຈັດຕັ້ງປະຕິບັດຕົວຈິງ. ຈຸດປະສົງການຮ່ວມມືກັນໃນຄັ້ງນີ້ ແມ່ນເພື່ອສ້າງສູນການນໍາໃຊ້ ເຕັກໂນໂລຊີດາວທຽມສືບຢັ່ງທາງໄກຢູ່ ສປປລາວ.
ການຮ່ວມມືກັນໃນຄັ້ງນີ້ ແມ່ນເພື່ອແນໃສ່ໜ້າວຽກດັ່ງຕໍ່ໄປນີ້:1. ນໍາໃຊ້ດາວທຽມສໍາຫຼວດຂອງສປຈີນເພື່ອສໍາຫຼວດໜ້າໂລກໂດຍສະເພາະສໍາຫຼວດເນື້ອທີ່ຂອງສປປລາວ. ໃນນີ້,ມີການສໍາຫຼວດບໍ່ແຮ່ ການຂຸດຄົ້ນບໍ່ແຮ່, ສໍາຫຼວດເນື້ອທີ່ດິນກະສິກຳ, ສໍາຫຼວດປ່າໄມ້, ສໍາຫຼວດເນື້ອທີ່ປູກເຂົ້າ, ສໍາຫຼວດເນື້ອທີ່ໄພພິບັດທາງທຳມະຊາດ, ເນື້ອທີ່ນໍ້າຖ້ວມ, ເນື້ອທີ່ໄຟໄໝ້ປ່າ, ສໍາຫຼວດຫາລະເບີດທີ່ຍັງບໍ່ທັນແຕກທີ່ຕົກຄ້າງຢູ່ໃນດິນ;2. ນໍາໃຊ້ດາວທຽມສໍາຫຼວດຂອງສປຈີນເພື່ອເຕືອນໄພພິບັດທາງທຳມະຊາດໃນການຕິດຕາມສະພາບອາກາດ, ແຜ່ນດິນໄຫວແລະການເຄື່ອນຕົວຂອງພາຍຸ;3. ນໍາໃຊ້ດາວທຽມໃນການສໍາຫຼວດຕົວເມືອງ, ການບໍລິຫານຕົວເມືອງ, ການຄຸ້ມຄອງການຈາລະຈອນຂອງຍານພາຫະນະທາງບົກ, ທາງນໍ້າແລະທາງອາກາດ;4. ການນໍາໃຊ້ດາວທຽມເພື່ອປ້ອງກັນຊາດ, ປ້ອງກັນຄວາມສະຫງົບ, ວຽກງານຊາຍແດນ, ການລະບາດຂອງພະຍາດ;5.ໃຫ້ການບໍລິການພາບຖ່າຍດາວທຽມໃຫ້ແກ່ສັງຄົມ,ສະໜອງຂໍ້ມູນຕ່າງໆທີ່ລັດຖະບານຕ້ອງການໃນວຽກງານເຕັກໂນໂລຊີອາວະກາດ; 6. ໃຫ້ການບໍລິການມືຖືຜ່ານດາວທຽມທີ່ມີຄວາມໄວສູງໂດຍສະເພາະແມ່ນເຂດພູດອຍ, ເຂດຫ່າງໄກສອກຫຼີກ, ເຂດຊາຍແດນໂດຍນໍາໃຊ້ ດາວທຽມວົງໂຄຈອນຕໍ່າ.ການຊ່ວຍເຫຼືອຄັ້ງນີ້ ມີມູນຄ່າປະມານ 20 ລ້ານຢວນ(ສະກຸນເງິນຈີນ) ແລະຈະໄດ້ແບ່ງອອກເປັນ 4 ໄລຍະດັ່ງນີ້: ໄລຍະທີ 1: ສ້າງໂຄງລ່າງພື້ນຖານທີ່ຈຳເປັນ, ອຸປະກອນດ້ານເຕັກນິກ, ສ້າງຊັບພະຍາກອນມະນຸດຈັດຝຶກອົບຮົມໃຫ້ແກ່ວິຊາການລາວ, ນໍາພາວິຊາການລາວເຮັດຕົວຈິງ, ໃຫ້ການບໍລິການດ້ານພາບຖ່າຍດາວທຽມ, ໃຫ້ການບໍລິການດ້ານເຕັກໂນໂລຊີອາວະກາດ, ສະໜອງຂໍ້ມູນຕ່າງໆທີ່ລັດຖະບານຕ້ອງການ; ໄລຍະທີ 2: ສ້າງນັກວິຊາການລາວໃຫ້ມີຄວາມສໍານິຊຳນານກວ່າໄລຍະທີ 1,ໃຫ້ການບໍລິການແກ່ພາກລັດແລະເອກະຊົນທີ່ວ່ອງໄວ, ສ້າງໂຄງລ່າງພື້ນຖານ;ໄລຍະທີ 3: ສ້າງນັກວິຊາການລາວໃຫ້ມີຄວາມຊ່ຽວຊານດ້ານເຕັກໂນໂລຊີອາວະກາດ, ສາມາດສັ່ງດາວທຽມຂອງສປຈີນຖ່າຍພາບໄດ້, ສາມາດອ່ານພາບຖ່າຍໄດ້, ສ້າງຖານຂໍ້ມູນດ້ານເຕັກໂນໂລຊີອາວະກາດ;ໄລຍະທີ 4: ສ້າງນັກວິຊາການລາວໃຫ້ມີຄວາມຊຳນານທຸກດ້ານສາມາດສັ່ງດາວທຽມຂອງສປຈີນຖ່າຍພາບຕາມຄວາມຕ້ອງການ. ມອບໂຄງການໃຫ້ຝ່າຍລາວເປັນຜູ້ບໍລິຫານເອງທັງໝົດ.
(ຂ່າວ-ພາບ: ສຳນານ)