 |
ທ່ານ ບຸນມີ ພິມມະສອນ ໄດ້ກ່າວມີຄໍາເຫັນວ່າ: ກອງປະຊຸມຝຶກອົບຮົມຄັ້ງນີ້, ມີຄວາມໝາຍ ແລະ ມີຄວາມສຳຄັນຢ່າງຍິ່ງ ເພື່ອໃຫ້ຜູ້ສະໝັກຮັບເລືອກຕັ້ງໄດ້ເຊື່ອມຊຶມຢ່າງເລິກເຊິ່ງ ແລະ ເພີ່ມຄວາມຮູ້ຄວາມເຂົ້າໃຈ ກ່ຽວກັບທີ່ຕັ້ງ, ພາລະບົດບາດ, ສິດ ແລະ ໜ້າທີ່ຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງ. ພ້ອມນັ້ນ ຍັງໄດ້ຊີ້ແຈງເນື້ອໃນສຳຄັນຂອງມະຕິກົມການເມືອງສູນກາງພັກ ສະບັບເລກທີ 26/ກມສພ, ຄໍາແນະນໍາຂອງຄະນະກຳມະການລະດັບຊາດ ແລະ ຂໍ້ກໍານົດທາງກົດໝາຍ ກ່ຽວກັບຫຼັກການເລືອກຕັ້ງ, ການໂຄສະນາຫາສຽງ ແລະ ການພົບປະຜູ້ມີສິດເລືອກຕັ້ງ ໃຫ້ຖືກຕ້ອງຕາມລະບຽບການທີ່ກຳນົດໄວ້.
 |
ນອກຈາກນັ້ນ, ຜູ້ເຂົ້າຮ່ວມກອງປະຊຸມ ຍັງໄດ້ແລກປ່ຽນຄໍາຄິດເຫັນຢ່າງກົງໄປກົງມາ ກ່ຽວກັບທັກສະ, ເນື້ອໃນ ແລະ ວິທີການໃນການໂຄສະນາຫາສຽງ ເພື່ອໃຫ້ຜູ້ສະໝັກແຕ່ລະທ່ານ ກະກຽມວຽກງານໄດ້ຢ່າງຮອບດ້ານ, ລະອຽດ ແລະ ຄົບຖ້ວນ.ການຝຶກອົບຮົມຄັ້ງນີ້, ແນໃສ່ໃຫ້ການໂຄສະນາຫາສຽງເປັນເອກະພາບ, ມີປະສິດທິພາບ ແລະ ບັນລຸຜົນສຳເລັດ ເພື່ອກຽມຄວາມພ້ອມເຂົ້າສູ່ການເລືອກຕັ້ງ ໃນວັນທີ 22 ກຸມພາ 2026 ທີ່ຈະມາເຖິງນີ້ໃຫ້ບັນລຸຕາມຄາດໝາຍທີ່ວາງໄວ້.
(ຂ່າວ: ມະນີວັນ)
ຄໍາເຫັນ