ທ່ານ ຫຼິນຈ້ຽນ ຢືນຢັນວ່າ: ທ່ານສີຈິ້ນຜິງ ປະທານປະເທດຈີນໄດ້ສົ່ງສານຊົມເຊີຍໄປຍັງກອງປະຊຸມດັ່ງກ່າວ ແລະ ປະກາດຈະນຳໃຊ້ມາດຕະການປອດພາສີ 100% ຕໍ່ສິນຄ້າຈາກ 53 ປະເທດໃນອາຟຣິກາທີ່ສ້າງສາຍພົວພັນທາງການທູດກັບຈີນ ເພື່ອສ້າງຄວາມສະດວກຫຼາຍກວ່າເກົ່າໃຫ້ແກ່ປະເທດດ້ອຍພັດທະນາໃນອາຟຣິກາ ເພື່ອສົ່ງອອກສິນຄ້າໄປຈີນ.
ຈີນຖືເອົາການເພີ່ມທະວີຄວາມສາມັກຄີ ແລະ ການຮ່ວມມືກັບປະເທດໃນອາຟຣິກາເປັນພື້ນຖານສຳຄັນຂອງນະໂຍບາຍການຕ່າງປະເທດຢ່າງສະເໝີຕົ້ນສະເໝີປາຍ, ຍິນດີຮ່ວມກັບອາຟຣິກາ ຮ່ວມກັນຊຸກຍູ້ການຈັດຕັ້ງປະຕິບັດຜົນຂອງກອງປະຊຸມສຸດຍອດປັກກິ່ງຢ່າງໜັກແໜ້ນ, ຊຸກຍູ້ໃຫ້ຄວາມທັນສະໄໝແບບຈີນຊ່ວຍອາຟຣິກາພັດທະນາໃຫ້ມີຄວາມຈະເລີນຮຸ່ງເຮືອງ ເພື່ອປະກອບສ່ວນກຳລັງແຮງຂອງຈີນ ແລະ ອາຟຣິກາເຂົ້າໃນການບັນລຸຄວາມສາມັກຄີ, ການສ້າງຄວາມເຂັ້ມແຂງດ້ວຍຕົນເອງຂອງເຂດໂລກໃຕ້ ແລະ ການສ້າງປະຊາຄົມຮ່ວມຊາຕາກຳຂອງມວນມະນຸດ.
ຄໍາເຫັນ